Bakı Şəhəri Sabunçu Rayon Məhkəməsi Qərar — İş №3(008)-14/2024

Azərbaycan Respublikası adından QƏRAR Bakı şəhəri İş № 3(008)-14/2024 19.01.2024 BAKI ŞƏHƏRİ SABUNÇU RAYON MƏHKƏMƏSİ Hakim Rzayev Anar Zahid oğlunun sədrliyi, Əziz-zadə Məlikəhməd Mahir oğlunun katibliyi ilə, Şəxs MMC-nin direktoru Nümayəndə iştirakı ilə, Şəxs MMC-nin Azərbaycan Respublikası İnzibati Xətalar Məcəlləsinin 215.4-cü maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq, MÜƏYYƏN ETDİ: Şəxs MMC-nin Azərbaycan Respublikası İnzibati Xətalar Məcəlləsinin 215.4-cü maddəsi ilə təqsirləndirilməsinə dair Azərbaycan Respublikası Səhiyyə Nazirliyi tərəfindən 01 dekabr 2023-cü il tarixdə MN № ******* saylı inzibati xəta haqqında protokol tərtib edilərək baxılması üçün məhkəməyə göndərilmişdir. İş materiallarından görünür ki, Azərbaycan Respublikası Səhiyyə Nazirliyi tərəfindən təqdim edilmiş məlumat və sənədlərə əsasən 01 dekabr 2023-cü il tarixdə saat 13:50-də şikayət ərizəsinə əsasən plandankənar yoxlama zamanı ünvan 1 ünvanında qeydiyyatda olan Şəxs MMC-nin direktoru X1 sertifkatsız tibb fəaliyyəti göstərməsi aşkar edilmişdir. Qeyd olunan pozuntular Azərbaycan Respublikası Səhiyyə Nazirliyi X2nin xx.xx.2023-cü il tarixli, 821 nömrəli plan üzrə yoxlama aktı ilə təsdiq edilir. Məhkəmə iclasında iştirak edən barəsində inzibati xəta haqqında iş üzrə icraat aparılan Şəxs MMC-nin direktoru Nümayəndə izahatında özünü təqsirli bilərək bildirmişdir ki, 01 dekabr 2023-cü il tarixdə saat 13:50-də ünvan 1 ünvanında qeydiyyatda olan Şəxs MMC adlanan klinakada sertifkatsız tibb fəaliyyəti göstərmişdir. Yaxın zamanlarda tibb fəaliyyəti ilə bağlı kurs və imtahandan keçəcəyini bildirərək barəsində yüngül inzibati tənbeh tətbiq edilməsini xahiş edir. Azərbaycan Respublikası Səhiyyə Nazirliyi məhkəmə iclasının vaxtı və yeri barədə qanunla müəyyən olunan qaydada xəbərdar olunsa da, səlahiyyətli nümayəndəsi məhkəməyə gəlməmişdir. Məhkəmə Azərbaycan Respublikası İXM-nin 64.3-cü maddəsinə əsasən işə Azərbaycan Respublikası Səhiyyə Nazirliyinin səlahiyyətli nümayəndəsinin iştirakı olmadan baxılmasını mümkün hesab edir. İş materiallarında xx.xx.2023-cü il, 821 nömrəli əczaçılıq müəssisələrinin plan üzrə (növbəti) yoxlama aktından görünür ki, yoxlama zamanı Nümayəndə sertifikasiya şəhadətnaməsindən keçmədən praktiki tibbi fəaliyyət ilə məşğul olmuşdur. İş materiallarından olan izahatdan görünür ki, Şəxs MMC-nin direktoru Nümayəndə tərəfindən Azərbaycan Respublikası Səhiyyə nazirliyi “X2”nə müraciət edərək xx.xx.2021ci il tarixində fəaliiyət göstərdiyi aptekdə “X2” nin əməkdaşları tərəfindən yoxlama aparıldığını, qanunvericilikdə satışı qadağan olunan, sertifikatı olmayan və qanunla dövlət qeydiyyatından keçməyən dərman vasitələri aşkar edilərək məsul saxlamaya götürüldüyünü, qeyd edilən tələblərə uyğun fəaliyyət göstərilməsi üçün 03 (üç) ay ərzində uyğunlaşdırılacağını bildirmişdir. Azərbaycan Respublikası İnzibati Xətalar Məcəlləsinin 215.4-cü maddəsinə əsasən qanunvericiliyə uyğun olaraq sertifikasiyadan keçməyən şəxslərin (işçilərin) praktik tibb və əczaçılıq fəaliyyətinə buraxılmasına görə - vəzifəli şəxslər səkkiz yüz manatdan min manatadək məbləğdə, hüquqi şəxslər altı min manatdan səkkiz min manatadək məbləğdə cərimə edilir. Məhkəmə araşdırması nəticəsində müəyyən edilmişdir ki, Şəxs MMC-nin Azərbaycan Respublikası İnzibati Xətalar Məcəlləsinin 215.4-ci maddəsi ilə nəzərdə tutulmuş inzibati xətaları törədilməsində təqsiri sübuta yetirilmişdir. Beləliklə, məhkəmə iclasında Nümayəndə tərəfindən verdiyi izahatdan və Azərbaycan Respublikası Səhiyyə Nazirliyi X2nin əczaçılıq müəssisələrinin plan üzrə 821 saylı, bu fakt iş materiallarında olan xx.xx.2023-ci il tarixli yoxlama aktından sübuta yetir. Məhkəmə hesab edir ki, Şəxs MMC Azərbaycan Respublikasının İnzibati Xətalar Məcəlləsinin 215.4-cü maddəsinin sanksiyası çərçivəsində tənbeh tətbiq edilməlidir. Azərbaycan Respublikasının İnzibati Xətalar Məcəlləsinin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbulu və icra edilməsi, həmin vaxt qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. Azərbaycan Respublikasının İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İnzibati Xətalar Məcəlləsinin 106-cı maddəsinə əsasən inzibati xəta haqqında işin baxılmağa hazırlanması mərhələsində hakim, inzibati xəta haqqında protokolun və işin digər materialların Azərbaycan Respublikasının İnzibati Xətalar Məcəlləsinin tələblərinə müvafiq olaraq tərtib edilməsi məsələsini həll edir. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs MMC-nin məsuliyyətini ağırlaşdıran və yüngülləşdirən hallar müəyyən edilmədi. Azərbaycan Respublikasının İnzibati Xətalar Məcəlləsinin 21-ci maddəsinə əsasən İnzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 112, 114, 115, 117, 128, 129, 130-cu maddələrini rəhbər tutaraq, QƏRARA ALDİ: Şəxs MMC Azərbaycan Respublikası İnzibati Xətalar Məcəlləsinin 215.4-cü maddəsində nəzərdə tutulmuş inzibati xətanın törədilməsində təqsirli bilinərək 6000 (altı min) manat məbləğində inzibati cərimə edilsin. Qərardan rəsmi qaydada verildiyi vaxtdan 10 (on) gün müddətində Bakı şəhəri Sabunçu Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: Anar Rzayev