Bakı Şəhəri Sabunçu Rayon Məhkəməsi Qərar — İş №3(008)-1829/2020

Azərbaycan Respublikası adından QƏRAR Bakı şəhəri İş № 3(008)-1829/2020 15.09.2020 BAKI ŞƏHƏRİ SABUNÇU RAYON MƏHKƏMƏSİ Bakı şəh., Sabunçu Rayon Məhkəməsinin hakimi Zeynalov Mirheydər Seyidəmir oğlu, məhkəmə iclasının katibi Ənvərli Ənvər Niyazi oğlunun katibliyi, barəsində inzibati xəta haqqında protokol tərtib edilmiş şəxs Şəxs iştirakı ilə, xx xxxx 1986-ci il tarixdə Cəbrayıl rayonu, Xələfli kəndində anadan olmuş, Azərbaycan Respublikasının vətəndaşı, ailəli, Cəbrayıl rayonu, Xələfli kəndində qeydiyyatda olan-Şəxs Azərbaycan Respublikası İnzibati Xətalar Məcəlləsinin 332.1 və 333.1-ci maddələri ilə Bakı şəhər Baş Polis İdarəsi Dövlət X2 daxil olmuş inzibati xəta haqqında materiala xx xxxxxxxx 2020-ci il tarixdə Bakı şəhəri Sabunçu Rayon Məhkəməsinin binasında açıq məhkəmə iclasında baxaraq, müəyyən etdi: Bakı şəhər BPİ Yol Patrul xidməti baş inspektoru X1 tərəfindən tərtib edilmiş xx.xx.2020-ci il tarixli, İXP ******* saylı inzibati xəta haqqında protokoldan və əlavə edilmiş materiallardan görünür ki, Şəxs xx.xx.2020-ci il tarixdə saat 07:04 radələrində Sabunçu rayonu, Bilgəh qəsəbəsində “Hyundai Sonata minik” markalı, **-OV-*** dövlət qeydiyyat nişanlı avtomobili idarə edərkən Dövlət Yol Polisi əməkdaşları tərəfindən saxlanılmışdır. Saxlanılan zaman müəyyən edilmişdir ki, sürücü avtomobili etibarnamə olmadan, eyni zamanda sürücünün spirtli içki qəbul etməsinə dair şübhələr olduğundan alkotestr müayinə zamanı müəyyən edilmişdir ki, sürücü avtomobili sərxoş idarə edir. Məhkəmə inzibati xəta haqqında protokolu tərtib edən Bakı şəhər Baş Polis İdarəsi Dövlət X5 məhkəmə iclasının vaxtı və yeri barədə qanunla müəyyən olunmuş qaydada məlumat versədə, nümayəndəsinin məhkəməyə gəlməməsinə qiymət verərək Azərbaycan Respublikası İXM-nin 112.1.4-cü maddəsinə əsasən işə Dövlət X6 nümayəndəsinin iştirakı olmadan baxılmasını mümkün hesab edir. Məhkəmə iclasında barəsində inzibati xəta haqqında protokol tərtib edilmiş şəxs Şəxs izahat verərək bildirdi ki, xx xxxxxx 2020-ci il il tarixdə Sabunçu rayonu, Bilgəh qəsəbəsində avtomobillə hərəkət edərkən yol polisi tərəfindən saxla işarəsi verildiyi zaman avtomobilini saxlamışdır. Yol polisi əməkdaşı ona avtomobili etibarnamə olmadan, eyni zamanda içkili vəziyyətdə idarə etdiyini bildirmişdir. Polis əməkdaşına saxlanılan vaxt spirtli içki qəbul edib avtomobil idarə etmədiyini bildirmişdir. Bu zaman yol polisinin əməkdaşı ona cihaza üfürməsini bildirdikdə həmin cihaza üfürmüşdür. Yol polisi əməkdaşı ona müraciət edərək boş vərəqə qol çəkib gedə biləcəyini bildirdikdə, onun təqdim etdiyi boş vərəqi imzalamışdır. Daha sonra barəsində guya içkili vəziyyətdə avtomobil idarə etdiyi üçün protokol tərtib olunduqdan sonra ona avtomobilini cərimə meydançasına aparacağını dedikdə, artıq onu aldatdığını başa düşüb, özü həkim müayinəsinə getmişdir. Müayinə zamanı həkim onda hər hansı sərxoşluq müəyyən etməmişdi və bu barədə sərxoşluq vəziyyətinin tibbi müayinəsi protokolu vermişdir. Məhkəmədən polislərin bütün bu qanunsuz hərəkətlərinə qiymət verilməsini və onun barəsində ədalətli qərar qəbul edilməsini xahiş edir. Azərbaycan Respublikasının İnzibati Xətalar Məcəlləsinin 332.1-ci maddəsinə əsasən nəqliyyat vasitəsinə sahiblik hüququ olan şəxsin nəqliyyat vasitəsində olması halları istisna olmaqla, nəqliyyat vasitəsinin etibarnamə olmadan idarə edilməsinə görəqırx manat məbləğində cərimə edilir. Azərbaycan Respublikasının İnzibati Xətalar Məcəlləsinin 333.1-ci maddəsinə əsasən nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə-dörd yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Azərbaycan Respublikasının İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Məhkəmə proses iştirakçısının izahatını dinləyib, tərtib edilmiş xx.xx.2020-ci il tarixli, İXP ******* saylı inzibati xəta haqqında protokola baxaraq belə nəticəyə gəlir ki, Şəxs tərəfindən ona istinad olunan inzibati xətanın törədilməsi məhkəmə araşdırması zamanı sübut olunmur. Belə ki, iş materiallarından görünür ki, Şəxs barəsində Bakı şəhər BPİ Yol Patrul xidməti baş inspektoru X1 tərəfindən xx.xx.2020-ci il tarixli, İXP ******* saylı protokol tərtib edilmiş və onun əməli Azərbaycan Respublikası İXM-nin 332.1-ci maddəsi (nəqliyyat vasitəsinə sahiblik hüququ olan şəxsin nəqliyyat vasitəsində olması halları istisna olmaqla, nəqliyyat vasitəsinin etibarnamə olmadan idarə edilməsinə görə) və 333.1-ci (nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə) maddələri ilə tövsif edilmişdir. Lakin məhkəmə araşdırması zamanı Şəxs saxlanıldıqdan sonra İXM-nin 333.1-ci maddəsi ilə nəzərədə tutulmuş yəni, nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsi məhkəmə araşdırması zamanı öz təsdiqini tapmamışdır. Belə ki, YPX əməkdaşları tərəfindən Şəxs saxlanılarkən sərxoş olmadığını polis əməkdaşlarına bildirmişdir. Lakin polis əməkdaşı akt tərtib edərək içkili olması barədə sənədi imzalatmışdır. Şəxs bundan sonra tibbi müayinədən keçmiş və onda alkoqol sərxoşluq vəziyyəti müəyyən edilməmişdir. Həmçinin Şəxs Azərbaycan Respublikası İXM-nin 332.1-ci maddəsində nəzərdə tutulmuş inzibati xətalardan hər hansı birinin törətməsinə dair iş materiallarına və məhkəməyə heç bir sübut nə əlavə edilmiş, nə də təqdim edilməmişdir. Qeyd edilənlərə əsasən məhkəmə belə qənaətə gəlir ki, sürücü Şəxs hər hansı qayda pozuntusu törətmədiyi halda əsassız olaraq YPX əməkdaşı tərəfindən saxlanılaraq, qərəzli şəkildə barəsində İXM-nin bir neçə maddəsi ilə protokol tərtib olunmuşdur. Belə olduğu halda məhkəmə hesab edir ki, Şəxs hərəkətlərində inzibati xətanın tərkibi yoxdur və başlanmış icraata xitam verilməlidir. Şəxs tərəfindən məhkəməyə təqdim edilmiş Azərbaycan Respublikası SN Respublika Narkoloji Mərkəzinin 2/4144 saylı xx.xx.2020-ci il tarixli sərxoşluq hallarının bütün növlərinin təyini məqsədi ilə aparılan tibbi müayinə protokolundan görünür ki, Şəxs xx.xx.2020-ci il tarixdə ayıq vəziyyətdə olmuş və onda alkoqol sərxoşluğu vəziyyəti yoxdur. Məhkəmə iclasının yeri və vaxtı barədə məlumat verilməsinə baxmayaraq, Bakı şəhər Baş Polis İdarəsi Dövlət X4 nümayəndəsi və ya protokolu tərtib etmiş inspektor xx xxxxxxxx 2020-ci il və xx xxxxxxxx 2020-ci il tarixə təyin edilən məhkəmə iclaslarına gəlməmişlər və xx.xx.2020-ci il tarixli, İXP ******* saylı protokolun tərtib olunmasına əsas olmuş sübutları məhkəməyə təqdim etməmişlər. Azərbaycan Respublikası İXM-nin 3-cü maddəsinə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 69.2-ci maddəsinə əsasən şəxsi axtarış, əşyaların yoxlanılması, nəqliyyat vasitəsinə baxış, əşyaları və sənədləri götürmə, eləcə də sərxoşluq vəziyyətinin müayinəsi aparılarkən hal şahidlərinin iştirakı məcburidir. Hal şahidləri onların iştirakı ilə həyata keçirilən prosessual hərəkətləri, onların məzmununu və nəticəsini protokolda öz imzası ilə təsdiq edirlər. Göründüyü kimi sərxoşluq vəziyyətinin müayinəsi aparılarkən hal şahidlərinin iştirakı məcburi olduğu halda Dövlət Yol Polisinin əməkdaşı tərəfindənsərxoşluq vəziyyətinin müayinəsi aparılarkən hal şahidlərinin iştirakı təmin edilməmişdir. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikası İXM-nin 53.0.2-ci maddəsinə görə şəxsin hərəkətində inzibati xəta tərkibi olmadıqda inzibati xətalar haqqında işlər üzrə icraat başlana bilməz, başlanmış icraata isə xitam verilməlidir. Azərbaycan Respublikası İnzibati Xətalar Məcəlləsinin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 57, 106, 128, 129-130-cu maddələrini rəhbər tutaraq qərara aldı: Şəxs hərəkətlərində inzibati xətanın tərkibi olmadığından Azərbaycan Respublikasının İnzibati Xətalar Məcəlləsinin 332.1 və 333.1-ci maddələri ilə təqsirləndirilməsinə dair başlanmış inzibati xəta haqqında işin icraatına xitam verilsin. Qərarın surəti rəsmi qaydada verildiyi gündən 10 gün müddətində Bakı şəhəri Sabunçu Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Mirheydər Zeynalov