Bakı Şəhəri Sabunçu Rayon Məhkəməsi Qərardad — İş №3(008)-2068/2024

Azərbaycan Respublikası adından QƏRARDAD Bakı şəhəri İş № 3(008)-2068/2024 27.03.2024 BAKI ŞƏHƏRİ SABUNÇU RAYON MƏHKƏMƏSİ X1 İmanova, Şəxs Azərbaycan Respublikası İnzibati Xətalar Məcəlləsinin 327.1 və 343.1-ci maddələri ilə nəzərdə tutulmuş inzibati xətanın törədilməsi barədə Bakı Şəhər Baş Polis İdarəsi Dövlət Yol Polisi İdarəsindən daxil olmuş inzibati xəta haqqında materiala baxaraq MÜƏYYƏN ETDİ: Şəxs tərəfindən Azərbayсan Respublikası İnzibati Xətalar Məсəlləsinin 327.1 və 343.1-ci maddələrində nəzərdə tutulan inzibati xətanın törədilməsi barədə 07 mart 2024cü il tarixli, İXP ******* saylı inzibati xəta haqqında protokol və ona əlavə edilmiş materiallar baxılması üçün Bakı şəhəri Sabunçu Rayon Məhkəməsinə göndərilmişdir. Məhkəmə inzibati xəta haqqında protokolu və ona əlavə edilmiş sənədləri nəzərdən keçirib hesab edir ki, inzibati xəta haqqında protokol və ona əlavə edilmiş sənədlər geri qaytarılmalıdır. Belə ki, Şəxs barəsində tərtib olunmuş 07 mart 2024-cü il tarixli, İXP ******* nömrəli inzibati xəta haqqında protokolda şəxsin İnzibati Xətalar Məcəlləsinin 343.1-ci maddəsində nəzərdə tutulan inzibati xətanı törətməsi qeyd olunmuş, həmçinin “Sərxoşluq vəziyyətinin tibbi müayinəsi barədə” 07 mart 2024-cü il tarixli, 1/252 nömrəli Aktda Şəxs tibbi müayinədən imtina etdiyi göstərilmiş, lakin inzibati xəta haqqında protokolda inzibati xətanın mahiyyətinin göstərildiyi hissədə şəxsin həkim yoxlanışında müayinə edildiyi qeyd olunmuşdur. Halbuki, AR İnzibati Xətalar Məcəlləsinin 343.1-ci maddəsi həmin Məcəllənin 333.1ci maddəsində nəzərdə tutulmuş hallarda sərxoşluq vəziyyətinin müəyyən edilməsi üçün tibbi müayinəyə aparılmış nəqliyyat vasitəsini idarə etmək hüququ olan şəxsin tibbi müayinədən imtina etməsini özündə əks etdirir. Hazırki halda Bakı Şəhər Baş Polis İdarəsi Dövlət Yol Polisi İdarəsi tərəfindən Şəxs barəsində onun tibbi müayinədən imtina etməsi ilə bağlı inzibati xəta haqqında protokol tərtib olunsa da, protokolda şəxsin müayinə edildiyi göstərilmişdir ki, bu da səlahiyyətli orqan tərəfindən məhkəməyə təqdim edilmiş sənədlər düzgün tərtib olunmamasına dəlalət edir. İnzibati Xətalar Məcəlləsinin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Belə olan halda hesab edilir ki, inzibati xəta haqqında protokol düzgün tərtib olunmadığından protokol onu tərtib etmiş orqana geri qaytarılmalıdır. Yuxarıda qeyd olunanlara əsasən məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 327.1 və 343.1-ci maddələri ilə nəzərdə tutulmuş inzibati xətanı törətməsinə dair tərtib olunmuş inzibati xəta haqqında protokol və ona əlavə olunmuş sənədlər Bakı Şəhər Baş Polis İdarəsi Dövlət Yol Polisi İdarəsinə geri qaytarılsın. Hakim Nigar İmanova