Bakı Şəhəri Sabunçu Rayon Məhkəməsi Qərar — İş №3(008)-2174/2023

Azərbaycan Respublikası adından QƏRAR Bakı şəhəri İş № 3(008)-2174/2023 02.05.2023 BAKI ŞƏHƏRİ SABUNÇU RAYON MƏHKƏMƏSİ Hakim Rəcəbova Elnurə Hüseyn qızının sədrliyi, məhkəmə iclas katibi Muradov Orxan Rüstəm oğlunun katibliyi, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokolu tərtib etmiş Bakı şəhəri Sabunçu Rayon Polis İdarəsinin 13-cü Polis Şöbəsinin sahə inspektoru Üzeyir Məmmədovun iştirakları ilə, xx.xx.1982-ci ildə Bakı şəhərindəanadan olmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, ünvan 1 ünvanında qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xəta törətməsi haqqında materiala açıq məhkəmə iclasında baxaraq, məhkəmə MÜƏYYƏN ETDİ : Bakı şəhəri Sabunçu Rayon Polis İdarəsinin 13-cü Polis Şöbəsindən daxil olmuş 02 may 2023-cü il tarixli MN seriyalı ******* nömrəli inzibati xəta haqqında protokolda göstərilmişdir ki, Şəxs 01 may 2023-cü il tarixdə saat 23:230 radələrində Bakı şəhəri, Sabunçu rayonu, M.Gəncəvi küçəsində polisin qanuni tələblərini qəsdən pozaraq özünü təqdim etməkdən imtina etmiş, polis bölməsinə getmək istəməyərək qaçmışdr. Barəsində inzibati xəta haqqında iş üzrə icraat aparılan şəxs Şəxs məhkəmə iclasında özünü təqsirli bilərək izahatında göstərdi ki, xx.xx.2023-cü il tarixdə saat 23:00 radələrində içkili vəziyyətdə ailəsi ilə yaşadıqları ünvan 1 ünvanına gedərək qapını yumruqla döyərək açmağı tələb etmiş, lakin həyat yoldaşı qapını açmamışdır. Həmin zaman polis əməkdaşları həyat yoldaşının çağırışına əsasən gəlmiş, o da polisləri görüb özünü təqdim etməkdən imtina etmiş, polisin qanuni tələblərinə tabe olmamış, qorxaraq qaçmış, daha sonra polis əməkdaşları həmin ünvanın qarşısında onu saxlayaraq polis bölməsinə gətirmişlər. Beləliklə o, bir daha belə hallara yol verməyəcəyini bildirərək barəsində ədalətli qərar qəbul edilməsini xahiş etdi. Bakı şəhəri Sabunçu Rayon Polis İdarəsinin 13-cü Polis Şöbəsinin sahə inspektoru Üzeyir Məmmədov 02 may 2023-cü il tarixli MN seriyalı ******* nömrəli inzibati xəta haqqında protokolun məzmununa uyğun izahat verərək, barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 535.1-ci maddəsinin tələblərini pozduğunu bildirmiş və onun barəsində müvafiq inzibati tənbeh tədbirinin görülməsini xahiş etmişdir. İş materiallarında olan və məhkəmə baxışında tədqiq edilmiş: Bakı şəhəri Sabunçu Rayon Polis İdarəsinin 13-cü Polis Şöbəsindən daxil olmuş 02 may 2023-cü il tarixli MN seriyalı ******* nömrəli inzibati xəta haqqında protokoldan görünür ki, Şəxs 01 may 2023-cü il tarixdə saat 23:30 radələrində polisin qanuni tələblərinə qəsdən tabe olmamışdır. Bu səbəbdən Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməsi ilə bağlı inzibati xəta haqqında protokol tərtib edilmişdir; xx.xx.2023-cü il tarixli raportdan görünür ki, Sabunçu RPİ-nin 13-cü PB-nin sahə inspektoru raportla müraciət edərək 01 may 2023-cü il tarixdə saat 23:30 radələrində inzibati ərazidə olan zaman PB-nin növbətçi hissəsindən vətəndaş X1 müraciəti əsasında həyat yoldaşı tərəfindən sərxoş halda evinin qapısının döyüldüyünü, narahat olduğu barədə məlumat verilmiş, qeyd edilən ünvana gedən zaman Şəxs oradan qaçdığını görmüş və çıxıb getmişlər. Sonradan həmin şəxs yenidən gələrək qapını döymüş, səsküy saldığından həmin ünvana getmişlər, lakin Şəxs yenidən oranı tərk etdiyindən həmin ünvanda onun qayıtmasını gözləmişlər, Şəxs qeyd edilən ünvana yaxınlaşan zaman onu nizam-intizama dəvət edərək polis bölməsinə dəvət etmişlər, lakin onların qanuni tələblərinə tabe olmayaraq gəlmək istəmədiyini bildirmiş və polis əməkdaşlarının ünvanına nalayiq ifadələr işlətmişdir. Vətəndaş Şəxs dəfələrlə yaşadığı ünvanda sərxoş halda narahatlıq yaratmış, ailə üzvlərini təhqir etmiş və ona hər dəfə bu cür hallara yol verməməsi bildirilsə də, həmin şəxs öz əməllərini davam etdirərək polisin tələblərinə tabe olmamışdır. İnzibati qaydada tutma haqqında 01 may 2023-cü il tarixli protokoldan görünür ki, Şəxs 01 may 2023-cü il tarixdə saat 23:30-da tutulmuşdur; Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 32.1.1-ci maddəsinə əsasən inzibati xəta törətmiş şəxsin səmimi peşmançılığı nzibati tənbeh tətbiq edilərkən, məsuliyyəti yüngülləşdirən hal hesab edilir; 33.1.7-ci maddəsinə əsasən inzibati xətanın sərxoş halda olan şəxs tərəfindən törədilməsi inzibati tənbeh tətbiq edilərkən, məsuliyyəti ağırlaşdıran hal hesab edilir; 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə iclasında tədqiq edilmiş inzibati xəta haqqında protokolu, inzibati xəta törətmiş şəxsin etirafedici izahatını, inzibati materialda olan digər sənədlərlə sübuta yetirilmişdir ki, 02 may 2023-cü il tarixli MN seriyalı ******* nömrəli inzibati xəta haqqında protokolda göstərildiyi kimi Şəxs 01 may 2023-cü il tarixdə Bakı şəhəri, Sabunçu rayonu, M.Gəncəvi küçəsində polisin qanuni tələblərini qəsdən pozaraq özünü təqdim etməkdən imtina etmiş, polis bölməsinə getmək istəməmiş, hadisə yerndən qaçımışdır. Bununla da, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətmişdir. Azərbaycan Respublikası İXM-nin 31.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən hal kimi səmimi peşman olmasını və ağırlaşdıran halların olmamasını nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində həmin maddənin sanksiyasının hədləri daxilində inzibati həbs növündə inzibati tənbeh tətbiq edilməlidir. Məhkəmə hesab edir ki, Şəxs həbsetməsinin əvvəli «01»may 2023-cü il tarixdən saat 23:30-dan hesablanmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 43- 48, 106-115, 117-ci maddələrini rəhbər tutaraq, QƏRARA ALDİ: Barəsində inzibati xəta haqqında iş üzrə icraat aparılan şəxs - Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində 08 (səkkiz) gün müddətinə inzibati həbs növündə inzibati tənbeh tətbiq edilsin. İnzibati həbsdə saxlamanın əvvəli «01» may 2023-cü il tarixdən saat 23:30-dan hesablansın. Qərarın icrası Azərbaycan Respublikası Daxili İşlər Nazirliyinin Baş İctimai Təhlükəsizlik İdarəsinə bilavasitə tabe olan inzibati həbs olunanların saxlanılması məntəqəsinə tapşırılsın. Qərardan, rəsmi qaydada verildiyi vaxtdan 10 (on) gün müddətində Bakı şəhəri Sabunçu Rayon Məhkəməsinin vasitəsilə və ya birbaşa Bakı Apelyasiya Məhkəməsinə şikayət verilə bilər. Sədrlik edən: Elnurə Rəcəbova