Bakı Şəhəri Sabunçu Rayon Məhkəməsi Qərardad — İş №3(008)-2611/2024

Azərbaycan Respublikası adından QƏRARDAD Bakı şəhəri İş № 3(008)-2611/2024 15.04.2024 BAKI ŞƏHƏRİ SABUNÇU RAYON MƏHKƏMƏSİ Bakı şəhər, Sabunçu Rayon Məhkəməsinin hakimi Zeynalov Mirheydər Seyidəmir oğlunun sədrliyi, Məhkəmə iclasının katibi Cəfərova İfadə Gündüz qızının katibliyi İnzibati xəta haqqında protokolu tərtib edən şəxs Cavid Həsənovun, barəsində inzibati protokol tərtib edilmiş şəxs Şəxs iştirakı ilə, 29 avqust 1986-cı il tarixdə Bakı şəhərində anadan olmuş, Azərbaycan Respublikasının vətəndaşı, subay, ünvan 1 ünvanda qeydiyyatda olan və Suraxanı rayonu, İ.Həsənov küçəsi nömrəsiz evdə yaşayan-Şəxs İnzibati Xətalar Məcəlləsinin 227-ci maddəsi ilə inzibati məsuliyyətə cəlb edilməsinə dair Azərbaycan Respublikası Daxili İşlər Nazirliyi Bakı şəhəri Sabunçu Polis İdarəsindən daxil olmuş inzibati xəta haqqında materiala baxaraq, müəyyən etdi: Vət.Şəxs 15 aprel 2024-cü il tarixdə, Bakı şəhəri, Sabunçu rayonu, Bakıxanov qəsəbəsi ərazisində Muradova Nərminə Murad qızından sosial müavinətin düzəldilməsi məqsədilə 100 manat məbləğində pul almışdır. Bu barədə Bakı şəh., Sabunçu Rayon Polis İdarəsinin 13-cü Polis Şöbəsinin sahə inspektoru, Cavad Həsənov tərəfindən MN № ******* saylı, 15 aprel 2024-cü il tarixli inzibati xəta haqqında protokol tərtib olunmuşdur. Məhkəmə iclasında Cavad Həsənov izahatında göstərmişdir ki, vət.Şəxs 15 aprel 2024-cü il tarixdə, Bakı şəhəri, Sabunçu rayonu, Bakıxanov qəsəbəsi ərazisində Muradova Nərminə Murad qızından sosial müavinətin düzəldilməsi məqsədilə 100 manat məbləğində pul almışdır. Lakin həmin pul məbləğini zərərçəkmiş şəxsə qaytarmışdır. Məhkəmə iclasında Şəxs izahatında göstərmişdir ki, Muradova Nərminə Murad qızından sosial müavinətin düzəldilməsi məqsədilə 100 manat məbləğində pul almışdır. Lakin həmin pul məbləğini qaytarmışdır. Belə ki, Azərbaycan Respublikasının İnzibati Xətalar Məcəlləsinin 227-ci maddəsinə xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə- yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Həmin Məcəllənin 39.2-ci maddəsinə əsasən Bu Məcəllənin 227, 232-1-ci və 351-1-ci maddələrində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərər çəkmiş şəxslə barışdıqda inzibati iş üzrə icraata xitam verilir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəisinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 6.1-ci maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir. Məhkəmə iclasında müəyyən edildi ki, Şəxs tərəfindən dəymiş ziyan ödənilmişdir. Lakin məhkəmə iclasında zərərçəkmiş şəxsin iştirakı təmin olunmamış, onun şikayət və tələbin olmaması barədə iş materiallarında heç bir ərizə, müraciət iş materiallarına əlavə edilməmişdir. İnzibati Xətalar Məcəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Məhkəmə qeyd edir ki, məhkəmə iclasında zərərçəkmiş şəxsin iştirakı təmin olunmamış, onun şikayət və tələbin olmaması barədə iradə ifadəsi müəyyən edilməmişdir. Məhkəmə iş materiallarını araşdırıb, Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə inzibati məsuliyyətə cəlb edilməsinə dair Azərbaycan Respublikası Daxili İşlər Nazirliyi Bakı şəhəri Sabunçu Polis İdarəsinin 13-cü Polis Bölməsindən daxil olmuş inzibati xəta haqqında material baxılmadan geri qaytarılmalıdır. Bu səbəbdən Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 57, 106, 109, 128-130-cu maddələrini rəhbər tutaraq qərara aldı: Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə inzibati məsuliyyətə cəlb edilməsinə dair Azərbaycan Respublikası Daxili İşlər Nazirliyi Bakı şəhəri Sabunçu Polis İdarəsinin 13-cü Polis Bölməsindən daxil olmuş inzibati xəta haqqında material baxılmadan geri qaytarılsın. Qərardaddan şikayət verilə bilməz. Sədrlik edən: Mirheydər Zeynalov