Bakı Şəhəri Sabunçu Rayon Məhkəməsi Qərar — İş №3(008)-2721/2021

Azərbaycan Respublikası adından QƏRAR Bakı şəhəri İş № 3(008)-2721/2021 25.06.2021 BAKI ŞƏHƏRİ SABUNÇU RAYON MƏHKƏMƏSİ Bakı şəhəri Sabunçu Rayon Məhkəməsinin hakimi Zeynalov Mirheydər Seyidəmir oğlunun sədrliyi, Həsənova Familə Məmməd qızının katibliyi ilə, Bakı şəhəri Sabunçu Rayon Məhkəməsinin 18 sentyabr 2020-ci il tarixli, 3(008)- 1953/2021 saylı qərarına xitam verilməsi barədə Şəxs ərizəsinə Bakı şəhəri Sabunçu Rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİ: Bakı şəhər Sabunçu rayon məhkəməsinin 3(008)-1953/2020 saylı, 18 sentyabr 2020-ci il tarixli qərarı ilə Şəxs Azərbaycan Respublikasının İnzibati Xətalar Məcəlləsinin 539.3-cü maddəsi ilə təqsirli bilinərək sürücülük hüququ 6 ay müddətinə məhdudlaşdırılmışdır. Şəxs tərəfindən Bakı şəhər Sabunçu rayon məhkəməsinin 3(008)- 1953/2020 saylı, 18 sentyabr 2020-ci il tarixli qərarından verilmiş apellyasiya şikayəti Bakı Apelyasiya Məhkəməsinin 05.05.2021-ci il tarixli qərarı ilə qismən təmin edilmiş və Bakı şəhət Sabunçu rayon Məhkəməsinin 3(008)-1953/2020 saylı, 18 sentyabr 2020-ci il tarixli qərarı ləğv edilməklə inzibati xəta haqqında iş yenidən baxılması üçün Sabunçu rayon məhkəməsinə göndərilmişdir. Ərizəyə əlavə edilmiş çıxarışdan görünür ki, Şəxs cəriməni və müvafiq olaraq hesablanmış dəbbə pulunu tam şəkildə dövlət nəfinə ödəmişdir. Azərbaycan Respublikası İnzibati Xətalar Məcəlləsinin 152.5-ci maddəsinə əsasən barəsində yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın icra edilməməsinə görə nəqliyyat vasitələrini idarə etmək hüququnun məhdudlaşdırılmasına dair qərar çıxarılmış şəxs inzibati cəriməni və müvafiq olaraq hesablanmış dəbbə pulunu ödədikdə, bu qərara onu qəbul etmiş məhkəmə tərəfindən həmin şəxsin vəsatəti əsasında xitam verilir. “Yol hərəkəti haqqında” Azərbaycan Respublikasının Qanununun 85-1-ci maddəsinin 12-ci hissəsində əsasən cərimə və müvafiq olaraq hesablanmış dəbbə pulu ödənildikdə, nəqliyyat vasitəsini idarə etmək hüququnun məhdudlaşdırılması barədə qərara xitam verilir. Məhkəmə qeyd olunan hüquq normalarına əsasən inzibati xəta haqqında işin materiallarını tədqiq edərək hesab edir ki, Şəxs cəriməni və dəbbə pulunu ödədiyinə görə onun ərizəsi təmin olunmalı, onun nəqliyyat vasitələrini idarə etmək hüququ 06 (altı) ay müddətinə məhdudlaşdırılması barədə Bakı şəhəri Sabunçu Rayon Məhkəməsinin 18 sentyabr 2020-ci il tarixli, 3(008)-1953/2021 saylı qərarına xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 152.5-ci maddəsini rəhbər tutaraq, QƏRARA ALDİ: Şəxs ərizəsi təmin edilsin. Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanın törədilməsində təqsirli bilinərək nəqliyyat vasitələrini idarə etmək hüququnun 06 (altı) ay müddətinə məhdudlaşdırılması barədə Bakı şəhəri Sabunçu Rayon Məhkəməsinin 18 sentyabr 2020-ci il tarixli, 3(008)-1953/2021 saylı qərarına xitam verilsin. Qərarın icrası Azərbaycan Respublikası Daxili İşlər Nazirliyi Baş X1 İdarəsinə həvalə edilsin. Qərarın surəti, rəsmi qaydada verildiyi gündən 10 (on) gün müddətində qərardan Bakı şəhəri Sabunçu Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Mirheydər Zeynalov