Bakı Şəhəri Sabunçu Rayon Məhkəməsi Qərar — İş №3(008)-3054/2025

Azərbaycan Respublikası adından QƏRAR Bakı şəhəri İş № 3(008)-3054/2025 29.05.2025 BAKI ŞƏHƏRİ SABUNÇU RAYON MƏHKƏMƏSİ Hakim Məmmədli Samirə Məhəmməd qızının sədrliyi, Axund-zadə Ayşən Elimxan qızının katibliyi ilə, Zərərçəkmiş şəxs, barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.2005-cü il tarixdə Bakı şəhərində anadan olmuş, Azərbaycan Respublikasının vətəndaşı, fərdi əmək fəaliyyəti ilə məşğul olan, orta təhsilli, subay, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanın törədilməsinə dair Bakı şəhər Sabunçu Rayon Polis İdarəsindən daxil olmuş inzibati xəta haqqında iş materiallarına məhkəmə iclasında baxaraq, Məhkəmə MÜƏYYƏN ETDİ: Bakı şəhəri Sabunçu RPİ-nin DYPŞ tərəfindən tərtib edilmiş AP seriyalı ******* nömrəli inzibati xəta haqqında protokoldan görünür ki, Şəxs xx.xx.2025-ci il tarixdə saat 08:00-da etibarnamə əsasında idarə etdiyi “Vaz-21099” markalı, **-FB-*** dövlət nömrə nişanlı avtomobili ilə Maştağa qəsəbəsi, Nizami küçəsində hərəkətdə olarkən, qarşı yola çıxmaqla manevr qaydasını pozub idarəetməni itirərək əks istiqamətli yolda düzünə hərəkət edən “Toyota Axio” markalı, **-SP-*** dövlət nömrə nişanlı avtomobillə toqquşmuşdur. Nəticədə hər iki avtomobil zədələnmiş və sonuncu avtomobilin sürücüsü yüngül bədən xəsarəti almışdır. Barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, “Vaz-21099” markalı, **-FB-*** dövlət nömrə nişanlı avtomobili, etibarnamə ilə, BA 121970 seriyalı “B” dərəcəli sürücülük vəsiqəsi əsasında idarə edir. 02 aprel 2025-ci il tarixdə saat təxminən 8 radələrində qeyd etdiyi avtomobillə Sabunçu rayonu, Maştağa qəsəbəsi, Nizami küçəsi ilə iki istiqamətli bir zolaqlı yolda üzü qəsəbə istiqamətində saatda təxminən 60-70 kilometr sürətlə hərəkətdə olduğu zaman qarşıda sərt döngə olduğunu unudaraq anidən idarəetməni itirərək əks istiqamətdə hərəkətdə olan “Toyota Axio” markalı, **-SP-*** d.q.n-lı avtomobilin yoluna keçərək avtomobilin ön sağ hissəsi ilə həmin avtomobilin ön hissəsindən vuraraq yol nəqliyyat hadisəsi baş vermişdir. Hadisə nəticəsində digər avtomobilin sürücüsü Zərərçəkmiş şəxs xəsarət almışdır. Zərərçəkmiş şəxslə barışmışdır, zərərçəkmiş şəxsin ona qarşı şikayət və tələbi yoxdur. Məhkəmə iclasında Zərərçəkmiş şəxs ifadəsində göstərmişdir ki, xx.xx.2025-ci il tarixdə saat təxminən 8 radələrində “Toyota Axio” markalı, **-SP-*** dövlət nömrə nişanlı avtomobillə Sabunçu rayonu, Maştağa qəsəbəsi, Nizami küçəsi ilə iki istiqamətli bir zolaqlı yolda üzü Nardaran qəsəbəsi istiqamətində saatda təxminən 40-50 km sürətlə hərəkətdə olduğu zaman əks istiqamətli yolda hərəkətdə olan “Vaz-21099” markalı, **- FB-*** dövlət nömrə nişanlı avtomobil anidən idarəetməni itirərək hərəkətdə olduğu zolaqda ön hissəsi ilə idarə etdiyi avtomobilin ön sol hissəsindən vuraraq dayanmışdır. Baş vermiş YNH zamanı sağ ayağının diz nahiyəsindən xəsarət almışdır. Şəxs ilə barışmışdır, ona qarşı heç bir şikayət və tələbi yoxdur. Məhkəmə iclasının vaxtı və yeri barədə protokolu tərtib etmiş orqana məlumat verilsə də məhkəmə iclasında iştirak etməmişdir. Bununla da məhkəmə gəlməyən protokolu tərtib etmiş orqanın nümayəndəsinin iştirakı olmadan işə baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Azərbaycan Respublikası Sabunçu Rayon Polis İdarəsinin Təhqiqat Şöbəsinin təhqiqatçısı, polis mayoru Altay Məmmədovun «cinayət işinin başlanmasının rədd edilməsi haqqında» xx.xx.2025-ci il tarixli qərarının surətindən məlum olur ki, Zərərçəkmiş şəxs yolnəqliyyat hadisəsi nəticəsində xəsarət alması faktı əsasında toplanmış material üzrə cinayət işinin başlanması rədd edilmiş, “Vaz-21099” markalı, **-FB-*** dövlət qeydiyyat nişanlı avtomobilin sürücüsü Şəxs barəsində Azərbaycan Respublikası İXM-nin 327.8-ci maddəsi ilə inzibati tədbir görülməsi məqsədi ilə qərarın surətinin Sabunçu RPİ-nin DYPŞ-nə göndərilməsi qərara alınmışdır; Azərbaycan Respublikası Səhiyyə Nazirliyinin Məhkəmə-Tibbi Ekspertiza və X1 Publik Hüquqi şəxsi Sabunçu rayon şöbəsinin xx.xx.2025-ci il tarixli 642 saylı ekspert rəyinin surətindən görünür ki, Zərərçəkmiş şəxs bədən səthində sağ diz oynağı nahiyəsinin sıyrıqlarla müşayiət olunan dərialtı hematoması, sol diz oynağı nahiyəsinin sıyrığı müəyyən edilmişdir. Xəsarətlər bərk küt əşyanın təsirindən törənmiş, yol nəqliyyat hadisəsi nəticəsində törənə bilər, yetirilmə müddəti qərarın təsviri hissəsində göstərilən xx.xx.2025-ci il tarixə uyğun gəlir və dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa yüngül zərərvurmaya aiddir. xx.xx.2025-cü il tarixdə verilmiş sürücülük vəsiqəsindən görünür ki, Şəxs xx.xx.2035-ci il tarixədək qüvvədə olan B1, B kateqoriyalı sürücülük vəsiqəsi verilmişdir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 32.2-ci maddəsinə əsasən inzibati tənbeh tətbiq edilərkən bu Məcəllənin 32.1.1 - 32.1.7-ci maddələrində göstərilməmiş başqa hallar da hakim tərəfindən məsuliyyəti yüngülləşdirən hal qismində nəzərə alına bilər; 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərərçəkmiş şəxsin sağlamlığına yüngül bədən xəsarətinin yetirilməsinə görə üç yüz manat məbləğində cərimə edilir və ya nəqliyyat vasitəsini idarə etmək hüququ аltı аydаn bir ilədək müddətə məhdudlaşdırılır. Azərbaycan Respublikası İXM-nin 327.8-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə sübuta yetirilmişdir. Məhkəmə, törədilmiş inzibati xətanın xarakterini, habelə inzibati xətanı törətmiş şəxsin şəxsiyyətini, ilk dəfə inzibati xəta törətməsini, zərərçəkmiş şəxsin şikayət və tələbinin olmamasını, ağırlaşdıran halların olmamasını nəzərə alıb, iş üzrə sübutları qiymətləndirərək hesab edir ki, barəsində inzibati xəta haqqında iş üzrə icraat aparılan şəxs Şəxs İXM-nin 327.8-ci maddəsinin sanksiyası həddində inzibati cərimə növündə inzibati tənbeh tədbiri tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114-115, 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinərək barəsində 300 (üç yüz) manat məbləğində inzibati cərimə növündə inzibati tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Sabunçu Rayon Məhkəməsi vasitəsilə və ya birbaşa Bakı Apelyasiya Məhkəməsinə şikayət verilə bilər. Sədrlik edən: Samirə Məmmədli