Bakı Şəhəri Sabunçu Rayon Məhkəməsi Qərardad — İş №3(008)-308/2023

Azərbaycan Respublikası adından QƏRARDAD Bakı şəhəri İş № 3(008)-308/2023 14.01.2023 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi Mahmudova Həqiqət Sahib qızı, Şəxs barəsində Azərbaycan Respublikası İnzibati Xətalar Məcəlləsinin 206-cı maddəsi ilə nəzərdə tutulan inzibati xəta törətməsi haqqında Bakı şəhəri Sabunçu rayon Polis İdarəsinin 14-cü Polis Bölməsinin sahə inspektoru Həşdər Əmirahov tərəfindən tərtib edilmiş protokolu və ona əlavə olunmuş sənədləri nəzərdən keçirib, MÜƏYYƏN ETDİM: Şəxs barəsində Azərbaycan Respublikası İnzibati Xətalar Məcəlləsinin 206-cı maddəsi ilə nəzərdə tutulan inzibati xətanı törətməsi haqqında tərtib edilmiş xx.xx.2023-cü il tarixli MN seriyalı ******* nömrəli protokol aidiyyəti üzrə baxılması üçün Bakı şəhəri Sabunçu Rayon Məhkəməsinə göndərilmişdir. Protokolu və ona əlavə olunmuş sənədləri nəzərdən keçirərək hesab edirəm ki, protokollar və sənədlər Bakı şəhəri Sabunçu Rayon Polis İdarəsinin 14-cü Polis Bölməsinə geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 100.1.2, 100.1.3, 100.1.4-cü maddələrinə əsasən, protokolu tərtib etmiş şəxsin vəzifəsi, soyadı, adı, atasının adı, barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi, inzibati xətanın törədildiyi yer, vaxt və bu xətanın mahiyyəti inzibati xəta haqqında protokolda göstərilir. Lakin iş materiallarından aydın olur ki, xx.xx.2023-cü il tarixli, MN seriyalı ******* nömrəli protokol tərtib edilən zaman protokolu tərtib etmiş şəxsin yalnız ad və soyadı qeyd olunmuş, barəsində inzibati xəta haqqında icraat aparılan şəxsin fərdi identifikasiya nömrəsi, eyni zamanda inzibati xətanın törədildiyi yer, vaxt (saat) göstərilməmişdir. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda inzibati xəta haqqında işin baxılmağa hazırlanması zamanı inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Qeyd edilən nöqsanlara görə məhkəmə hesab edir ki, həmin inzibati xəta haqqında material natamam olduğundan, Bakı şəhəri Sabunçu rayon Polis İdarəsinin 14-cü Polis Bölməsinə geri qaytarılmalıdır. Qeyd olunanlara əsasən və Azərbaycan Respublikası İnzibati Xətalar Məcəlləsinin 109.1.6-cı maddəsini rəhbər tutub, Q Ə R A R A A L D İ M: Şəxs barəsində Bakı şəhəri Sabunçu rayon Polis İdarəsinin 14-cü Polis Bölməsindən daxil olunmuş inzibati xəta haqqında protokol əlavə olunmuş sənədlərlə birlikdə Bakı şəhəri Sabunçu rayon Polis İdarəsinin 14-cü Polis Bölməsinə geri qaytarılsın. Hakim: Həqiqət Mahmudova