Bakı Şəhəri Sabunçu Rayon Məhkəməsi Qərar — İş №3(008)-3149/2025

Azərbaycan Respublikası adından QƏRAR Bakı şəhəri İş № 3(008)-3149/2025 15.05.2025 BAKI ŞƏHƏRİ SABUNÇU RAYON MƏHKƏMƏSİ Hakim Məmmədova Günel İqbal qızının sədrliyi, məhkəmə iclas katibi Əsədov Aqil Akif oğlunun katibliyi ilə, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokolu tərtib etmiş Bakı şəhəri Sabunçu Rayon Polis İdarəsinin 12-cü Polis Şöbəsinin sahə inspektoru polis leyenantı X1 iştirakları ilə, xx.xx.1991-ci il tarixdə Cəbrayıl rayonunda doğulmuş, Azərbaycan Respublikası vətəndaşı, evli, orta təhsilli, Cəbrayıl rayonu, Mehdili Ə/D, Mehdili kəndində qeydiyyatda olmaqla ünvan 1 ünvanında yaşayan. Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xəta törətməsi haqqında materiala açıq məhkəmə iclasında baxaraq, MÜƏYYƏN ETDİ : Bakı şəhəri Sabunçu Rayon Polis İdarəsindən daxil olmuş 15 may 2025-ci il tarixli MN seriyalı ******* nömrəli inzibati xəta haqqında protokolda göstərilmişdir ki, xx.xx.2025ci il tarixdə saat 16:00 radələrində Həsənov X3 qəsəbəsi, E.Mehdiyev küçəsində ucadan ünvansız olaraq nalayiq küçə ifadələri işlətmiş, ictimai qaydanı pozmuşdur. Bakı şəhəri Sabunçu Rayon Polis İdarəsindən daxil olmuş 13 may 2024-cü il tarixli MN seriyalı ******* nömrəli inzibati xəta haqqında protokolda göstərilmişdir ki, xx.xx.2025ci il tarixdə Şəxs polisin qanuni tələbinə qəsdən riayət özünü aqressiv apararaq polisin qanuni tələbinə tabe olmamışdır. Barəsində inzibati xəta haqqında iş üzrə icraat aparılan şəxs Şəxs məhkəmə iclasında özünü qismən təqsirli bilərək izahatında göstərmişdir ki, atasının səhhətinin pisləşdiyini, ətrafına insanların toplaşdığını və səs-küy eşitdiyini, bu səbəbdən nə baş verdiyini öyrənmək üçün hadisə yerinə getdiyini, evlərinin söküntüsü aparıldığı və atasının hlı pisləşdiyi üçün biraz səs-küy olmuş olsa da polisin hər hansı qanuni tələbinə tabesizlik göstərməmişdir. Məhkəmə iclasında inzibati xəta haqqında protokolu tərtib etmiş Bakı şəhəri Sabunçu Rayon Polis İdarəsinin 12-cü Polis Şöbəsinin sahə inspektoru X2 izahatında göstərmişdir ki, Şəxs xx.xx.2025-ci il tarixində özünü aqressiv apararaq, küçə söyüşləri söymüş, polis əməkdaşlarının qanuni tələblərinə tabe olmayaraq yüksək səslə nalayiq ifadələr işlətmişdir. Bu səbəbdən həmin şəxs barəsində Azərbaycan Respublikası İnzibati Xətalar Məcəlləsinin 510-cu və 535.1-ci maddələri ilə inzibati xəta haqqında protokol tərtib edilmişdir. İş materiallarında olan və məhkəmə baxışında tədqiq edilmiş: Bakı şəhəri Sabunçu Rayon Polis İdarəsindən daxil olmuş xx.xx.2025-ci il tarixli MN seriyalı ******* nömrəli inzibati xəta haqqında protokolda göstərilmişdir ki, xx.xx.2025-ci il tarixdə Həsənov X3 qəsəbəsi, E.Mehdiyev küçəsində qanunsuz tikinti ilə bağlı tədbir zamanı özünü aqressiv apararaq ucadan nalayiq söyüşlər söymüş, polisin qanuni tələbinə tabe olmamışdır. Bakı şəhəri Sabunçu Rayon Polis İdarəsindən daxil olmuş xx.xx.2025-cü il tarixli MN seriyalı ******* nömrəli inzibati xəta haqqında protokolda göstərilmişdir ki, xx.xx.2025-ci il tarixdə xx.xx.2025-ci il tarixdə Həsənov X3 qəsəbəsi, E.Mehdiyev küçəsində qanunsuz tikinti ilə bağlı tədbir zamanı özünü aqressiv apararaq ucadan nalayiq söyüşlər söymüş, polisin qanuni tələbinə tabe olmamışdır. Sabunçu RPİ-nin 12-ci PŞ-nin polis s/t Turqay İsgəndərov və polis s/t Yaşar Musayev tərəflərindən tərtib edilmiş xx.xx.2025-cü il tarixli raportdan görünür ki, xx.xx.2025-cü il saat 16:00 radələrində Sabunçu qəsəbəsi, E.Mehdiyev küçəsində olduqları zaman 1 nəfər şəxsin ucadan nalayiq söyüşlər işlətdiyini görüb həmin şəxsə yaxınlaşıb özlərini təqdim etmişdirlər. Vətəndaş onlara məhəl qoymayaraq etdiyi hərəkətlərə davam etmişdir. Onlar vətəndaşı nizam intizama dəvət etəsələr də vətəndaş polisin qanuni tələbini qəsdən əməl etməmiş, onlar həmin şəxsi PŞ-nə dəvət etsələrdə PŞ-nə gəlməkdən imtina edərək qəsdən tabe olamamışdır. Həmin şəxsi polis əməkdaşları 12-ci PŞ-nə gətrilməsini təmin etmişdirlər. 12-ci PŞ-də həmin şəxsin xx.xx.1991-ci il təvəllüdlü Şəxs olduğu müəyyən edilmişdir; İnzibati qaydada tutma haqqında xx.xx.2025-ci il tarixli protokoldan görünür ki, Şəxs xx.xx.2025-ci il tarixdə, saat 19:00-da tutulmuşdur. Azərbaycan Respublikası İnzibati Xətalar Məcəlləsinin: 510-cu madddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. 32.2-ci maddəsinə əsasən inzibati tənbeh tətbiq edilərkən bu Məcəllənin 32.1.1 - 32.1.7-ci maddələrində göstərilməmiş başqa hallar da hakim tərəfindən məsuliyyəti yüngülləşdirən hal qismində nəzərə alına bilər. Məhkəmə iclasında tədqiq edilmiş inzibati xəta haqqında protokolu, barəsində inzibati xəta haqqında iş üzrə icraat aparılan şəxsin qismən etirafedici izahatı və inzibati materialda olan digər sənədlərlə sübuta yetirilmişdir ki, Şəxs 13 may 2025-ci il tarixdə uca səslə nalayiq ifadələr işlədərək ictimai qaydanı pozmuş, bununla da, Həsənov X4 Məcəlləsinin 510- cu maddəsində nəzərdə tutulmuş inzibati xətanı törətmişdir. İş materiallarında Şəxs tərəfindən polis əməkdaşlarının qanuni tələblərinə tabe olmamasını təsdiq edən hallar öz əksini tapmamış, tərtib edilmiş inzibati xəta haqqında protokolda inzibati xətanın mahiyyəti aydın göstərilməmişdir. Belə ki, tərtib edilmiş raportdan görünür ki, hadisə zamanı 2 şəxs olmuşdur və polisin qanuni tələbinə tabe olmama çox ümumi sözlərlə qeyd olunmuşdur. Belə ki, polisin konkret hansı qanuni tələbinə kimin və hansı hərəkətləri ilə tabe olmadığını müəyyən etmək mümkün deyildir. Şərh olunanlara əsasən məhkəmə hesab edir ki, Şəxs İXM-nin 535.1-ci maddəsi üzrə təqsiri qanunvericilikdə nəzərdə tutulmuş qaydada sübuta yetirilməmiş, onun təqsirli olması inzibati xəta haqqında iş üzrə icraata baxmış məhkəmə tərəfindən müəyyən edilməmişdir. İnzibati məsuliyyətə cəlb olunmuş şəxsin təqsirini sübut etməyə borclu olan orqan isə onun təqsirli olmasını mötəbər sübutlarla sübuta yetirə bilməmişdir. Barəsində inzibati xəta haqqında iş üzrə icraat aparılan şəxs Şəxs tərəfindən Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xəta hadisəsinin törədilməsi istisna edilir və sonuncu tərəfindən Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanın tərkibini yaradan hərəkətlərə yol verilməsi obyektiv sübutların məcmusu ilə öz təsdiqini tapmır. Belə olan halda, məhkəmə işin obyektiv hallarını və yuxarıda sadalanan qanunun imperativ tələblərini nəzərə alıb belə qənaətə gəlir ki, təqsirliliyi sübuta yetirilmədiyindən Şəxs barəsində İnzibati Xətalar Məcəlləsinin 535.1-ci maddəsi ilə nəzərdə tutulan inzibati iş üzrə icraata xitam verilməlidir. Beləliklə, məhkəmə törədilmiş inzibati xətanın xarakterini, məsuliyyəti yüngülləşdirən hal kimi barəsində inzibati xəta haqqında iş üzrə icraat aparılan şəxsin səmimi peşmançılığını, məsuliyyəti ağırlaşdıran halların müəyyən edilməməsini nəzərə alaraq, iş üzrə sübutları qiymətləndirərək hesab edir ki, Həsənov X4 Məcəlləsinin 510-cu maddəsi ilə təqsirli bilinməli və barəsində sanksiyasının hədləri daxilində müəyyən məbləğdə cərimə növündə inzibati tənbeh tətbiq edilməli, təqsirliliyi sübuta yetirilmədiyindən Şəxs barəsində İnzibati Xətalar Məcəlləsinin 535.1-ci maddəsi ilə nəzərdə tutulan inzibati iş üzrə icraata xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 106- 115, 117-ci maddələrini rəhbər tutaraq, məhkəmə QƏRARA ALDİ: Barəsində inzibati xəta haqqında iş üzrə icraat aparılan şəxs - Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinərək 100(yüz) manat məbləğində inzibati cərimə edilsin. Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə nəzərdə tutulan inzibati xətanı törətməsinə dair iş üzrə icraata təqsirliliyi sübuta yetirilmədiyindən xitam verilsin. Qərardan, rəsmi qaydada verildiyi vaxtdan 10 (on) gün müddətində Bakı şəhəri Saunçu Rayon Məhkəməsinin vasitəsilə və ya birbaşa Bakı Apelyasiya Məhkəməsinə şikayət verilə bilər. Sədrlik edən: Günel Məmmədova