Bakı Şəhəri Sabunçu Rayon Məhkəməsi Qərardad — İş №3(008)-3370/2024

Azərbaycan Respublikası adından QƏRARDAD Bakı şəhəri İş № 3(008)-3370/2024 20.05.2024 BAKI ŞƏHƏRİ SABUNÇU RAYON MƏHKƏMƏSİ X1 İmanova, Şəxs tərəfindən Azərbaycan Respublikası İnzibati Xətalar Məcəlləsinin 262.3-cü maddəsində nəzərdə tutulan inzibati xətanın törədilməsi barədə Azərbaycan Respublikası "xxxx" Açıq Səhmdar Cəmiyyətindən daxil olmuş inzibati xəta haqqında materiala baxaraq, MÜƏYYƏN ETDİ: Şəxs tərəfindən Azərbayсan Respublikası İnzibati Xətalar Məсəlləsinin 262.3-cü maddəsində nəzərdə tutulan inzibati xətanın törədilməsi inzibati xəta haqqında protokol və ona əlavə edilmiş materiallar baxılması üçün Bakı Şəhəri Sabunçu Rayon Məhkəməsinə göndərilmişdir. Məhkəmə inzibati xəta haqqında protokolu və ona əlavə edilmiş sənədləri nəzərdən keçirib hesab edir ki, inzibati xəta haqqında protokol və ona əlavə edilmiş sənədlər geri qaytarılmalıdır. Belə ki, "xxxx" ASC-dən daxil olmuş 02 may 2024-cü il tarixli, MN ******* saylı inzibati xəta haqqında protokol və ona əlavə olunmuş sənədlər Bakı şəhəri Sabunçu Rayon Məhkəməsinin 07 may 2024-cü il tarixli, 3(008)-3108/2024 saylı qərardadı ilə geri qaytarılsa da, iş materiallarından görünür ki, inzibati xəta haqqında protokolda şəxsin izahatı göstərilməmiş, həmin qrafa inzibati xəta haqqında protokolu tərtib etmiş şəxsin sözləri ilə bir kəlimə olaraq “su təchizatına qanunsuz qoşulma etmişdir” yazılmaqla doldurulmuş və barəsində inzibati qaydada icraat aparılan şəxsin izahatının mətni protokola da əlavə edilməmişdir. Halbuki, AR İXM-nin 100.1.7-ci maddəsinə əsasən inzibati xəta haqqında protokolda barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları göstərilir. Məhkəmə qeyd edir ki, inzibati xəta haqqında protokolu tərtib etmiş şəxsin özü tərəfindən şəxsin izahatı kimi sadəcə bir cümlənin göstərilməsi barəsində inzibati qaydada icraat aparılan şəxs tərəfindən verilmiş izahat kimi qiymətləndirilə bilməz. Həmin Məcəllənin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Belə olan halda hesab edilir ki, inzibati xəta haqqında protokolda barəsində inzibati xəta haqqında iş üzrə icraat aparılan şəxsin izahatı olmadığından protokol onu tərtib etmiş orqana geri qaytarılmalıdır. Yuxarıda qeyd olunanlara əsasən məhkəmə QƏRARA ALDİ: Şəxs tərəfindən Azərbaycan Respublikası İnzibati Xətalar Məcəlləsinin 262.3-cü maddəsində nəzərdə tutulmuş inzibati xətanın törədilməsinə dair tərtib olunmuş 02 may 2024-cü il tarixli, MN ******* saylı inzibati xəta haqqında protokol və ona əlavə edilmiş sənədlər Azərbaycan Respublikası "xxxx" Açıq Səhmdar Cəmiyyətinə geri qaytarılsın. Hakim: Nigar İmanova