Bakı Şəhəri Sabunçu Rayon Məhkəməsi Qərar — İş №3(008)-3381/2024

Azərbaycan Respublikası adından QƏRAR Bakı şəhəri İş № 3(008)-3381/2024 27.05.2024 BAKI ŞƏHƏRİ SABUNÇU RAYON MƏHKƏMƏSİ Hakim Rəcəbova Elnurə Hüseyn qızının sədrliyi, X5 qızının katibliyi ilə, Azərbaycan Respublikası "xxxx" Açıq Səhmdar Cəmiyyətinin nümayəndəsi X1 iştirakı ilə, xx.xx.1949-cu il tarixdə Bakı şəhərində anadan olmuş, Azərbaycan Respublikasının vətəndaşı, orta təhsilli, evli, işləməyən, ünvan 1 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 262.3-cü maddəsi ilə Azərbaycan Respublikası "xxxx" Açıq Səhmdar Cəmiyyətindən daxil olmuş inzibati xəta haqqında iş materiallarına baxaraq, məhkəmə MÜƏYYƏN ETDİ: Azərbaycan Respublikası "xxxx" Açıq Səhmdar Cəmiyyəti tərəfindən tərtib edilmiş 02 may 2024-cü il tarixli MN seriyalı ******* nömrəli inzibati xəta haqqında protokoldan görünür ki, Hacıyev X3 rayonu, Pirşağı qəsəbəsi, Ağa Əlizadə küçəsi, döngə, ev 7 ünvanında xx.xx.2024-cü il tarixində saat 11:25-də d=20 m boru vasitəsi ilə su təchizatına qanunsuz qoşularaq suyu talamışdır. Məhkəmə iclasında Azərbaycan Respublikası "xxxx" Açıq Səhmdar Cəmiyyətinin nümayəndəsi X2 protokolun məzmununa uyğun izahat verərək Şəxs İXM-nin 262.3-cü maddəsində nəzərdə tutulmuş xətanı törətdiyinə görə barəsində müvafiq olaraq 02 may 2024-cü il tarixli protokol tərtib olunduğunu, odur ki, Şəxs barəsində inzibati tənbeh tədbirinin tətbiq edilməsini xahiş etmişdir. Məhkəmə iclasının vaxtı və yeri barədə barəsində inzibati xəta haqqında iş üzrə icraat aparılan şəxsə məlumat verilsə də məhkəmə iclasında iştirak etməmiş və bunun səbəbləri barədə hər hansı məlumat verməmişdir. Məhkəmə, işə barəsində inzibati xəta haqqında iş üzrə icraat aparılan şəxsin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Azərbaycan Respublikası "xxxx" Açıq Səhmdar Cəmiyyəti tərəfindən tərtib edilmiş 02 may 2024-cü il tarixli MN seriyalı ******* nömrəli inzibati xəta haqqında protokoldan görünür ki, Hacıyev X3 rayonu, Pirşağı qəsəbəsi, Ağa Əlizadə küçəsi, döngə, ev 7 ünvanında xx.xx.2024-cü il tarixində saat 11:25-də d=20 m boru vasitəsi ilə su təchizatına qanunsuz qoşularaq suyu talamışdır; 02 may 2024-cü il tarixli 115097 nömrəli aktdan görünür ki, aparılan araşdırma zamanı ünvan 3 ünvanında yerləşən Şəxs məxsus fərdi yaşayış evində d=20 m xət vasitəsi ilə sudan müqavilə olmadan qeyri-qanuni istifadə olunduğu aşkar edilmişdir; Azərbaycan Respublikası "xxxx" Açıq Səhmdar Cəmiyyətinin 16 may 2024-cü il tarixli məktubundan görünür ki, Sabunçu rayonu, Pirşağı qəsəbəsi, Ağa Əlizadə küçəsi, döngə 1, ev 7-də yaşayan Şəxs tərəfindən müqavilə bağlamadan su təchizatı sisteminə qanunsuz qoşulmaqla sudan qeyri-qanuni istifadə nəticəsində "xxxx" Açıq Səhmdar Cəmiyyətinə dəymiş ziyan Azərbaycan Respublikası Nazirlər Kabinetinin 2014-cü il 17 iyul tarixli 262 nömrəli qərarı ilə təsdiq edilmiş “Sudan istifadə Qaydaları”nın 8.7-ci bəndinə əsasən Su təchizatı sisteminə qanunsuz (özbaşına) qoşulma halları aşkar edildikdə və belə qoşulmanın tarixini müəyyən etmək mümkün olmadıqda, itirilmiş suyun həcmi bu Qaydaların 4 nömrəli əlavəsinə uyğun olaraq ötən 1 (bir) il müddətinədək 168 (yüş altmış səkkiz) manat hesablanmışdır; Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 262.3-cü maddəsinə əsasən su təchizatı şəbəkəsinə qanunsuz qoşulmaqla suyun talanması nəticəsində az miqdarda ziyan vurulmasına görə - fiziki şəxslər iki yüz manatdan dörd yüz manatadək məbləğdə, vəzifəli şəxslər min manatdan min beş yüz manatadək məbləğdə, hüquqi şəxslər iki min beş yüz manatdan üç min beş yüz manatadək məbləğdə cərimə edilir. Həmin maddənin qeyd hissəsinə əsasən bu Məcəllənin 262.3-cü maddəsində “az miqdarda” dedikdə, beş min manatdan yuxarı olmayan məbləğ başa düşülür. Azərbaycan Respublikası İXM-nin 262.3-cü maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə sübuta yetirilmişdir. Məhkəmə, törədilmiş inzibati xətanın xarakterini, habelə inzibati xətanı törətmiş şəxsin şəxsiyyətini, məsuliyyəti yüngülləşdirən və ağırlaşdıran halların olmamasını nəzərə alıb, iş üzrə sübutları qiymətləndirərək hesab edir ki, barəsində inzibati xəta haqqında iş üzrə icraat aparılan şəxs Şəxs İXM-nin 262.3-cü maddəsinin sanksiyası həddində cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 262.3-cü maddəsində nəzərdə tutulmuş inzibati xətanı törətməkdə təqsirli bilinərək 200 (iki yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Sabunçu Rayon Məhkəməsi vasitəsilə və ya birbaşa Bakı Apelyasiya Məhkəməsinə şikayət verilə bilər. Sədrlik edən: Elnurə Rəcəbova