Bakı Şəhəri Sabunçu Rayon Məhkəməsi Qərar — İş №3(008)-3979/2022

Azərbaycan Respublikası adından QƏRAR Bakı şəhəri İş № 3(008)-3979/2022 29.07.2022 BAKI ŞƏHƏRİ SABUNÇU RAYON MƏHKƏMƏSİ X2 İmanovanın sədrliyi, Səbinə Pərvin qızı Nəsrullayevanın katibliyi ilə, Barəsində inzibati qaydada icraat aparılan şəxs Şəxs iştirakı ilə, Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə tənbeh tədbirinin tətbiq edilməsinə dair inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Sabunçu RPİ DYPŞ tərəfindən daxil olmuş 27 may 2022-ci il tarixli, İXP ******* nömrəli inzibati xəta haqqında protokolda göstərilmişdir ki, nəqliyyat vasitəsini idarə edən Şəxs yol hərəkəti qaydaları əleyhinə olan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarını müəyyən edilmiş 03 (üç) ay müddət ərzində ödəməmişdir. Bununla da o, Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanı törətmişdir. Məhkəmə iclasında iştirak edən Şəxs özünü AR İXM-nin 529.3-cü maddəsi ilə təqsirli bilməyərək göstərmişdir ki, inzibati xəta haqqında protokol səhv olaraq onu adına tərtib edilmişdir. Belə ki, mülkiyyətçi X1 mülkiyyətində olan “Mercedes Benz C240” minik markalı, DNN ** OH *** dövlət qeydiyyat nişanlı nəqliyyat vasitəsinə sərəncam hüququna dair verilmiş etibarnamə səhvən ** OH *** kimi qeyd edilmişdir. Etibarnamə düzgün tərtib edilmədiyindən inzibati xəta haqqında protokol düzgün tərtib edilməmişdir. Bu səbəbdən inzibati xəta haqqında iş üzrə icraata xitam verilməsini xahiş etmişdir. Məhkəmə iclasının vaxtı və yeri barədə səlahiyyətli orqana məlumat verilməsinə baxmayaraq nümayəndə məhkəmə iclasına gəlməmiş və gəlməmə səbəbləri barədə məlumat verməmişdir. Məhkəmə inzibati materiala Sabunçu RPİ DYPŞ-nin nümayəndəsinin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq olunmuş: inzibati xəta haqqında 27 may 2022-ci il tarixli, İXP ******* nömrəli protokoldan görünür ki, nəqliyyat vasitəsini idarə edən Şəxs yol hərəkəti qaydaları əleyhinə olan inzibati xətanın törədilməsinə görə EQ9060103 nömrəli protokola əsasən qəbul edilmiş qərar üzrə inzibati cərimə növündə inzibati tənbeh tətbiq etmə haqqında qərarını müəyyən edilmiş 03 (üç) ay müddət ərzində ödəmədiyindən və bununla da İXM-nin 529.3-cü maddəsində nəzərdə tutulmuş inzibati xətanı törətdiyindən barəsində inzibati xəta haqqında protokol tərtib olunmuşdur. Məhkəmə baxışı zamanı təqdim edilmiş sənədlərdən görünür ki, Şəxs idarə etdiyi avtomobilin dövlət qeydiyyat nömrəsi ** OH *** deyil, ** OH ***-dir. Həmçinin, məhkəmə baxışı zamanı iş materiallarına əlavə edilmiş Bakı şəhəri 43 saylı notariat ofisinin məktubundan görünür ki, mülkiyyətçi X1 mülkiyyətində olan “Mercedes Benz C240” minik markalı, DNN ** OH *** dövlət qeydiyyat nişanlı nəqliyyat vasitəsinə sərəncam hüququna dair verilmiş etibarnamədə səhvən ** OH *** kimi qeyd edilmişdir. Azərbaycan Respublikası İnzibati Xətalar Məcəlləsinin: 529.3-cü maddəsinə əsasən yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə -nəqliyyat vasitəsini idarə etmək hüququ altı aydan bir ilədək müddətə məhdudlaşdırılır; 145.1.4.-cü maddəsinə əsasən İXM-də şəxsin inzibati məsuliyyətdən azad edilməsi üçün əsaslar yarandıqda iş üzrə icraata xitam verilir. Məhkəmə iclasında tədqiq edilmiş sənədlərlə sübuta yetirilmişdir ki, Şəxs idarə etdiyi avtomobil “Mercedes Benz C240” minik markalı, DNN ** OH *** dövlət qeydiyyat nişanlı avtomobil olmadığından, inzibati xəta hadisəsinin olması istisna olunur və bu səbəbdən Şəxs barəsində inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, QƏRARA ALDİ: Şəxs barəsində AR İXM-nin 529.3-cü maddəsi ilə nəzərdə tutulmuş inzibati xətanı törətməsinə dair iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Sədrlik edən Nigar İmanova