Bakı Şəhəri Sabunçu Rayon Məhkəməsi Qərar — İş №3(008)-4285/2024

Azərbaycan Respublikası adından QƏRAR Bakı şəhəri İş № 3(008)-4285/2024 27.06.2024 BAKI ŞƏHƏRİ SABUNÇU RAYON MƏHKƏMƏSİ Hakim Rəcəbova Elnurə Hüseyn qızının sədrliyi, X7 qızının katibliyi, Azərbaycan Respublikasının Əmək və Əhalinin Sosial Müdafiəsi Nazirliyi, yanında X4 Xidmətinin Bakı şəhər İdarəsinin nümayəndəsi X1, Hüquqi şəxs Şəxs MMC-nin təsisçisi və nümayəndəsi Nümayəndə iştirakları ilə, Hüquqi şəxs Şəxs MMC-nin barəsində Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikasının Əmək və Əhalinin Sosial Müdafiəsi Nazirliyi, yanında X4 Xidmətinin Bakı şəhər İdarəsi tərəfindən hüquqi şəxs Şəxs MMC-nin barəsində Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulmuş inzibati xətanın törədilməsinə dair 12 iyun 2024-cü il tarixli inzibati xəta haqqında iş üzrə icraatın başlanması barədə qərar qəbul edilərək baxılması üçün aidiyyəti üzrə Bakı şəhəri Sabunçu Rayon Məhkəməsinə göndərilmişdir. İnzibati xəta haqqında qərarın tərtib olunmasına səbəb kimi vətəndaş X5 Şəxs MMCdə xx.xx.2024-cü il tarixdən xx.xx.2024-cü il tarixədək Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən işlərin (operator) yerinə yetirilməsinə cəlb edilməsi və bununlada Azərbaycan Respublikasının Əmək Məcəlləsinin 49-cu maddəsinin 1-ci bəndinin tələblərinin pozulduğu göstərilmişdir. Azərbaycan Respublikasının Əmək və Əhalinin Sosial Müdafiəsi Nazirliyi, yanında X4 Xidmətinin Bakı şəhər İdarəsinin X1 inzibati xəta haqqında qərarın məzmununa uyğun izahat verərək bildirmişdir ki, X5 Şəxs MMC-də xx.xx.2024-cü il tarixdən xx.xx.2024-cü il tarixədək Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən işlərin (xidmətlərin) yerinə yetirilməsinə cəlb edilmişdirlər. Bununla da, Azərbaycan Respublikasının İXM-nin 192.1-ci maddəsində nəzərdə tutulmuş Azərbaycan Respublikasının Əmək Məcəlləsində qeyd olunmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsi ilə bağlı inzibati xəta törətdiyinə görə həmin hüquqi şəxs inzibati məsuliyyətə cəlb olunmalıdır. Məhkəmə iclasında barəsində inzibati xəta haqqında iş üzrə icraat aparılan hüquqi şəxs Şəxs MMC-nin təsisçisi Nümayəndə izahatında bildirdi ki, həqiqətən X5 onlara iş üçün müraciət etmiş, ona bir ay üçün 400 manat əmək haqqı verilməsi ilə bağlı razılaşmışlar, sonradan Leyla Vəliyeva səhhətində yaranmış problemlərlə bağlı işdən çıxmış, ona 200 manat əmək haqqı ödənilsə də maddi imkansızlıq üzündən 200 manat ödənilməmişdir, hazırda isə Leyla Vəliyevaya ödənilməli olan 200 manat tərəfindən ödənilmişdir. Leyla Vəliyevanı sınaq müddətinə işə götürdüyü üçün onunla əmək müqaviləsi bağlamamışdır.Özü müharibə iştirakçısı olmuş, müharibəyə getdiyi üçün şirkət iflas etmiş, hazırda yenidən fəaliyyət göstərməyə başlamışdır, onun vəziyyətinin nəzərə alınmasını məhkəmədən xahiş edir. Verilmiş suallara cavab olaraq göstərmişdir ki, Leyla Vəliyeva operator kimi işə götürülmüş, operator kimi telefon zənglərinə cavab vermiş, maşınları sifariş verilmiş adreslərə yönəltmişdir. İş materiallarında olan vhatsap yazışmaları onunla Leyla Vəliyeva arasında aparılmışdır. Məhkəmə iclasında tədqiq edilmiş inzibati materialda olan sənədlərlə sübuta yetirilmişdir ki, hüquqi şəxs Şəxs MMC tərəfindən X5 əmək və ya mülki-hüquqi müqavilə olmadan işlərin yerinə yetirilməsinə cəlb edilmişlər, bununla da, Şəxs MMC Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulan inzibati xətanı törətmişdir. Belə ki, iş materiallarında olan və məhkəmə baxışında tədqiq edilmiş: X5 izahatında qeyd etmişdir ki, 09 fevral 2024-cü il tarixində həmin şirkətin rəsmi instagram səhifəsində (xantaxi_8777) elan olunmuş iş elanı ilə bağlı səhifədə qeyd olunmuş telefon nömrəsi ilə əlaqə saxlamışdır. Həmin nömrə şirkətin direktoru Nümayəndə məxsus idi. Ona bildirmişdir ki, 10 fevral 2024-cü il tarixində şirkətin Gəncə şəhəri Adilxan Ziyadxan 7 ünvanında yerləşən Gəncə filialına yaxınlaşmışdır. O xx.xx.2024-cü il tarixində filiala gedərək, Nümayəndələ iş haqqında danışmışdır. Şifahi razılaşmaları belə olmuşdur ki, 10 gün digər işçilərin yanında təcrübə keçdikdən sonra qəbul ediləcəkdir. xx.xx.2024-cü il tarixindən digər işçilər Şahlar Rzazadə, Aslanlı Səbinə və digər işçilərin yanında təcrübə keçdikdən sonra Nümayəndə tərəfindən aylıq 400 manat əmək haqqı olmaqla Gəncə filialına operator vəzifəsinə işə qəbul edilmişdir. İş günü həftənin 6 günü 08:00-20:00-a dək idi. İşlərə isə soyadını bilmədiyi Kəmalə xanım nəzarət edirdi. xx.xx.2024-cü il tarixdən işləmiş, səhhəti ilə əlaqədar olaraq işdən azad olmuşdur. İşlədiyi müddətdə 400 manat olacağı əmək haqqının 200 manatını xx.xx.2024-cü il tarixində Nümayəndə tərəfindən şəxsi bank kartına göndərilmişdir. Qalıq 200 manat isə bu gündən ödənilməmişdir. Şirkətin rəsmi adı Şəxs MMC-dir. Baş ofis Bakı şəhərindədir. O, əmək müqaviləsi olmadan işə cəlb olunmuşdur. Onun orada işlədəyini şəkillər, videolar və Nümayəndələ whatsappla yazışmaları təsdiq edə bilər. Onunla birlikdə orada Məcidova Səkinə, Məmmədova İlahə, Aslanlı Səbinə işləyirdi. Həmçinin müdir müavini kimi X6 idi. Əsas tələbi əmək haqqının ödəniməsindən ibarətdir. Təqdim edilmiş vhatsap yazışmalarından görünür ki, X5 ilə Nümayəndə arasında əmək haqqının ödənilməsi ilə bağlı yazışmalar aparıldığı müəyyən olunmuşdur. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 18.2-ci maddəsinə əsasən hüquqi şəxs inzibati məsuliyyətə həmin hüquqi şəxsin xeyrinə və ya onun maraqlarının qorunması üçün aşağıdakı şəxslər tərəfindən törədilən inzibati xətalara görə cəlb edilir: 18.2.1. hüquqi şəxsi təmsil etmək səlahiyyətinə malik olan vəzifəli şəxs; 18.2.2. hüquqi şəxsin adından qərarlar qəbul etmək səlahiyyətinə malik olan vəzifəli şəxs; 18.2.3. hüquqi şəxsin fəaliyyətinə nəzarət etmək səlahiyyətinə malik olan vəzifəli şəxs; 18.2.4. bu Məcəllənin 18.2.1-18.2.3-cü maddələrində nəzərdə tutulmuş vəzifəli şəxslər tərəfindən nəzarətin həyata keçirilməməsi nəticəsində hüquqi şəxsin işçisi. 31.3-cü maddəsinə əsasən, hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyirin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakretizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 192.1-ci maddəsinə əsasən Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə - fiziki şəxslər min manatdan iki min manatadək məbləğdə, vəzifəli şəxslər üç min manatdan beş min manatadək məbləğdə, hüquqi şəxslər iyirmi min manatdan iyirmi beş min manatadək məbləğdə cərimə edilir. Beləliklə, məhkəmə iclasında tədqiq edilmiş inzibati xəta haqqında protokol, inzibati materialda olan digər sənədlər sübuta yetirilmişdir ki, hüquqi şəxs Şəxs MMC əmək müqaviləsi (kontraktı) hüquqi qüvvəyə minmədən X3 işlərin (xidmətlərin) yerinə yetirilməsinə cəlb etmiş, bununla da, Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulan inzibati xətanı törətmişdir. Məhkəmə araşdırması zamanı hüquqi şəxs Şəxs MMC-nin barəsində məsuliyyəti yüngülləşdirən və ya ağırlaşdıran hallar müəyyən edilməmişdir. Məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs MMC Azərbaycan Respublikası İnzibati Xətalar Məcəlləsinin 192.1-ci maddəsi ilə təqsirli bilinməli və barəsində həmin maddənin sanksiyası həddində cərimə inzibati tənbeh tədbiri tətbiq edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 18.5, 114-115, 128-130-cu maddələrini rəhbər tutaraq, məhkəmə QƏRARA ALDİ: Hüquqi şəxs Şəxs MMC Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulan inzibati xətanı xətanı törətməkdə təqsirli bilinərək barəsində 20000 (iyirmi min) manat məbləğində cərimə inzibati tənbeh tədbiri tətbiq edilsin. Qərardan, rəsmi qaydada verildiyi vaxtdan 10 (on) gün müddətində Bakı şəhəri Sabunçu Rayon Məhkəməsi vasitəsilə və ya bir başa Bakı Apellyasiya Məhkəməsinə şikayət verilə bilər. Sədrlik edən: Elnurə Rəcəbova