Bakı Şəhəri Sabunçu Rayon Məhkəməsi Qərardad — İş №3(008)-4676/2024

Azərbaycan Respublikası adından QƏRARDAD Bakı şəhəri İş № 3(008)-4676/2024 06.07.2024 BAKI ŞƏHƏRİ SABUNÇU RAYON MƏHKƏMƏSİ Bakı şəhəri Sabunçu Rayon Məhkəməsinin hakimi Mirzəliyev Ruslan Əsəd oğlu Azərbaycan Respublikası Daxili İşlər Nazirliyi Bakı şəhəri Sabunçu Rayon Polis İdarəsindən daxil olmuş Şəxs Azərbaycan Respublikası İXM-nin 206-cı maddəsi ilə nəzərdə tutulmuş inzibati xəta törətməsinə dair materiallara baxaraq, MÜƏYYƏN ETDİ: Şəxs barədə Bakı şəhər, Sabunçu Rayon Polis İdarəsinin 13-cü Polis Bölməsinin sahə polis leytenantı Həsənov Cavid tərəfindən MN № ******* nömrəli, 06 iyul 2024-cü il tarixli inzibati xəta haqqında protokol tərtib olunmuşdur. Protokoldan görünür ki, xx.xx.1983-cü il təvəllüdlü Şəxs Azərbaycan Respublikası Səhiyyə Nazirliyinin Respublika Narkoloji Mərkəzinin tibbi müayinə aktına əsasən sidiyində narkotik vasitə THC (+), MET (+) və PGB (+) aşkar edilmişdir. İş materiallarını araşdırıb hesab edirəm ki, material natamam olduğuna görə geri qaytarılmalıdır. Belə ki, Azərbaycan Respublikası Səhiyyə Nazirliyinin Respublika Narkoloji X1 X2- Narkoloji Tibbi yoxlamanın xx.xx.2024-cü il tarixli, 4623 nömrəli rəyindən görünür ki, ekspert komissiyası aşağıdaki nəticəyə gəlmişdir: Spektral imunnnoxromotoqrafik test üsulu ilə aşkar olunmuş Kannabinoidlərin, Psixostimulyatorların və güclü təsiredici derman preparatı olan Preqabalinin tərkibinin dəqiqləşdiriləsi üçün Məhkəmə Tibbi Ekspertizası və Patoloji Anatomiya mərkəzində müayinədən keçməsi məsləhət görülmüşdür. Həmin ekspertiza birliyinin vermiş olduğu nəticəni aldıqdan sonra Narkoloji ekspertizasının rəyinin verilməsi mümkün ola biləcəyini bildirilmişdir. Azərbaycan Respublikası İXM-nin 110.2-ci maddəsinə əsasən inzibati xəta haqqında protokol baxılması üçün aidiyyatı üzrə Bakı şəhər Sabunçu rayon Məhkəməsinə göndərilmişdir. Azərbaycan Respublikası İXM-nin 103.1-ci maddəsinə əsasən inzibati xəta haqqında protokol (prokurorun qərarı) tərtib edildiyi vaxtdan 48 saatadək müddətində hakimə, səlahiyyətli orqana (vəzifəli şəxsə) göndərilir. Həmin Məcəllənin 103.2-ci maddəsinə əsasən inzibati həbs nəzərdə tutan inzibati xəta haqqında protokol (prokurorun qərarı) tərtib edildikdən sonra dərhal baxılması üçün hakimə göndərilir. Azərbaycan Respublikası İXM-nin 106-cı maddəsinə əsasən inzibati xəta haqqında işin baxılmağa hazırlanması mərhələsində hakim, inzibati xəta haqqında protokolun və işin digər materialların Azərbaycan Respublikası İXM-nin tələblərinə müvafiq olaraq tərtib edilməsi məsələsini həll edir. Azərbaycan Respublikası İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xəta haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Təqdim olunmuş sənədlərdən görünür ki, qanunun həmin tələblərinə riayət edilməmiş və həmin çatışmamazlıqlar aradan qaldırılmadan işə mahiyyəti üzrə baxılıb tamamlanması mümkün deyildir. Göstərilənlərə əsasən və Azərbaycan Respublikası İnzibati Xətalar Məcəlləsinin 109.1.6-cı maddəsini rəhbər tutaraq, QƏRARA ALDİ: Azərbaycan Respublikası Daxili İşlər Nazirliyi Bakı şəhəri Sabunçu Rayon Polis İdarəsindən daxil olmuş Şəxs Azərbaycan Respublikası İXM-nin 206-cı maddəsində nəzərdə tutulmuş inzibati xəta törətməsinə dair tərtib edilmiş inzibati xəta haqqında protokollar və ona əlavə edilmiş sənədlər Azərbaycan Respublikası Daxili İşlər Nazirliyi Bakı şəhəri Sabunçu Rayon Polis İdarəsinə geri qaytarılsın. Qərardaddan şikayət verilə bilməz Sədrlik edən: Ruslan Mirzəliyev