Bakı Şəhəri Sabunçu Rayon Məhkəməsi Qərardad — İş №3(008)-4688/2023

Azərbaycan Respublikası adından QƏRARDAD Bakı şəhəri İş № 3(008)-4688/2023 24.08.2023 BAKI ŞƏHƏRİ SABUNÇU RAYON MƏHKƏMƏSİ X7 İmanova, X5 tərəfindən Sabunçu rayon DYPŞ-nin 17 iyul 2023-cü il tarixli TP ******* nömrəli qərarından verilmiş şikayətə və ona əlavə edilmiş sənədlərə baxaraq, MÜƏYYƏN ETDİ: X2 rayon DYPŞ tərəfindən qəbul edilmiş 17 iyul 2023-cü il tarixli TP ******* nömrəli qərarın ləğv edilməsi ilə bağlı ərizə ilə Sabunçu Rayon Məhkəməsinə müraciət etmişdir. Məhkəmə ərizəni və ona əlavə edilmiş sənədləri nəzərdən keçirib hesab edir ki, şikayət və ona əlavə edilmiş sənədlər geri qaytarılmalıdır. Belə ki, təqdim edilmiş sənədlərə baxış zamanı məhkəmə tərəfindən X1 qərardan şikayət verilməsi üçün nəzərdə tutulmuş prosessual müddəti ötürdüyü müəyyən olunmuş, lakin həmin müddətin üzrlü səbəbdən ötürüldüyü barədə hər hansı sənəd, o cümlədən müddətin bərpa edilməsinə dair vəsatəti şikayət ərizəsinə əlavə etmədiyi müəyyən edilmişdir. Azərbaycan Respublikası İnzibati Xətalar Məcəlləsinin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmin Məcəllənin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Qanunvericiliyin tələblərini rəhbər tutaraq məhkəmə hesab edir ki, X5 tərəfindən Sabunçu rayon DYPŞ-nin 17 iyul 2023-cü il tarixli TP ******* nömrəli qərarından verilmiş şikayət və ona əlavə edilmiş sənədlər X4 qaytarılmalı və şikayətçiyə Sabunçu rayon DYPŞ tərəfindən qəbul edilmiş 17 iyul 2023-cü il tarixli TP ******* nömrəli qərardan şikayət verilməsi üçün buraxılmış prosessual müddətin bərpa edilməsinə dair vəsatət ilə məhkəməyə müraciət etmək hüququnun olması izah edilməlidir. Yuxarıda qeyd olunanlara və AR İXM-nin 109-cu maddəsinin tələblərinə əsasən məhkəmə QƏRARA ALDİ: X5 tərəfindən Sabunçu rayon DYPŞ-nin 17 iyul 2023-cü il tarixli TP ******* nömrəli qərarından verilmiş şikayət və ona əlavə edilmiş sənədlər X4 qaytarılsın. X4 Sabunçu rayon DYPŞ tərəfindən qəbul edilmiş 17 iyul 2023-cü il tarixli TP ******* nömrəli qərardan şikayət verilməsi üçün buraxılmış prosessual müddətin bərpa edilməsinə dair vəsatət ilə məhkəməyə müraciət etmək hüququnun olması izah edilsin. Hakim Nigar İmanova