Bakı Şəhəri Sabunçu Rayon Məhkəməsi Qərar — İş №3(008)-4706/2024

Azərbaycan Respublikası adından QƏRAR Bakı şəhəri İş № 3(008)-4706/2024 10.07.2024 BAKI ŞƏHƏRİ SABUNÇU RAYON MƏHKƏMƏSİ Hakim Rəcəbova Elnurə Hüseyn qızının sədrliyi, X23 qızının katibliyi, İnzibati xəta haqqında protokolu tərtib edən Bakı şəhəri Sabunçu Rayon İcra Şöbəsinin icra məmuru X6, zərərçəkmiş şəxs X8 etibarnamə üzrə nümayəndəsi X16, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1992-ci il tarixdə Ağstafa rayonunda doğulmuş, Azərbaycan Respublikasının vətəndaşı, evli, fərdi əməklə məşğul olan, ünvan 1i ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə tənbeh tədbirinin tətbiq edilməsinə dair inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Sabunçu Rayon İcra Şöbəsindən daxil olmuş 10 iyul 2024-cü il tarixli inzibati xəta haqqında protokolda göstərilmişdir ki, Şəxs Bakı Apellyasiya Məhkəməsinin 2(103)-4072/2022 saylı, xx.xx.2023-cü il tarixli qərardadına əsasən Bakı şəhəri, Balaxanı qəsəbəsi, 2-ci Mədən küçəsi, 20A saylı yaşayış sahəsindən çıxarılması qərara alınmışdır. Şəxs tərəfindən icra məmurunun qanuni tələblərinin yerinə yetirilməməsinə görə Məmmədov X1 Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında Bakı şəhəri Sabunçu Rayon İcra şöbəsinin icra məmuru X17 tərtib etdiyi inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, “İcra haqqında” Azərbaycan Respublikası Qanununun tələblərinə uyğun olaraq icra sənədi üzrə icraata başlamaq haqqında qərar qəbul edilərək borcluya tələbin icrası üçün bildiriş göndərilmişdir. Şəxs Azərbaycan Respublikası adından qəbul edilmiş və icrası bütün şəxslər üçün məcburi olan məhkəmə qərarının icrasını tam təmin etməmiş, icra sənədinin icrasından qərəzli olaraq yayınmış, icra məmurunun qanuni tələblərini yerinə yetirməmişdir. Məhkəmə iclasında zərərçəkmiş şəxs X8 etibarnamə üzrə nümayəndəsi X21 izahat verərək bildirmişdir ki, Şəxs Bakı Apellyasiya Məhkəməsinin 2(103)-4072/2022 saylı, 11 aprel 2023-cü il tarixli qərardadının icrasından yayınır və hazırda Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı yaşayış sahəsində ailəsi ilə birlikdə yaşayır. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirmişdir ki, Bakı Apellyasiya Məhkəməsinin 2(103)-4072/2022 saylı, 11 aprel 2023-cü il tarixli qərardadına əsasən Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı yaşayış sahəsindən çıxarılmışdır. Hazırda həmin yaşayış sahəsində yaşamır, həyat yoldaşı və uşağı yaşadığından arabir onlara ərzaq vermək üçün həmin yaşayış sahəsinə gedir.Onun həyat yoldaşı və uşağının çıxarılması barədə qərar yoxdur. Tələbkar onun analığıdır, aralarında olan münaqişə ilə bağlı polisə tərəfindən müraciət edilmiş, hazırda material üzrə araşdırma gedir, bununla bağlı olaraq onun barəsində icra şöbəsinə analığı onun orada yaşaması ilə bağlı şikayət etmişdir. Həyat yoldaşı və övladının yaşamaq hüququnun tanınması ilə bağlı da məhkəməyə müraciət olunmuşdur. Onun sözügedən mənzildə yaşaması şər və böhtandır, o məhkəmə qərarının icrasından yayınmamışdır. Göstərilənlərin nəzərə alınaraq iş üzrə icraata xitam verilməsini xahiş etmişdir. Məhkəmə iclasında şahid qismində izahat vermiş X2 izahatında göstərdi ki, Şəxs onun qardaşıdır, tələbkar isə onun ögey analığıdır. Şəxs sözügedən evdə yaşamır, onun arvadı və uşağı həmin evdə yaşayır. O arada bir baş çəkmək üçün həmin evə gedib gəlir. İş materiallarında olan və məhkəmə baxışında tədqiq edilmiş: Bakı Şəhəri Sabunçu Rayon Məhkəməsinin 2(008)-2024/2020 saylı, xx.xx.2020 icra vərəqəsinə əsasən, Şəxs Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı evə köçürülsün, iş üzrə ödənilmiş 30 manat dövlət rüsumunun 10 manatı müştərək qaydada cavabdehlər X3 və X7 tutularaq iddiaçı Şəxs ödənilməsi, geri qalan 20 manatı isə iddiaçı Şəxs qaytarılması qət olunmuşdur; 28 aprel 2021-ci il tarixli aktdan görünür ki, iş üzrə tələbkar Şəxs Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı evə köçürülmüşdür. Mübahisəli evin giriş-çıxış qapılarının qıfıllarının açarlarının bir nüsxəsi tərəflərdə saxlanılmışdır; İcraata xitam verilməsi haqqında 29 aprel 2021-ci il tarixli qərardan görünür ki, Bakı Şəhəri Sabunçu Rayon Məhkəməsinin 2(008)-2024/2020-007 nömrəli, xx.xx.2020-ci il tarixli icra sənədinə xitam verilmişdir; Bakı Apellyasiya Məhkəməsinin 2(103)-4072/2022 saylı, 11 aprel 2023-cü il tarixli qərardadına əsasən, Şəxs Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı evə köçürülməsi ilə bağlı Bakı şəhəri Sabunçu Rayon Məhkəməsinin 08 iyun 2020-ci il tarixli, 2(008)-2024/2020 saylı qətnaməsinin əsasında dönüş edilsin (Şəxs qeyd edilən yaşayış sahəsindən çıxarılması qərar alınmışdır); 16 may 2023-cü il tarixli aktdan görünür ki, 10 may 2023-cü il tarixli, 76434/21/17 nömrəli icranın 16 may 2023-cü il tarixə təyin edilməsi məktubu borclu Şəxs Məhəmmədli oğluna şəxsən təqdim olunmasına baxmayaraq o, evdə olmamış, onunla mobil telefon nömrəsi vasitəsilə əlaqə saxlanılmış və həyat yoldaşını həkimə aparıb saat 15:00-da icra yerinə gələcəyini bildirmişdir. Borclu Şəxs saat 15:00-a qədər gözləməklərinə baxmayaraq söz verdiyi vaxtda icra yerinə gəlməmiş və yenidən onunla telefon əlaqəsi saxlamağa cəhd etmələrinə baxmayaraq o, telefona cavab verməmişdir; Azərbaycan Respublikası Ədliyyə Nazirliyi Sabunçu Rayon İcra Şöbəsinin 20 may 2024-cü il tarixli, 76434/21/17 nömrəli Bakı Şəhəri Sabunçu Rayon Məhkəməsinin 2(008)- 2024/2020-007 saylı, xx.xx.2020-ci il tarixli icra sənədinə əsasən Sabunçu rayonu, Balaxanı qəsəbəsi, 2-ci Mədən küçəsi, 20A saylı qətnaməsinin icrasında dönüş edilməsi və X4 qeyd edilən yaşayış sahəsindən çıxarılması qət edilmişdir və qətnamənin icrası 24 may 2024-cü il tarixdə saat 11:00-a təyin edilmişdir; xx.xx.2024-cü il tarixli aktdan görünür ki, ünvan 2 11 aprel 2023-cü il tarixli qərardadına əsasən Şəxs Bakı şəhəri Sabunçu rayonu Balaxanı qəsəbəsi 2-ci mədən küçəsi 20 saylı evə köçürülməsi ilə bağlı icra sənədi icra edilərkən sözügedən ünvanda Şəxs aşkar edilməmişdir. Həmin ünvanda aşağıda adları qeyd olunan X9, X2, X13 və X5 müəyyən edildi. Şəxs harda olması barədə onlara sual verilən zaman onlar bildirmişdirlər ki, Həsən burada yaşamır. X18 cavab olaraq bildirmişdir ki, xx.xx.2024-cü il tarixdə Həsən bu ünvana gəlmişdir. Bundan sonra Şəxs məxsus olan ***-***-**-** mobil nömrəsi ilə əlaqə saxlamışdır. Telefon danışığı zamanı o bildirmişdir ki, Sabunçu rayonu, Balaxanı qəsəbəsi, 2-ci Mədən küçəsi, 20A-da yaşamır. Hazırda küçələrdə qalır. Mübahisəli ünvanda həyat yoldaşı yaşayır. Şəxs 24 may 2024-cü il tarixli izahatından görünür ki, Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı evdən çıxmışdır, həmin evdə onun həyat yoldaşı X10 övladı ilə birlikdə yaşayır. Həmin evə o, qonaq kimi gəlib-gedir; Azərbaycan Respublikası İnzibati Xətalar Məcəlləsinin: 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. 105.1-ci maddəsinə əsasən Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 110.1-ci maddəsinə əasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər; 114.2.1-ci maddəsinə əsasən Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar qəbul edilir. 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə-fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. İnzibati xəta haqqında protokolu, icra məmurunun və barəsində inzibati xəta haqqında iş üzrə icraat aparılan şəxsin və zərərçəkmiş şəxsin izahatlarını, eləcədə inzibati materialda olan sənədləri nəzərə alıb iş üzrə sübutları qiymətləndirərək məhkəmə hesab edir ki, Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında öz təsdiqini tapmamışdır. Belə ki, məhkəmə iclasında barəsində inzibati qaydada icraat aparılan şəxsin, zərərçəkmiş şəxsin nümayəndəsinin, icra məmurunun izahatları əsasında, o cümlədən, məhkəməyə təqdim edilmiş icra işində olan sənədlərlə Şəxs Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı yaşayış sahəsində yaşadığı təsdiq edilmir. Belə ki, Şəxs izahatında da qeyd etmişdir ki, Bakı şəhəri, Sabunçu rayonu, Balaxanı qəsəbəsi, 2-ci Mədən küçəsi, 20A saylı evdən çıxmışdır, həmin evdə onun həyat yoldaşı X10 övladı ilə birlikdə yaşayır. Yaşamağa yeri olmadığından ailəsini həmin mənzildən çəxarmamışdır, onlara baxmaq üçün həmin yaşayış sahəsinə gedib arada baş çəkir. Həyat yoldaşı və övladının həmin ünvanda yaşamaq hüququnun tanınması ilə bağlı məhkəməyə müraciət edilmişdir. İş materiallarında olan 16 may 2023-cü il tarixli və 24 may 2024-cü il tarixli aktlardan müəyyən edilmişdir ki, Şəxs çıxarılması üçün sözügedən ünvana getsə də o, həmin ünvanda olmamışdır. Həmin ünvanda onun həyat yoldaşı və övladı olmuşdur. ünvan 2 11 aprel 2023-cü il tarixli qərardadına əsasən isə onun ailə üzvlərinin deyil, Şəxs çıxarılması qərara alınmışdır. Göründüyü kimi, Şəxs həmin qərarın icrasından yayınmasını təsdiq edən hər hansı sübut məhkəmə araşdırması zamanı müəyyən edilməmişdir. Yuxarıda sadalanan qanunun tələbləri və işin həqiqi halları baxımından məhkəmə belə qənaətə gəlir ki, Azərbaycan Respublikası İnzibati Xətalar Məcəlləsinin 528.1-ci maddəsinin dispozisiyasına əsasən icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra vərəqəsinin üzrsüz səbəbdən icra edilməməsi inzibati məsuliyyətə səbəb olduğundan, hazırkı halda isə borclu Şəxs tərəfindən həmin hərəkətləri etməsini təsdiq edən hər hansı hal öz təsdiqini tapmadığından Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında iş üzrə icraata təqsirliliyi sübuta yetirilmədiyindən xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 48-51, 53, 114, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsinə dair iş üzrə icraata barəsində inzibati icraat aparılan şəxsin təqsirliliyi sübuta yetirilmədiyindən xitam verilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Sabunçu Rayon Məhkəməsi vasitəsilə və ya birbaşa Bakı Apelyasiya Məhkəməsinə apelyasiya şikayəti verilə bilər. Sədrlik edən: Elnurə Rəcəbova