Bakı Şəhəri Sabunçu Rayon Məhkəməsi Qərardad — İş №3(008)-4821/2022

Azərbaycan Respublikası adından QƏRARDAD Bakı şəhəri İş № 3(008)-4821/2022 24.08.2022 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi İmanova Nigar Arzu qızı, Azərbaycan Respublikası Daxili İşlər Nazirliyi Baş X5 İdarəsinin elektron qərarlarının ləğv olunmasına dair X1 şikayət ərizəsini Bakı şəhəri Sabunçu Rayon Məhkəməsinin binasında nəzərdən keçirərək, MÜƏYYƏN ETDİM: X3 barəsində qəbul edilən qərarların ləğv edilməsinə dair məhkəməyə şikayət ərizəsi ilə müraciət etmişdir. Azərbaycan Respublikası İnzibati Xətalar Məcəlləsinin 128.1-ci maddəsinin tələbinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, müdafiəçi və nümayəndə, həmçinin Bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Azərbaycan Respublikası İXM-nin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət–şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon məhkəməsinə göndərilir Həmin Məcəllənin 128.2.3-cü maddəsinin tələbinə əsasən səlahiyyətli orqanın (vəzifəli şəxsin) qərarından-yuxarı səlahiyyətli orqana (vəzifəli şəxsə) və ya məhkəməyə qərardan şikayət verə bilər. Məhkəmə şikayətçi X1 şikayət ərizəsində mübahisələndirdiyi hallarla bağlı qeyd edir ki, şikayətçi X3 barəsində hər biri müxtəlif vaxtlarda və müxtəlif inzibati xəta tərkibinin yaranmasına səbəb olan hərəkətlərlə bağlı müvafiq səlahiyyətli dövlət orqanı tərəfindən qəbul edilmiş inzibati tənbeh vermə haqqında qərarlardan şikayətini vahid şikayət ərizəsində qeyd etməklə məhkəməyə müraciət etdiyindən onun ərizəsinə məhkəmədə baxılması mümkün deyil. Məhkəmə hesab edir ki, təqdim edilmiş materiallar natamam olduğundan və işə baxılarkən tamamlamaq mümkün olmadığından şikayət ərizəsi geri qaytarılmalı, şikayətçi X2 hər bir inzibati tənbeh vermə barədə elektron qərar üzrə şikayətlə bağlı məhkəməyə müraciət etmək hüququ vardır. Azərbaycan Respublikası İXM-nin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması zamanı qərardad qəbul edilir. Qeyd olunanlara əsasən və Azərbaycan Respublikası İXM-nin 109.1.6-cı maddəsini rəhbər tutub, QƏRARA ALDİM: X3 barəsində qəbul edilən qərarların ləğv edilməsinə dair şikayət ərizəsi geri qaytarılsın. Qərardadın surəti rəsmi qaydada təqdim edildiyi və ya alındığı gündən işə baxan Sabunçu Rayon Məhkəməsi vasitəsi ilə 10 (on) gün müddətində Bakı Apelyasiya Məhkəməsinə apelyasiya şikayəti və ya protesti verilə bilər. Sədrlik edən: Nigar İmanova