Bakı Şəhəri Sabunçu Rayon Məhkəməsi Qərardad — İş №3(008)-4941/2023

Azərbaycan Respublikası adından QƏRARDAD Bakı şəhəri İş № 3(008)-4941/2023 01.09.2023 BAKI ŞƏHƏRİ SABUNÇU RAYON MƏHKƏMƏSİ X1 İmanova, Şəxs tərəfindən Azərbaycan Respublikası İnzibati Xətalar Məcəlləsinin 206 və 535.1ci maddələrində nəzərdə tutulan inzibati xətaların törədilməsi barədə Azərbaycan Respublikası Daxili İşlər Nazirliyi Bakı şəhər Sabunçu Rayon Polis İdarəsindən daxil olmuş inzibati xəta haqqında materiala baxaraq, MÜƏYYƏN ETDİ: Şəxs tərəfindən Azərbayсan Respublikası İnzibati Xətalar Məсəlləsinin 206 və 535.1ci maddəsində nəzərdə tutulan inzibati xətaların törədilməsi barədə müvafiq olaraq 01 sentyabr 2023-cü il tarixli, MN ******* saylı və 01 sentyabr 2023-cü il tarixli, MN1788179 saylı inzibati xəta haqqında protokollar və onlara əlavə edilmiş materiallar baxılması üçün Bakı Şəhəri Sabunçu Rayon Məhkəməsinə göndərilmişdir. Məhkəmə inzibati xəta haqqında protokolları və onlara əlavə edilmiş sənədləri nəzərdən keçirib hesab edir ki, inzibati xəta haqqında protokollar və onlara əlavə edilmiş sənədlər geri qaytarılmalıdır. Belə ki, iş materiallarından görünür ki, Şəxs tərəfindən İnzibati Xətalar Məcəlləsinin 206-cı maddəsində nəzərdə tutulan inzibati xətanın törədilməsi ilə bağlı tərtib olunmuş 01 sentyabr 2023-cü il tarixli, MN ******* saylı inzibati xəta haqqında protokolda inzibati xətanın mahiyyəti düzgün göstərilməmişdir. Belə ki, qeyd olunan protokolda inzibati xətanın mahiyyəti “Balaxanıda xidmət zamanı istifadəçi olduğundan zahiri görünüşdən şübhələnmiş, saxlanılaraq Polis Şöbəsinə gətirilmişdir” kimi əks olunmuşdur. Halbuki İXM-in 206-cı maddəsi qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi ilə əlaqədar törədilmiş inzibati xətaları nəzərdə tutur. Hazırki protokolda isə sadəcə onun zahiri görünüşdən istifadəçiyə oxşaması və polis bölməsinə gətirilməsi göstərilmişdir ki, bu da inzibati xətanın mahiyyəti olaraq qiymətləndirilə bilməz. Bununla yanaşı, inzibati xəta haqqında protokolda inzibati xətanın törədildiyi tarix və vaxt göstərilməmişdir. Belə ki, AR İnzibati Xətalar Məcəlləsinin 100.1.4-cü maddəsinə əsasən inzibati xəta haqqında protokolda inzibati xətanın törədildiyi yer, vaxt və bu xətanın mahiyyəti göstərilir. Həmin Məcəllənin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Belə olan halda hesab edilir ki, inzibati xəta haqqında protokolda inzibati xətanın mahiyyəti düzgün göstərilmədiyindən və xətanın törədildiyi vaxt qeyri-müəyyən olduğundan həmin protokollar onlara əlavə edilmiş sənədlərlə birlikdə onu tərtib etmiş orqana geri qaytarılmalıdır. Yuxarıda qeyd olunanlara əsasən məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 206 və 535.1-ci maddələri ilə nəzərdə tutulmuş inzibati xətaları törətməsinə dair tərtib olunmuş inzibati xəta haqqında protokollar və onlara əlavə olunmuş sənədlər Bakı şəhər Sabunçu Rayon Polis İdarəsinin 12-ci Polis Şöbəsinə geri qaytarılsın. Hakim: Nigar İmanova