Bakı Şəhəri Sabunçu Rayon Məhkəməsi Qərar — İş №3(008)-5731/2025

Azərbaycan Respublikası adından QƏRAR Bakı şəhəri İş № 3(008)-5731/2025 30.09.2025 BAKI ŞƏHƏRİ SABUNÇU RAYON MƏHKƏMƏSİ Bakı şəhəri, Sabunçu Rayon Məhkəməsinin hakimi Həsənov Teymur Həsən oğlunun sədrliyi, məhkəmə iclasının katibi Osmanlı Nurlan Azər oğlunun katibliyi, inzibati xəta haqqında protokolu tərtib etmiş şəxs X1, barəsində inzibati protokol tərtib edilmiş şəxs Şəxs, tələbkarlar X3 və X4 iştirakları ilə, xx xxx 1967-ci il tarixdə Bakı şəhərində anadan olmuş, Azərbaycan Respublikasının vətəndaşı, Bakı şəhəri, Xəzər rayonu, Binə qəsəbəsində qeydiyyatda olan və ünvan 1 ünvanında yaşayan-Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Bakı şəhər Sabunçu rayon İcra Şöbəsindən daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Bakı Ağır Cinayətlər Məhkəməsinin 1(101)-67/2017 saylı, 27 iyul 2018-ci il tarixli icra vərəqəsinə əsasən zərərçəkmiş X7 yetirilmiş maddi ziyanın ödənilməmiş qalan 32500 (otuz iki min beş yüz) manat məbləğində hissəsi məhkumlar X11, Şəxs, X8, bu məbləğin 17000 (on yeddi min) manat məbləğində hissəsi həmin şəxslərdən və X5 müştərək qaydada zərərçəkmiş X3 xeyrinə tutulması qət edilmişdir. Cinayət əməli nəticəsində zərərçəkmiş şəxs X9 yetirilmiş maddi ziyanın ödənilməmiş qalan 25500(iyirmi beş min beş yüz) manat məbləğində hissəsi məhkumlar X11, Şəxs, X15, X14 və X6 alınıb zərərçəkmiş X9 ödənilməsi qət edilmişdir. İcra sənədi üzrə tələb bu günə qədər borclu Şəxs tərəfindən icra edilməmişdir. Bu barədə Sabunçu rayon İcra Şöbəsinin icra məmuru X2 tərəfindən MN № ******* saylı, 30 sentyabr 2025-ci il tarixli inzibati xəta haqqında protokol tərtib olunmuşdur. Məhkəmə iclasında inzibati xəta haqqında protokolu tərtib edən Sabunçu rayon İcra Şöbəsinin icra məmuru X2 izahatında göstərmişdir ki, Bakı Ağır Cinayətlər Məhkəməsinin 1(101)-67/2017 saylı, 27 iyul 2018-ci il tarixli icra vərəqəsinə əsasən zərərçəkmiş X7 yetirilmiş maddi ziyanın ödənilməmiş qalan 32500 (otuz iki min beş yüz) manat məbləğində hissəsi məhkumlar X11, Şəxs, X8, bu məbləğin 17000 (on yeddi min) manat məbləğində hissəsi həmin şəxslərdən və X5 müştərək qaydada zərəçəkmiş X3 xeyrinə, cinayət əməli nəticəsində zərərçəkmiş şəxs X9 yetirilmiş maddi ziyanın ödənilməmiş qalan 25500 (iyirmi beş min beş yüz) manat məbləğində hissəsi məhkumlar X11, Şəxs, X15, X14 və X6 alınıb zərərçəkmiş X9 ödənilməsi qət edilmişdir. İcra sənədi üzrə tələb bu günə qədər borclu Şəxs tərəfindən icra edilməmişdir. Şəxs icra vərəqəsi üzrə tələbi bu günə qədər tam icra etmədiyi üçün tərəfindən borclu barəsində inzibati xəta haqqında protokol tərtib edilərək onun İXM-in 528.1-ci maddəsi ilə inzibati məsuliyyətə cəlb edilməsini xahiş edilmişdir. Barəsində xəbərdarlıq göndərilmiş, tələbin könüllü icrası barədə məlumat verilmişdir. Tərtib etdiyi protokolu müdafiə edir. Məhkəmə iclasında iştirak edən barəsində inzibati xəta haqqında iş üzrə icraat aparılan Şəxs izahatında göstərmişdir ki, borcun olduğunu səmimi etiraf edir. Həbsdə olduğu üçün borcunu ödəməyə imkanı olmamışdır. Yeni həbsdən azad olunmuşdur. Halhazırda ödəniş edə bilmir. 6 ay vaxt verilsə hissə-hissə ödəniş edə bilər. Məhkəmə iclasında iştirak edən tələbkar X12 izahatında göstərmişdir ki, borclu borcunu ödəməkdən bu günə qədər müxtəlif bəhanələrlə yayınır. Yaranmış borcun tam ödəməyi tələb edir, əks halda barəsində qanuni tədbir görülməsini məhkəmədən xahiş edir. Məhkəmə iclasında iştirak edən tələbkar X13 izahatında göstərmişdir ki, pulunu tam ödəməyi tələb edir, hissə-hissə ödəniş etməsinə etiraz edir. Məhkəmədən borclu barəsində qanuni tədbir görülməsini xahiş edir. İş materiallarında olan Bakı Ağır Cinayətlər Məhkəməsinin 1(101)-67/2017 saylı, 27 iyul 2018-ci il tarixli icra vərəqəsinə əsasən zərərçəkmiş X7 yetirilmiş maddi ziyanın ödənilməmiş qalan 32500(otuz iki min beş yüz) manat məbləğində hissəsi məhkumlar X11, Şəxs, X8, bu məbləğin 17000 (on yeddi min) manat məbləğində hissəsi həmin şəxslərdən və X5 müştərək qaydada zərəçəkmiş X3 xeyrinə tutulması qət edilmişdir. Cinayət əməli nəticəsində zərərçəkmiş şəxs X9 yetirilmiş maddi ziyanın ödənilməmiş qalan 25500 (iyirmi beş min beş yüz) manat məbləğində hissəsi məhkumlar X11, Şəxs, X15, X14 və X6 alınıb zərərçəkmiş X9 ödənilməsi qət edilmişdir İş materiallarında olan Bakı şəhər Sabunçu rayon İcra Şöbəsinin xx.xx.2025-ci il tarixli qərarı ilə icraata başlamaq haqqında qərar qəbul edilmişdir. İş materiallarında olan Bakı şəhər Sabunçu rayon İcra Şöbəsinin xx.xx.2025-ci il tarixli bildirişindən görünür ki, “tələbin könüllü icrası” barədə bildirişi borclu imza edərək qəbul etmişdir. İş materiallarında olan Bakı şəhər Sabunçu rayon İcra Şöbəsinin xx.xx.2025-ci il tarixli borclu Şəxs xəbərdarlıq edilmişdir. İş materiallarında olan Bakı şəhər Sabunçu rayon İcra Şöbəsinin xx.xx.2025-ci il tarixdə borclunun axtarışı haqqında qərar qəbul edilmişdir. Məhkəmə inzibati xəta haqqında materialları araşdırıb, inzibati protokolu tərtib etmiş şəxsi, barəsində inzibati protokol tərtib edilmiş şəxsi və tələbkarları dinləyib hesab edir ki, Şəxs Azərbaycan Respublikasının İXM-in 528.1-ci maddəsinin sanksiyası çərçivəsində inzibati məsuliyyətə cəlb edilməlidir. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən-icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə -fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin İnzibati Xətalar Məcəlləsinin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbulu və icra edilməsi, həmin vaxtı qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 12.2-ci maddəsinə əsasən Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın.https://e-qanun.az/framework/52863 Həmin Məcəllənin 106-cı maddəsinə əsasən inzibati xəta haqqında işin baxılmağa hazırlanması mərhələsində hakim, inzibati xəta haqqında protokolun və işin digər materialların Azərbaycan Respublikasının İnzibati Xətalar Məcəlləsinin tələblərinə müvafiq olaraq tərtib edilməsi məsələsini həll edir. 106.0.1. işin baxılması onun səlahiyyətinə aiddirmi; 106.0.2. işin hakim, kollegial orqanın üzvü, vəzifəli şəxs tərəfindən baxılmasını istisna edən hallar mövcuddurmu; 106.0.3. inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilmişdirmi; 106.0.4. işin icraatını rədd edən hallar mövcuddurmu; 106.0.5. mahiyyəti üzrə baxılması üçün işdə kifayət qədər sübutlar toplanmışdırmı; 106.0.6. işə baxılmasının yeri və vaxtı barədə işdə iştirak edən şəxslər məlumatlandırılıbmı; 106.0.7. iş üzrə vəsatətlər və etiraz etmə vardırmı. Həmin Məcəllənin 111.3-cü maddəsinə əsasən inzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokol daxil olduğu gün, inzibati qaydada tutulan şəxslər barəsində isə onların tutulduğu vaxtdan ən geci 48 saat keçənədək baxılır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs törətdiyi əməli etiraf etməsini İnzibati Xətalar Məcəlləsinin 32-ci maddəsinə əsasən məsuliyyəti yüngülləşdirən hal hesab edir. Şəxs əməlində İnzibati Xətalar Məcəlləsinin 33-cü maddəsinə əsasən məsuliyyəti ağırlaşdıran hallar müəyyən olunmadı. Azərbaycan Respublikasının İnzibati Xətalar Məcəlləsinin 21-ci maddəsinə əsasən İnzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 30.1-ci maddəsinə əsasən inzibati həbs, yalnız müstəsna hallarda, inzibati xətaların ayrı-ayrı növlərinə görə 03 (üç) ay müddətinədək müəyyən olunur və tətbiq edilir. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. İnzibati xəta haqqında protokola əlavə edilmiş materiallardan görünür ki, barəsində inzibati xəta haqqında protokol tərtib edilmiş şəxsə tələbin könüllü icrası barədə xəbərdarlıq edilmişdir. Borclu barəsində olan İcra sənədindən xəbərdardır və borcu olduğunu qəbul edir. Borclu bu günə qədər borcu ödəməməyinin səbəbi kimi maddi imkanının olmaması və həbsdən yeni azad olduğunu göstərmişdir. Məhkəmə hesab edir ki, qeyd edilən səbəblər üzürlü hesab edilə bilməz. Belə ki, protokola əlavə edilmiş materiallardan görünür ki, xx.xx.2025-ci il tarixdə “tələbin könüllü icrası” barədə bildirişi borclu imza edərək qəbul etmişdir. Lakin buna baxmayaraq keçən təxminən dörd aya yaxın vaxtda heç bir ödəniş etməmişdir. Maddi imkanın olmaması və işsizlik üzürlü səbəb hesab edilə bilməz, əks yanaşma gələcəkdə qanuni qüvvəyə minmiş məhkəmə qərarlarının icra edilmədən kağız üzərində qalması ilə nəticələnə bilər. Şəxs həmin inzibati xətanı törətməsi barəsində tərtib olunmuş yuxarıda qeyd edilən inzibati xəta haqqında protokol, icra vərəqəsi, bildiriş, özünün və zərərçəkmiş şəxsin məhkəməyə verdiyi izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Məhkəmə inzibati xətanın xarakterini, icra sənədi üzrə olan borcunu ödəməkdən qərəzli olaraq yayındığını, pul məbləği ilə bağlı icra sənədini icra etməyən şəxsin cərimələnməsinin lüzumsuz olduğunu nəzərə alaraq, məhkəmə hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilinməz. Məhkəmə Şəxs şəxsiyyətini, törədilmiş inzibati xətanın xarakterini, məhkəmə qətnaməsini üzürsüz səbəbdən, qərəzli olaraq icra etməməsini, yaranmış borcun məbləğini, bunun isə tələbkarın manefiyinə toxunmasını və iş üzrə olan digər halları nəzərə alaraq onu Azərbaycan Respublikasının İnzibati Xətalar Məcəlləsinin 528.1-ci maddəsinin sankisiyasında nəzərdə tutulmuş inzibati həbs növündə inzibati tənbeh edilməsini məqsədə müvafiq hesab edir. Həbsetmənin əvvəli 30 sentyabr 2025-ci il tarixdən hesablanmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 57, 106, 128-130-cu maddələrini rəhbər tutaraq qərara aldı: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 08(səkkiz) gün müddətinə inzibati qaydada həbs edilsin. Həbs etmənin əvvəli 30 sentyabr 2025-ci il tarixdən hesablansın. Qərarın icrası Bakı şəhəri Sabunçu RPİ-nə, Sabunçu rayon İcra Şöbəsinə və Azərbaycan Respublikası Daxili İşlər Nazirliyinin Baş İctimai Təhlükəsizlik İdarəsinə bilavasitə tabe olan İnzibati Həbs olunanların saxlanılma Məntəqəsinə həvalə edilsin. Qərarın surəti rəsmi qaydada təqdim edildiyi və ya alındığı gündən 10 (on) gün müddətində Bakı şəhər Sabunçu rayon Məhkəməsi vasitəsi ilə və ya birbaşa Bakı Apellyasiya Məhkəməsinə şikayət verilə bilər. Sədrlik edən: Teymur Həsənov