Bakı Şəhəri Sabunçu Rayon Məhkəməsi Qərar — İş №3(008)-584/2023

Azərbaycan Respublikası adından QƏRAR Bakı şəhəri İş № 3(008)-584/2023 25.01.2023 BAKI ŞƏHƏRİ SABUNÇU RAYON MƏHKƏMƏSİ X5 İmanovanın sədrliyi, Səbinə Pərvin qızı Səfərlinin katibliyi, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokolu tərtib etmiş Bakı şəhəri Sabunçu Rayon Polis İdarəsinin 12ci Polis Şöbəsinin sahə rəisi polis mayoru X1 iştirakları ilə, xx xxxxxx 1979-cu il tarixdə Ağdam rayonu, Çəmənli kəndində doğulmuş, Azərbaycan Respublikasının vətəndaşı, fərdi əməklə məşğul olan, evli, Ağdam rayonu Çəmənli kəndində qeydiyyatda olan Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xəta törətməsi haqqında materiala açıq məhkəmə iclasında baxaraq, MÜƏYYƏN ETDİ : Bakı şəhəri Sabunçu Rayon Polis İdarəsindən daxil olmuş 25 yanvar 2023-cü il tarixli, MN ******* saylı inzibati xəta haqqında protokola əsasən Şəxs 25 yanvar 2023-cü il tarixdə saat 12:00 radələrində Sabunçu rayonu, Ramana qəsəbəsi, Şuşa şəhərciyində DYP əməkdaşı tərəfindən Mercedes ** MH *** dövlət qeydiyyat nişanlı avtomaşını saxlamış və polisin qanuni tələblərinə tabe olmadığına görə sürücü Şəxs barəsində Azərbaycan Respublikası İXM-nin 535.1-ci maddəsi ilə inzibati xəta haqqında protokol tərtib edilmişdir. Bakı şəhəri Sabunçu Rayon Polis İdarəsinin 12-ci Polis Şöbəsinin sahə rəisi, polis mayoru X3 protokolun dəlillərinə uyğun izahat verərək Şəxs barəsində qanuna müvafiq tədbir görülməsini xahiş etmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında özünü təqsirli bilərək izahatında qeyd etmişdir ki, ona məxsus avtomaşınla hərəkətdə olarkən yol polis əməkdaşları tərəfindən saxlanılmış, polis əməkdaşları sənədləri tələb etdikdə isə o, sənədlərin üzərində olmadığını, evdə qaldığını bildirmişdir. Polis əməkdaşları ona idarə etdiyi nəqliyyat vasitəsinin istismara yararlığının yoxlanılması üçün avtomobilin duracağa aparılmalı olduğunu bildirdikdə o, qışqırmış, sonra isə qorxusundan qaçmaq istədiyini, polislərə müqavimət göstərdiyini bildirirək əməlindən peşman olduğunu, bir daha belə hallara yol verməyəcəyini bildirmişdir. Məhkəmə iclasında şahid qismində dindirilmiş Sabunçu Rayon Polis İdarəsinin Dövlət Yol Polis Şöbəsinin yol patrul xidməti inspektoru, polis serjantı X4 öz izahatında bildirmişdir ki, xx.xx.2023-cü il tarixdə xidmətdə olarkən Ramana qəsəbəsi “Xəzər” kafenin yanında ** MH *** dövlət qeydiyyat nişanlı nəqliyyat vasitəsini saxlayaraq nəqliyyat vasitəsi istismara tam yararsız olduğu üçün sürücüdən sənədləri tələb etmişdir. Sürücü Şəxs isə sənədlərin üzərində olmadığını bildirmiş, bu zaman onlar sistemdən şəxsin sənədlərinin qaydasında olduğunu müəyyən etdikdən sonra avtomobilin istismara yararlığının yoxlanılması üçün aparılmalı olmasını bildirdikdə şəxs imtina edərək tabesizlik göstərmiş və qışqıraraq polisə qarşı lüzumsuz sözlərdən istifadə etmişdir. Bundan sonra onu xidməti avtopatrula əyləşdirsələr də Şəxs avtomobilin arxa oturacağından qabaq oturacağına keçərək qaçmağa cəh etmişdir. Sədrlik edənin sualına cavab olaraq Şəxs polis əməkdaşı X2 göstərdiklərinin həqiqət olduğunu, savadsızlığından və polisdən qorxduğundan həmin hərəkətlərə yol verdiyini bildirmişdir. İş materiallarında olan və məhkəmə baxışında tədqiq olunmuş: 01 avqust 2022-ci il tarixli raportdan görünür ki, xx.xx.2023-cü il tarixdə xidmətdə oalrkən Ramana qəsəbəsi “Xəzər” kafenin yanında ** MH *** dövlət qeydiyyat nişanlı nəqliyayt vasitəsini saxlayaraq nəqliyyat vasitəsi istismara tam yararsız olduğu üçün sürücüdən sənədləri tələb etmişdir. Sürücü Şəxs isə sənədləri təqdim etməkdən imtina edərək tabesizlik göstərmiş və polisə qarşı nalayiq sözlərdən istifadə etmişdir. Şəxs polis bölməsində verdiyi izahatından görünür ki, o, polis əməkdaşları onu polis maşınına oturmağa dəvət edərkən polisin əmrinə tabe olmadığını etiraf etmişdir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 535.1-ci maddəsinə əsasən Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə iş üzrə toplanmış sübutların və onların məcmusunu tam, hərtərəfli və obyektiv baxılmasına əsaslanmaqla belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanın törədilməsində təqsirliliyi inzibati xəta haqqında protokol, məhkəmə iclasında verilmiş izahatlar, habelə digər sübutlarla tam sübuta yetirilmiş və onun əməli düzgün olaraq İXM-nin 535.1-ci maddəsi ilə tövsif edilmişdir. Şəxs münasibətdə əməlin inzibati xəta olmasını aradan qaldıran hallar yoxdur, inzibati məsuliyyətdən azad edilməsi üçün əsaslar müəyyən edilməmişdir. Məhkəmə hesab edir ki, Şəxs AR İXM-nin 535.1-ci maddəsi ilə təqsirli olması iş materiallarında olan sübutlarla təsdiq olunduğundan onun barəsində həmin maddənin sanksiyası daxilində inzibati tənbeh tətbiq edilməlidir. Azərbaycan Respublikası İnzibati Xətalar Məcəlləsinin: 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Portaldan çıxarışdan görünür ki, Şəxs 20 dekabr 2007-ci il təvəllüdlü, 25 fevral 2010-cu il təvəllüdlü və 27 dekabr 2015-ci il təvəllüdlü uşaqları var. Məhkəmə Şəxs tərəfindən törədilmiş inzibati xətanın xarakterini, onun şəxsiyyətini, habelə təqsirinin dərəcəsini və tətbiq olunacaq inzibati tənbehin şəxsin islah olunmasına təsirini, məsuliyyətini yüngülləşdirən hal kimi əməlindən səmimi peşman olmasını, himayəsində iki azyaşlı, bir yetkinlik yaşına çatmayan övladının olmasını, məsuliyyətini ağırlaşdıran halların olmadığını nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasının hədləri daxilində cərimə növündə inzibati tənbeh tədbiri tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində 200 manat məbləğində inzibati cərimə növündə inzibati tənbeh tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Sabunçu Rayon Məhkəməsi vasitəsilə və ya birbaşa Bakı Apelyasiya Məhkəməsinə apelyasiya şikayəti və ya protesti verilə bilər. Hakim Nigar İmanova