Bakı Şəhəri Sabunçu Rayon Məhkəməsi Qərar — İş №3(008)-5974/2022

Azərbaycan Respublikası adından QƏRAR Bakı şəhəri İş № 3(008)-5974/2022 17.11.2022 BAKI ŞƏHƏRİ SABUNÇU RAYON MƏHKƏMƏSİ Bakı şəhər Sabunçu Rayon Məhkəməsinin hakimi Zeynalov Mirheydər Seyidəmir oğlunun sədrliyi, Məhkəmə iclasının katibi Osmanlı Nurlan Azər oğlunun katibliyi, Barəsində inzibati protokol tərtib edilmiş şəxs Şəxs, Zərərçəkmiş şəxs X1 iştirakı ilə, 26 fevral 1980-ci il tarixdə anadan olmuş, Azərbaycan Respublikasının vətəndaşı, Bakı şəh, Yasamal rayonu, Qədirli küçəsi, ev 81-də qeydiyyatda olan-Şəxsnın Azərbaycan Respublikasının İnzibati Xətalar Məcəlləsinin 232-1-ci maddəsi ilə məsuliyyətə cəlb edilməsinə dair Azərbaycan Respublikasının Daxili İşlər Nazirliyi, Sabunçu RPİ 15-ci PB-dən daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Şəxs 12 avqust 2022-ci il tarixdə X2 məxsus Kürdəxanı qəsəbəsi, Ləhiş bağları, 26-cı dalan, 1986 saylı bağ evinin darvazasına 809 manat ziyan vurmaqla İXM-nin 232-1-ci maddəsində nəzərdə tutulmuş inzibati xətanı törətməsinə dair Sabunçu Rayon Polis İdarəsinin 15-ci Polis Bölməsinin sahə inspektoru Elmir İslamov tərəfindən MN ******* nömrəli, 18 oktyabr 2022-si il tarixli inzibati xəta haqqında protokol baxılması üçün məhkəməyə göndərilmişdir. Məhkəmə iclasında barəsində inzibati xəta haqqında protokol tərtib edilmiş şəxs Şəxs izahatında göstərmişdir ki, barəsində tərtib edilmiş inzibati xəta haqqında protokolla razı deyil. Onun tərəfindən belə əməl edilməmişdir. Qeyd olunan darvaza və darvazanın yerləşdiyi torpaq sahəsi özünə məxsusdur. Məhkəmə iclasında zərərçəkmiş şəxs X3 izahatında göstərmişdir ki, Kürdəxanı qəsəbəsi, Ləhiş bağları, 26-cı dalan, 1986 saylı bağ evi ünvanında yerləşən torpaq sahəsi və orada olan ev özünə məxsusdur. Həmin ünvana gedən zaman həyət darvazasının qonşusu Seymur tərəfindən sökülərək yararsız hala salındığını görmüşdür. Səbəbini soruşduqda darvazanın yerləşdiyi torpaq sahəsinin özünə, yəni Şəxs məxsus olduğunu bildirmişdir. Bildirmək istəyir həmin darvaza və darvazanın yerləşdiyi torpaq sahəsinin ona yəni, X2 məxsus olması Azərbaycan Respublikası Əmlak Məsələləri Dövlət Komitəsinin Yanında Daşınmaz Əmlakın Dövlət Reyestri Xidməti tərəfindən təsdiq edilmiş çıxarışla təsdiq edilir. Məhkəmədən ədalətli qərar qəbul etməsini xahiş edir. İş materillarına əlavə edilmiş cinayət işinin başlanmasının rədd edilməsi haqqında 22 avqust 2022-ci il tarixli qərarın surətindən görünür ki, material üzrə cinayət işinin başlanması rədd edilmiş, Şəxsnın inzibati məsuliyyətə cəlb edilməsi üçün Azərbaycan Respublikası İnzibati Xətalar Məcəlləsinin 232-1-ci maddəsinə əsasən inzibati tədbirlərin görülməsi üçün toplanmış material Sabunçu RPİ 15-ci Polis Bölməsinə göndərilmişdir. Azərbaycan Respublikasının İnzibati Xətalar Məcəlləsinin 232-1-ci maddəsinə əsasən özgənin əmlakını qəsdən məhv etməyə və ya zədələməyə görə, bu az miqdarda ziyan vurduqda-inzibati xəta nəticəsində vurulmuş ziyanın bir mislindən iki mislinədək məbləğdə cərimə edilir. İşin araşdırılan halları ilə müəyyən olunur ki, Şəxs vətəndaş X2 məxsus Kürdəxanı qəsəbəsi, Ləhiş bağları, 26-cı dalan, 1986 saylı bağ evinin darvazasına 809 manat ziyan vurmaqla maddi ziyan vurmuşdur. İş materillarına əlavə edilmiş 22/00001 saylı, xx.xx.2022-ci il tarixli ekspert rəyindən və foto-şəkillərdən görünür ki, X1 əmlakına 809 manat məbləğində ziyan vurulmuşdur. Azərbaycan Respublikasının İnzibati Xətalar Məcəlləsinin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbul və icra edilməsi həmin vaxtda qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. Azərbaycan Respublikasının İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İnzibati Xətalar Məcəlləsinin 106-cı maddəsinə əsasən inzibati xəta haqqında işin baxılmağa hazırlanması mərhələsində hakim, inzibati xəta haqqında protokolun və işin digər materialların Azərbaycan Respublikasının İnzibati Xətalar Məcəlləsinin tələblərinə müvafiq olaraq tərtib edilməsi məsələsini həll edir. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İş üzrə məsuliyyəti yüngülləşdirən və ağırlaşdıran hal yoxdur. Azərbaycan Respublikasının İnzibati Xətalar Məcəlləsinin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə törədilmiş inzibati xətanın xarakterini, inzibati xətanı törətmiş şəxs Şəxs şəxsiyyətini xarakterizə edən halları nəzərə alaraq, onun cərimə növündə inzibati tənbeh edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 57, 106, 128, 129-130-cu maddələrini rəhbər tutaraq, qərara aldı: Şəxs Azərbaycan Respublikası İnzibati Xətalar Məcəlləsinin 232-1-ci maddəsində nəzərdə tutulmuş inzibati xətanı törətməkdə təqsirli bilinsin və inzibati xəta nəticəsində vurulmuş ziyanın bir misli, yəni 809 manat məbləğində cərimə edilsin. Qərarın surəti rəsmi qaydada təqdim edildiyi və ya alındığı gündən 10 (on) gün müddətində qərarı qəbul etmiş hakim vasitəsi ilə və ya birbaşa Bakı Apellyasiya Məhkəməsinə şikayət verilə bilər. Hakim Mirheydər Zeynalov