Bakı Şəhəri Sabunçu Rayon Məhkəməsi Qərardad — İş №3(008)-7173/2024

Azərbaycan Respublikası adından QƏRARDAD Bakı şəhəri İş № 3(008)-7173/2024 31.10.2024 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi Rzayev Anar Zahid oğlu, "xxxx" ASC-nin Azərbaycan Respublikasının Qida Təhlükəsizliyi Agentliyinin YPK/0520-24 saylı, xx.xx.2024-cü il tarixli qərarın ləğv olunmasına dair şikayətinə Bakı şəhəri Sabunçu Rayon Məhkəməsinin binasında nəzərdən keçirərək, MÜƏYYƏN ETDİ: "xxxx" ASC-nin Azərbaycan Respublikasının Qida Təhlükəsizliyi Agentliyinin YPK/0520-24 saylı, xx.xx.2024-cü il tarixli qərarın ləğv olunmasına dair məhkəməyə şikayətlə müraciət etmişdir. Azərbaycan Respublikası İnzibati Xətalar Məcəlləsinin 128.1-ci maddəsinin tələbinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin Bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 128.2.3-cü maddəsinin tələbinə əsasən səlahiyyətli orqanın (vəzifəli şəxsin) qərarından–yuxarı səlahiyyətli orqana (vəzifəli şəxsə) və ya məhkəməyə qərardan şikayət verə bilər. İş materiallarını araşdırarkən müəyyən edilmişdir ki, "xxxx" ASC-nin Azərbaycan Respublikasının Qida Təhlükəsizliyi Agentliyinin YPK/0520-24 saylı, xx.xx.2024-cü il tarixli qərarından Sabunçu Rayon Məhkəməsinə şikayət vermişdir. Lakin sözügedən qərardan iki eyni şikayəti vermiş, biri Sabunçu Rayon Məhkəməsinin xx.xx.2024-cü il tarixli, 3(008)-7088/2024 saylı Qərardadı ilə icraata götürüldüyü üçün digər şikayət geri qaytarılmalıdır. Məhkəmə hesab edir ki, iş icraata götürüldüyündən şikayət ərizəsi geri qaytarılmalıdır. Azərbaycan Respublikası İXM-nin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması zamanı qərardad qəbul edilir. Qeyd olunanlara əsasən və Azərbaycan Respublikası İXM-nin 109.1.6-cı maddəsini rəhbər tutub, QƏRARA ALDİM: "xxxx" ASC-nin Azərbaycan Respublikasının Qida Təhlükəsizliyi Agentliyinin YPK/0520-24 saylı, xx.xx.2024-cü il tarixli inzibati tənbeh vermə haqqında qərarın ləğv olunmasına dair şikayət "xxxx" ASC-yə geri qaytarılsın. Qərardaddan şikayət verilə bilməz. Sədrlik edən: Anar Rzayev