Bakı Şəhəri Sabunçu Rayon Məhkəməsi Qərar — İş №3(008)-730/2023

Azərbaycan Respublikası adından QƏRAR Bakı şəhəri İş № 3(008)-730/2023 13.02.2023 BAKI ŞƏHƏRİ SABUNÇU RAYON MƏHKƏMƏSİ Bakı şəhəri, Sabunçu Rayon Məhkəməsinin hakimi Rzayev Anar Zahid oğlunun sədrliyi, Məhkəmə iclasının katibi Əliyeva Gülnar Söhbət qızının katibliyi ilə, İnzibati xəta haqqında protokolu tərtib etmiş polis leytenantı X1, Barəsində inzibati xəta haqqında protokol tərtib edilmiş şəxs Şəxs, Zərərçəkmiş şəxs1 iştirakı ilə, xx.xx.1994-cü il tarixdə Tovuz rayonunda anadan olmuş, Azərbaycan Respublikasının vətəndaşı, Tovuz rayonu, Quşçu kəndində qeydiyyatda olan, Bakı şəhəri, Sabunçu rayonu, Maştağa qəsəbəsi, Çiləgər yeni yaşayış massivi, yeni tikilidə yaşayan Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə məsuliyyətə cəlb edilməsinə dair Bakı şəhəri Sabunçu Rayon Polis İdarəsindən daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Şəxs xx.xx.2022-ci il tarixdə, saat 19:00 radələrində “Chevrolet” markalı, ** BM *** dövlət qeydiyyat nişanlı avtomobillə Bakı şəhəri, Sabunçu rayonu, Kürdəxanı qəsəbəsi Kürdəxanı-Zabrat yolunda hərəkətdə olarkən düzgün ara məsafəsi saxlamayıb, qarşısındakı “Mercedes B” markalı ** GV *** dövlət qeydiyyat nişanlı avtomobilin arxa hissəsindən piyada zolağında vurub toqquşmuş, zərbədən “Mercedes B” markalı avtomobil irəli itələnərək piyada zolağında olan Zərərçəkmiş şəxs2 vurmuş, nəticədə Zərərçəkmiş şəxs2 yüngül bədən xəsarəti almışdır. Bununla da Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətmiş, barəsində Sabunçu RPİ-nin DYPŞnin YNH üzrə inspektoru polis leytenantı X3 tərəfindən AP ******* seriyalı, xx.xx.2023-cü il tarixli inzibati xəta haqqında protokol tərtib olunmuşdur. Məhkəmə iclasında Şəxs izahatında göstərmişdir ki, xx.xx.2022-ci il tarixdə, saat 19:00 radələrində “Chevrolet” markalı, ** BM *** dövlət qeydiyyat nişanlı avtomobillə Bakı şəhəri, Sabunçu rayonu, Kürdəxanı qəsəbəsi Kürdəxanı-Zabrat yolunda hərəkətdə olarkən düzgün ara məsafəsi saxlamayıb, qarşısındakı “Mercedes B” markalı ** GV *** dövlət qeydiyyat nişanlı avtomobilin arxa hissəsindən piyada zolağında vurub toqquşmuş, zərbədən “Mercedes B” markalı avtomobil irəli itələnərək piyada zolağında olan Zərərçəkmiş şəxs2 vurmuş, nəticədə Zərərçəkmiş şəxs2 yüngül bədən xəsarəti almışdır. Törətdiyi əməldən səmimi peşmandır. Hadisədən sonra Zərərçəkmiş şəxs2 ilə əlaqə saxlayaraq səhhəti ilə maraqlanmışdır. Məhkəmədən ona yüngül cəza verilməsini xahiş edir. Məhkəmə iclasında zərərçəkmiş Zərərçəkmiş şəxs1 izahatında göstərmişdir ki, xx.xx.2022-ci il tarixdə, saat 19:00 radələrində Bakı şəhəri, Sabunçu rayonu, Kürdəxanı qəsəbəsi Kürdəxanı-Zabrat yolunda piyada zolağında dayandığı zaman arxadan hərəkət edən“Chevrolet” markalı, ** BM *** dövlət qeydiyyat nişanlı avtomobil onun avtomobili ilə toqquşmuş, nəticədə avtomobil irəli itələnərək piyada zolağında olan Zərərçəkmiş şəxs2 vurmuşdur. Lakin avtomobilin qabaq hissəsində heç bir xəsarət olmamışdır. Hadisədən sonra Zərərçəkmiş şəxs2 ilə əlaqə saxlayaraq səhhəti ilə maraqlanmışdır. Məhkəmədən ədalətli qərar qəbul edilməsini xahiş edir. İnzibati protokolu tərtib etmiş Sabunçu DYPŞ YNH üzrə inspektor polis leytenantı X3 izahatında göstərmişdir ki, xx.xx.2022-ci il tarixdə, saat 19:00 radələrində “Chevrolet” markalı, ** BM *** dövlət qeydiyyat nişanlı avtomobillə Bakı şəhəri, Sabunçu rayonu, Kürdəxanı qəsəbəsi Kürdəxanı-Zabrat yolunda hərəkətdə olarkən düzgün ara məsafəsi saxlamayıb, qarşısındakı “Mercedes B” markalı ** GV *** dövlət qeydiyyat nişanlı avtomobilin arxa hissəsindən piyada zolağında vurub toqquşmuş, zərbədən “Mercedes B” markalı avtomobil irəli itələnərək piyada zolağında olan Zərərçəkmiş şəxs2 vurmuş, nəticədə Zərərçəkmiş şəxs2 yüngül bədən xəsarəti almışdır. Tərtib etdiyi inzibati xəta haqqında protokolu müdafiə edir. Zərərçəkmiş şəxs2 rəsmi qaydada məhkəmə iclasının yeri və vaxtı barədə xəbər verilməsinə baxmayaraq zərərçəkmiş şəxs məhkəmə iclasına gəlməmiş, eləcə də inzibati işə baxılmasının təxirə salınması barədə məhkəməyə vəsatət göndərilməmişdir. Məhkəmə Azərbaycan Respublikasının İnzibati Xətalar Məcəlləsinin 62.4 və 64.3cü maddəsinə əsasən zərərçəkmiş şəxsin iştirakı olmadan işə baxılmasını mümkün saymışdır. İş materiallarına əlavə edilmiş cinayət işinin başlanmasının rədd edilməsi haqqında xx.xx.2023-cü il tarixli qərarın surətindən görünür ki, material üzrə cinayət işinin başlanması rədd edilmiş, sürücü Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsinə əsasən inzibati tədbirlərin görülməsi üçün toplanmış material Sabunçu RPİ-nin DYPŞ-yə göndərilmişdir. Bundan başqa iş materiallarına əlavə edilmiş Azərbaycan Respublikası Səhiyyə Nazirliyinin “Məhkəmə-Tibbi Ekspertiza və X2” X4 2978 nömrəli Ekspert rəyindən görünür ki, Zərərçəkmiş şəxs2 sağ-təpə ənsə, sol ağrı və sol bud nahiyələrini dərialtı hematomaları müəyyən edildi. Xəsarətlər bərk küt əşyanın təsirindən törənmişdir, yol-nəqliyyat hadisəsi nəticəsində əmələ gələ bilər, müddəti qərarın təsviri hi göstərilən xx.xx.2022-ci il tarixə uyğun gəlir və dərəcəsinə görə ayrı-ayrılıqda və ümumilikdə sağlamlığın qısa müddətdə pozulmasına səbəb olan sağlamlığa YÜNGÜL zərərvurmaya aiddir. Azərbaycan Respublikasının İnzibati Xətalar Məcəlləsinin 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə-iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Azərbaycan Respublikasının İnzibati Xətalar Məcəlləsinin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbul və icra edilməsi həmin vaxtda qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. Azərbaycan Respublikasının İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İnzibati Xətalar Məcəlləsinin 106-cı maddəsinə əsasən inzibati xəta haqqında işin baxılmağa hazırlanması mərhələsində hakim, inzibati xəta haqqında protokolun və işin digər materialların Azərbaycan Respublikasının İnzibati Xətalar Məcəlləsinin tələblərinə müvafiq olaraq tərtib edilməsi məsələsini həll edir. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikasının İnzibati Xətalar Məcəlləsinin 32-ci maddəsinə Şəxs əməlini səmimi etiraf etməsini, himayəsində iki azyaşlı övladının olmasını məsuliyyəti yüngülləşdirən hal hesab edir. İş üzrə məsuliyyəti ağırlaşdıran hal yoxdur. Azərbaycan Respublikasının İnzibati Xətalar Məcəlləsinin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasının İnzibati Xətalar Məcəlləsinin 25.1-ci maddəsinə əsasən inzibati cərimə bu Məcəllədə nəzərdə tutulmuş hallarda hakim, səlahiyyətli orqan (vəzifəli şəxs) tərəfindən təyin edilən və təqsirkar şəxsdən dövlətin xeyrinə tutulan pul məbləğidir. Məhkəmə törədilmiş inzibati xətanın xarakterini, inzibati xətanı törətmiş şəxs Şəxs şəxsiyyətini xarakterizə edən halları nəzərə alaraq, ona cərimə növündə inzibati tənbeh tədbirinin tətbiq edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 57, 106, 128, 129-130-cu maddələrini rəhbər tutaraq, q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinsin və 200 (iki yüz) manat məbləğdə cərimə edilsin. Qərarın surəti rəsmi qaydada verildiyi gündən 10 (on) gün müddətində Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Anar Rzayev