Bakı Şəhəri Səbail Rayon Məhkəməsi Qərar — İş №3(009)-1035/2022

Azərbaycan Respublikası adından QƏRAR Bakı şəhəri İş № 3(009)-1035/2022 21.06.2022 BAKI ŞƏHƏRİ SƏBAİL RAYON MƏHKƏMƏSİ Hakim Səmədova Günel Kamil qızının sədrliyi, Nəsibov Pərviz Novruz oğlunun katibliyi, Səbail rayon icra şöbəsinin icra məmuru X4, Barəsində inzibati xəta haqqında iş üzrə icraat aparılan şəxs Şəxs, Tələbkar "xxxx" MMC-nin nümayəndəsi X2, Tələbkar "xxxx" MMC-nin qanuni təmsilçi X3 iştirakları ilə, Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair tərtib edilmiş inzibati xəta haqqında protokol üzrə materiala baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair Səbail rayon İcra şöbəsi tərəfindən tərtib olunmuş 21 iyun 2022-ci il tarixli MN ******* saylı inzibati xəta haqqında protokol Səbail Rayon Məhkəməsinə daxil olmuşdur. İnzibati xəta haqqında protokoldan görünür ki, Şəxs Səbail Rayon Məhkəməsinin 2(009)- 1426/2019 saylı, xx.xx.2019-cu il tarixli icra sənədini üzrsüz səbəbdən icra etməmişdir. Nəticədə Şəxs tərəfindən Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta törədilmişdir. Məhkəmə iclasında iştirak edən Səbail rayon icra şöbəsinin icra məmuru X9 inzibati xəta haqqında protokolu müdafiə edərək bildirmişdir ki, Bakı Şəhəri Səbail Rayon Məhkəməsinin 2(009)- 1426/2019 nömrəli, 05.2019-cu il tarixli icra sənədinə əsasən 15337.29 (on beş min üç yüz otuz yeddi manat iyirmi qquz qəpik) manat əsas borc, 3027.30 (üç min iyirmi yeddi manat yetmiş manat otuz qəpik) mat faiz borcu və 500 (beş yüz) manat dəbbə pulu, cəmi 18864,59 (on səkkiz min səkkiz yüz mış dörd manat, əlli doqquz qəpik) manat borc və ödənilmiş 30 (otuz) manat'məbləğində dövlət rüsumunun 20 (iyirmi) manat hissəsi cavabdeh Şəxs tutularaq iddiaçı V.İ.P. Leasinq" MMCyə ödənilməlidir. Dövlət rüsumunun 10 (on) manat hissəsi iddiaçıya aid edilməlidir. Lizinq Predmeti olan **-PR-*** dövlət qeydiyyat nişanlı, boz metallik rəngli, 2008-ci il ıraxılışlı, Mercedes Benz E 350 minik markalı avtomobil cavabdeh Şəxs alınaraq iddiaçı "xxxx" MMC-yə qaytarılmalıdır. İcra sənədi xx.xx.2019-cu il tarixdə şöbənin icraatına daxil olmuş, həmin tarixdə icraata aşlamaq haqqında qərar qəbul olunaraq, icra olunması üçün borcluya, məlumat üçün məhkəməyə və tələbkara göndərilmişdir. Borclu icra sənədinin icrasını təmin etməmiş və icra sənədinin icrasından yayınmışdır. İcra sənədində qeyd olunan borclu Şəxs məxsus avtomobilə xx.xx.2019-cu il tarixli borclunun əmlakının axtarılması haqqında qərar qəbul olunaraq icra lunması üçün BDYPİ-nə göndərilmişdir. Bundan sonra borclunun qeydiyyatda olduğu ünvanına gedilmiş, onu tapmaq mümkün olmamış və bu barədə xx.xx.2021 -ci i! tarixli akt tərtib olunmuşdur. İcra sənədinin icrası ilə bağlı xx.xx.2021-ci il tarixli borclunun axtarışı aqqında qərar qəbul olunaraq, icra olunması üçün Səbail Rayon Polis İdarəsinə göndərilmiş və borclu Şəxs barəsində axtarış işi açılmışdır. Daha sonra borclu xx.xx.2022-ci il tarixdə Səbail Rayon Polis İdarəsinin əməkdaşları tərəfindən saxlanılaraq, şöbəyə təhvil verilmişdir. Həmin tarixdə borcun ödənilməsi ilə bağlı borclu Şəxs izahat alınmış, verdiyi izahatında borc məbləğindən hal-hazırda ödəməyə maddi durumunun imkan vermədiyini qeyd etmişdir. Beləliklə də, borclu Şəxs icra sənədi üzrə təyin olunmuş borc məbləğini ödəməkdən yayınmışdır. Göstərilənlərə əsasən Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahatında bildirmişdir ki, Səbail Rayon Məhkəməsinin 2(009)-1426/2019 saylı, xx.xx.2019-cu il tarixli qətnaməsindən gec xəbər tutmuş, qətnamənin icrası ilə bağlı icra məmuru bir dəfə - 2019cu ildə onunla əlaqə saxlamışdır. Hazırda maddi vəziyyəti borcu ödəməyə imkan vermir, lakin borcun ödənilməsindən imtina etmir. Göstərilənləri nəzərə alaraq iş üzrə ədalətli qərar qəbul edilməsini məhkəmədən xahiş etmişdir. Məhkəmə iclasında iştirak edən tələbkarın nümayəndəsi X5 bildirmişdir ki, borclu tərəfindən icra sənədi üzrə heç bir ödəniş edilməmişdir, ona görə də Səbail Rayon Məhkəməsinin 2(009)- 1426/2019 saylı, xx.xx.2019-cu il tarixli icra sənədinin icra edilməsini tələb edirlər. Məhkəmə iclasında iştirak edən qanuni təmsilçi X1 Rayon Məhkəməsinin 2(009)-1426/2019 saylı, xx.xx.2019-cu il tarixli icra sənədinin icra edilməsini xahiş etmişdır. Məhkəmə proses iştirakçılarını dinləyib, inzibati xəta haqqında protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan əməli törətməsi tam sübuta yetirilir. İş materialları ilə müəyyən olunur ki, Səbail Rayon Məhkəməsinin 2(009)-1426/2019 saylı, xx.xx.2019-cu il tarixli icra sənədinə əsasən 15337.29 (on beş min üç yüz otuz yeddi manat iyirmi doqquz qəpik) manat əsas borc, 3027.30 (üç min iyirmi yeddi manat yetmiş manat otuz qəpik) manat faiz borcu və 500 (beş yüz) manat dəbbə pulu, cəmi 18864,59 (on səkkiz min səkkiz yüz altmış dörd manat, əlli doqquz qəpik) manat borc və ödənilmiş 30 (otuz) manat 'məbləğində dövlət rüsumunun 20 (iyirmi) manat hissəsi cavabdeh Şəxs tutularaq iddiaçı V.İ.P. Leasinq" MMC-yə ödənilməlidir. Lizinq Predmeti olan **-PR-*** dövlət qeydiyyat nişanlı, boz metallik rəngli, 2008-ci il ıraxılışlı, Mercedes Benz E 350 minik markalı avtomobil cavabdeh Şəxs alınaraq iddiaçı "xxxx" MMC-yə qaytarılmalıdır. Qeyd edilən icra sənədinin icrası ilə əlaqədar Səbail rayon İcra şöbəsi tərəfindən xx.xx.2019-cu il tarixdə icraata başlamaq haqqında qərar qəbul edilmiş, borclu Şəxs tələbin könüllü icrası barədə bildiriş göndərilməsinə, qanunvericilikdə nəzərdə tutulmuş məsuliyyət barədə xəbərdar edilməsinə baxmayaraq o, icra sənədini icra etməmiş və izahatında icra sənədini heç vaxt icra etməyəcəyini bildirmişdir. Məhkəmə hesab edir ki, borclu Şəxs yuxarıda qeyd edilən hərəkətləri məhkəmə qərarlarının icrası ilə əlaqədar icra məmurunun qanuni tələblərinin yerinə yetirilməməsi və icra məmuru tərəfindən müəyyən olunmuş müddətdə icra sənədlərinin üzrsüz səbəbdən icra edilməməsi kimi qiymətləndirilməlidir. «Ədalət mühakiməsinin həyata keçirilməsi zamanı «İnsan hüquqlarının və əsas azadlıqların müdafiəsi haqqında» Avropa Konvensiyası müddəalarının və İnsan Hüquqları üzrə Avropa Məhkəməsinin presedentlərinin tətbiqi haqqında» Azərbaycan Respublikası Ali Məhkəməsinin 30 mart 2006-cı il tarixli, 5 nömrəli qərarının 6-cı bəndinə əsasən mülki işlər üzrə məhkəmə baxışı müddəti iddia ərizəsinin məhkəməyə daxil olduğu vaxtdan başlayır və məhkəmə qərarının icrasının başa çatmasına kimi davam edir. «İcra haqqında» Azərbaycan Respublikası Qanununun 82.1-ci maddəsinə əsasən borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə Şəxs barəsində inzibati tənbeh tətbiq edərkən onun törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, onun əmlak vəziyyətini nəzərə alır. Məhkəmə Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasında nəzrədə tutulmuş cərimə növündə inzibati tənbeh tədbirinin tətbiq edilməsi məqsədəmüvafiqdir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 21, 43, 106-112, 114.1.1, 115.1, 115.5, 117, 128.2.1, 130.1 və 528.1-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinərək barəsində 500 (beş yüz) manat məbləğində inzibati cərimə növündə tənbeh tədbiri tətbiq edilsin. Qərardan, surəti təqdim edildiyi və ya alındığı vaxtdan 10 (on) gün muddətində Səbail Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim Günel Səmədova