Bakı Şəhəri Səbail Rayon Məhkəməsi Qərar — İş №3(009)-1187/2025

Azərbaycan Respublikası adından QƏRAR Bakı şəhəri İş № 3(009)-1187/2025 13.05.2025 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Tağıyev Azər Ramiz oğlunun sədrliyi, Cəfərov Səbuhi Mahir oğlunun katibliyi, barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs iştirakları ilə, Azərbaycan Respublikası Daxili İşlər Nazirliyi Səbail Rayon Polis İdarəsindən daxil olmuş barəsində inzibati xəta haqqında protokol tərtib edilmiş şəxs Şəxs inzibati məsuliyyətə cəlb edilməsinə dair materiala məhkəmə iclasında baxaraq, məhkəmə M Ü Ə Y Y Ə N E T D İ : Azərbaycan Respublikası Daxili İşlər Nazirliyi Səbail Rayon Polis İdarəsi tərəfindən Azərbaycan Respublikası İnzibati Xətalar Məcəlləsinin 327.8-ci maddəsinə əsasən X2 barəsində tərtib olunmuş inzibati material, baxılması üçün Səbail Rayon Məhkəməsinə göndərilmişdir. İş materiallarında olan 17 aprel 2025-ci il tarixdə tərtib edilmiş İXP seriyalı, ******* saylı inzibati xəta haqqında protokoldan görünür ki, xx xxxx 2003-cü il tarixdə ünvan 1 ünvanında yaşayan Şəxs tərəfindən X9 Xüsusi Təyinatlı markalı, 77PD344 dövlət qeydiyyat nişanlı avtomobillə törədilmiş yol nəqliyyat hadisəsi üzrə işi Şəxs əməlində Azərbaycan Respublikası İnzibati Xətalar Məcəlləsinin 327.8-ci maddəsinin tərkibi yaranmışdır. Məhkəmə iclasında iştirak edən barəsində inzibati xəta haqqında protokol tərtib edilmiş şəxs Şəxs əməlindən səmimi peşman olduğunu, barəsində yüngül inzibati tənbeh tətbiq edilməsini xahiş etdi. Məhkəmə iclasında iştirak edən Zərərçəkmiş şəxs izahatında bildirmişdir ki, onun barəsində inzibati xəta haqqında iş üzrə icraat aparılan şəxs Şəxs qarşı şikayət və tələbi yoxdur. Qanunla müəyyən olunmuş qaydada və müddətdə məhkəmə bildirişi göndərilməsinə baxmayaraq məhkəmə iclasına gəlmədiyi və səbəbini bildirmədiyi üçün Azərbaycan Respublikası İnzibati Xətalar Məcəlləsinin 112.1.4-cü maddəsinə əsaslanaraq inzibati xəta protokol tərtib etmiş orqan Azərbaycan Respublikası Daxili İşlər Nazirliyi Səbail Rayon Polis İdarəsinin X10 Şöbəsinin nümayəndəsinin iştirakı olmadan işə baxılması mümkün hesab edilmişdir. Beləliklə, aparılmış araşdırma nəticəsində müəyyən edilmişdir ki, sürücü Şəxs 15 mart 2025-ci il tarixdə saat 04 radələrində xidmətdə olan zaman yol vərəqi əsasında idarə etdiyi “Fiat-Doblo” markalı **-PD-*** dövlət qeydiyyat nişanlı avtomobillə Bakı şəhəri, Səbail rayonu, Y.Salyan Şossesi ilə üzü mərkəz istiqamətində dörd zolaqlı yolun ikinci hərəkət zolağı ilə saatda təxminən 30 km/saat sürətlə hərəkət edərkən xidmətə dair müəyyən edilmiş ərazini bitirib geriyə dönmə əməliyyatı etmək üçün birinci hərəkət zolağına yerdəyişmə edən zaman ani anda arxadan, yəni birinci hərəkət zolağı ilə saaatda 50/60 km sürətlə hərəkətdə olan sonradan bildiyi “Toyota Prius” markalı **-UU-*** dövlət qeydiyyat nişanlı avtomobil onun idarə etdiyi avtomaşının ön sol hissəsinə dəyərək toqquşmuşdur. Azərbaycan Respublikası Səhiyyə Nazirliyi “Məhkəmə Tibbi Ekspertiza və X5” Səbail rayon şöbəsinin xx.xx.2025-ci il tarixli 100 saylı rəyindən göründüyü kimi, “Toyota Prius” markalı **-UU-*** dövlət qeydiyyat nömrə nişanlı avtomaşının sürücüsü Zərərçəkmiş şəxs bədəni üzərində müəyyən edilmiş xəsarətlər-sağ gicgah nahiyəsinin sıyrığı və alın nahiyəsinin şişkinlik fonunda qançırı bərk küt əşyanın(əşyaların) təsirindən törənmişdir və ümumilikdə sağlamləğa zərər vurmayan xəsarətlər oldqları üçün dərəcələri təyin edilmir. Azərbaycan Respublikası Səhiyyə Nazirliyi “Məhkəmə Tibbi Ekspertiza və X5” Səbail rayon şöbəsinin xx.xx.2025-ci il tarixli 101 saylı rəyindən göründüyü kimi, “Toyota Prius” markalı **-UU-*** dövlət qeydiyyat nömrə nişanlı avtomaşında sərnişin qismində olan X3 bədəni üzərində hər hansı bir xəsarət aşkar edilmədi. Azərbaycan Respublikası Səhiyyə Nazirliyi “Məhkəmə Tibbi Ekspertiza və X5” Səbail rayon şöbəsinin xx.xx.2025-ci il tarixli 102 saylı rəyindən göründüyü kimi, “Toyota Prius” markalı **-UU-*** dövlət qeydiyyat nömrə nişanlı avtomaşında sərnişin qismində olan X4 bədəni üzərində müəyyən edilmiş xəsarətlər-alın nahiyəsini mərkəzi cərrahi tikişli əzilmiş yarası bərk küt əşyanın(alətin) təsirindən törənmişdir və dərəcəsinə görə sağlamlığın qısa müddətdə pozulmasına səbəb olan sağlamlığa YÜNGÜL zərərvumaya aiddir. Azərbaycan Respublikasının İnzibati Xətalar Məcəlləsinin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikasının İnzibati Xətalar Məcəlləsinin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasının İnzibati Xətalar Məcəlləsinin 327.8-ci maddəsinə əsasən, bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərərçəkmiş şəxsin sağlamlığına yüngül bədən xəsarətinin yetirilməsinə görə üç yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İnzibati Xətalar Məcəlləsinin 32.1.1, 32.1.7 və 32.2-ci maddələrinə uyğun olaraq Şəxs səmimi peşmançılığı və zərərçəkmiş şəxsin şikayətçi olması onun məsuliyyətini yüngülləşdirən halllar kimi nəzərə alınmalıdır. İş üzrə X1 məsuliyyətini ağırlaşdıran hallar müəyyən olunmamışdır. Göstərilənlərə əsasən məhkəmə hesab edir ki, Şəxs hərəkətlərində İnzibati Xətalar Məcəlləsinin 327.8-ci maddəsinin tərkibi var və 300 (üç yüz) manat məbləğində cərimə edilməlidir. Qeyd olunan əsasən və Azərbaycan Respublikası İnzibatı Xətalar Məcəlləsinin 40, 43, 48-51, 116, 117, 101-130-cu maddələrini rəhbər tutaraq, məhkəmə Q Ə R A R A A L D İ : Şəxs Azərbaycan Respublikası İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməkdə təqsirli bilinsin və 300 (üç yüz) manat məbləğində cərimə edilsin. Qərardan 10 (on) gün müddətində Səbail Rayon Məhkəməsi vasitəsi ilə Bakı Apellyasiya Məhkəməsinə şikayət və ya protest verilə bilər. HAKİM: AZƏR TAĞİYEV