Bakı Şəhəri Səbail Rayon Məhkəməsi Qərardad — İş №3(009)-1288/2020

Azərbaycan Respublikası adından QƏRARDAD Bakı şəhəri İş № 3(009)-1288/2020 06.07.2020 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Tağıyev Azər Ramiz oğlunun sədrliyi, X1 qızının katibliyi ilə, “xxxx” MMC-nin qanuni təmsilçisi Fazil Ələkbərov tərəfindən Bakı Baş Gömrük İdarəsinin xx xxxx 2020-ci il tarixli, 00100/1115 saylı qərarından verilmiş şikayətə və ona əlavə edilmiş sənədlərə baxılmağa hazırlanması zamanı baxaraq, məhkəmə MÜƏYYƏN ETDİ: “xxxx” MMC-nin qanuni təmsilçisi Fazil Ələkbərov şikayət ərizəsi ilə məhkəməyə müraciət edərək, Bakı Baş Gömrük İdarəsinin xx xxxx 2020-ci il tarixli, 00100/1115 saylı qərarının dəyişdirilməsini və iş üzrə icraata xitam verilməsini məhkəmədən xahiş etmişdir. “AZEMİS” Elektron Məhkəmə İnformasiya Sistemindən götürülmüş çıxarışa əsasən “xxxx” MMC-nin hüquqi ünvanı Lənkəran rayonu, Xarxatan-dır. Azərbaycan Respublikası İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Məhkəmə qeyd edir ki, Azərbaycan Respublikası Konstitusiyasının 62-ci maddəsinə əsasən hər kəsin onun işinə qanunla müəyyən edilmiş məhkəmədə baxılması hüququ vardır. Şəxsin razılığı olmadan onun işinə başqa məhkəmədə baxılmasına yol verilmir. İnzibati Xətalar Məcəlləsinin 132.1.1-ci və 132.2-ci maddələrinə görə hakim inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı inzibati xəta haqqında işin həmin hakimə aid olub-olmaması məsələsini həll edir, şikayətə və ya protestə baxılma hakimin səlahiyyətinə aid olmadıqda, şikayət və ya protest bütün materiallarla birlikdə aidiyyəti üzrə göndərilir. Qeyd olunanlarla əlaqədar hesab edirəm ki, hazırkı şikayət ona əlavə edilmiş sənədlərdlə birlikdə aidiyyəti üzrə Lənkəran Rayon Məhkəməsinə göndərilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 129.1.3-cü, 132.1.1-ci və 132.2-ci maddələrini rəhbər tutaraq QƏRARA ALDİ: “xxxx” MMC-nin qanuni təmsilçisi Fazil Ələkbərov tərəfindən Bakı Baş Gömrük İdarəsinin xx xxxx 2020-ci il tarixli, 00100/1115 saylı qərarından verdiyi şikayət və ona əlavə edilmiş sənədlər aidiyyəti üzrə Bakı şəhəri Lənkəran Rayon Məhkəməsinə göndərilsin. HAKİM: AZƏR TAĞİYEV