Bakı Şəhəri Səbail Rayon Məhkəməsi Qərardad — İş №3(009)-1474/2020

Azərbaycan Respublikası adından QƏRARDAD Bakı şəhəri İş № 3(009)-1474/2020 05.08.2020 BAKI ŞƏHƏRİ SƏBAİL RAYON MƏHKƏMƏSİ Səbail Rayon Məhkəməsinin hakimi Bağırova Mədinə Ağacavad qızı Şəxs barəsində Azərbaycan Respublikası İnzibati Xətalar Məcəlləsinin 334.1-ci maddəsi üzrə tərtib olunmuş inzibati xəta haqqında protokolu və ona əlavə edilmiş sənədləri məhkəmə iclasında baxılmağa hazırlayarkən MÜƏYYƏN ETDİM: Bakı şəhər Baş Polis İdarəsi Dövlət X5 Müşayiət-Eskort bölüyü YPX baş inspektor polis baş leytenantı X1 tərəfindən Şəxs barəsində İXM-in 334.1-ci maddəsində nəzərdə tutulmuş inzibati xətanın törətməsinə dair protokol tərtib edilərək baxılması üçün məhkəməyə göndərilmişdir. İşin baxılmağa hazırlanması zamanı müəyyən edilmişdir ki, inzibati xəta haqqında protokol qanunvericiliyin tələblərinə uyğun olmadığından protokol və digər sənədlər geri qaytarılmalıdır. Belə ki, İXP ******* nömrəli xx.xx.2020-ci il tarixli inzibati xəta haqqında protokola əsasən, Şəxs xx.xx.2020-ci il tarixdə, saat 08:25 radələrində “X7” markalı, ** RG *** dövlət qeydiyyat nişanlı avtomobili nəqliyyat vasitəsini idarə etmək hüququ olmadan sərxoş vəziyyətdə idarə etmişdir. Lakin inzibati xəta haqqında protokola Şəxs nəqliyyat vasitəsini idarə etmək hüququnun olmamasına dair hər hansı sübut əlavə edilməmişdir. Digər tərəfdən, materiala əlavə edilmiş Bakı şəhər Dövlət X5 polis mayoru X2 İnzibati xəta haqqında işin aidiyyəti üzrə göndərilməsi barədə GP ******* nömrəli xx.xx.2020-ci il tarixli qərardaddan görünür ki, Şəxs barəsində tərtib olunmuş İXP ******* nömrəli inzibati xəta haqqında protokol və digər materiallar baxılması üçün aidiyyəti üzrə Nizami rayon Məhkəməsinə göndərilir. Azərbaycan Respublikası İXM-in 109.1 və 109.1.6-cı maddələrinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Belə olan halda hesab edirəm ki, inzibati xəta haqqında protokolda olan natamamlığın işə baxılması zamanı aradan qaldırılması mümkün olmadığından, yəni təqdim edilmiş materiallar natamam olduğundan inzibati xəta haqqında protokol və ona əlavə edilmiş sənədlər onu tərtib etmiş orqana geri qaytarılmalıdır. Qeyd olunanlara əsasən və İXM-in 109-cu maddəsini rəhbər tutaraq QƏRARA ALDİM: Şəxs barəsində Azərbaycan Respublikası İnzibati Xətalar Məcəlləsinin 334.1-ci maddəsi üzrə tərtib olunmuş inzibati xəta haqqında protokolu və ona əlavə edilmiş sənədlər Bakı Şəhər Baş Polis İdarəsinin Dövlət X6 geri qaytarılsın. Qərardaddan şikayət verilə bilməz. Hakim Mədinə Bağırova