Bakı Şəhəri Səbail Rayon Məhkəməsi Qərar — İş №3(009)-1577/2024

Azərbaycan Respublikası adından QƏRAR Bakı şəhəri İş № 3(009)-1577/2024 08.07.2024 BAKI ŞƏHƏRİ SƏBAİL RAYON MƏHKƏMƏSİ Hakim Şükürova Ülviyyə Sahib qızının sədrliyi, Şirməmmədova Günel Lətif qızının katibliyi, İnzibati xəta haqqında protokolu tərtib etmiş şəxs Bakı şəhər Səbail Rayon Polis idarəsinin 9-cu Polis Bölməsinin sahə inspektoru X3, Zərərçəkmiş şəxs X5 , Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxx 2000-ci ildə Rusiya Federasiyasının Novosibirsk şəhərində anadan olmuş, Azərbaycan Respublikasının vətəndaşı, ali təhsilli, evli, “Merlin Monro” gözəllik salonunun müdiri, Goranboy rayonu, Xan Qərvənd kəndində qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair Bakı şəhər Səbail Rayon Polis idarəsinin 9-cu Polis Bölməsi tərəfindən tərtib edilmiş inzibati xəta haqqında protokol üzrə işə açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 157-ci maddəsi ilə təqsirləndirilməsinə dair Bakı şəhər Səbail Rayon Polis idarəsinin 9-cu Polis Bölməsi tərəfindən tərtib edilmiş 08 iyul 2024-cü il tarixli, MN seriyalı, ******* nömrəli inzibati xəta haqqında protokol və ona əlavə edilmiş sənədlər baxılması üçün aidiyyəti üzrə Səbail Rayon Məhkəməsinə göndərilmişdir. Məhkəmə iclasında iştirak edən inzibati xəta haqqında protokol tərtib etmiş Bakı şəhər Səbail Rayon Polis idarəsinin 9-cu Polis Bölməsinin sahə inspektoru X8 tərtib etdiyi inzibati xəta haqqında protokolu müdafiə edərək bildirmişdir ki, 25 aprel 2024-cü il tarixdə X9 Bakı şəhər Səbail Rayon Polis idarəsinin 9-cu Polis Bölməsinə ərizə ilə müraciət edərək işlədiyi Səbail rayonu, B.Sərdarov küçəsində yerləşən “Merlin Monro” gözəllik salonunun müdiri Şəxs tərəfindən döyüldüyünü bildirmişdir. Belə ki, əvvəlcə Şəxs onu mətbəxə çağırmışdır. Həmin vaxt aralarında mübahisə yaranmış, mübahisə zamanı Şəxs zərərçəkmiş şəxs X1 yolmuş, qolundan tutaraq sıxmış və təpikləmişdir. X9 ekspertizadan keçirilmiş və xəsarətlərlə bağlı müvafiq rəy alınmışdır. Göstərilən xüsusatların əsasında Bakı şəhər Səbail Rayon Polis idarəsinin 9-cu Polis Bölməsində təhqiqat araşdırması aparılmış və məlum olmuşdur ki, Şəxs əməlində Azərbaycan Respublikasının İnzibati Xətalar Məcəlləsinin 157-ci maddəsinin tərkibi vardır. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında göstərmişdir ki, X6 vurmamışdır. Belə ki, o, “Merlin Monro” gözəllik salonunun müdiridir. Hamilə olduğu üçün həmin vaxtlar işə teztez gedə bilmədiyindən salonun işlərini orada administrator kimi işləyən X7 tapşırmışdır. Lakin Zemfiranın salona məxsus olan pullardan yeyinti etdiyini öyrənmiş və bu səbəbdən onu işdən çıxarmaq istəmişdir. Daha sonra xx.xx.2024-cü il tarixdə X2 mətbəxinə çağırmış, orada müştəridən 70 (yetmiş) manat aldığını, lakin 40 (qırx) manat qeyd etdiyini bildirmiş və onu işdən çıxaracağını demişdir. Lakin hamilə olduğu üçün X9 ilə heç bir mübahisə etməmişdir. Məhkəmə iclasında iştirak edən zərərçəkmiş şəxs X9 izahatında bildirmişdir ki, Şəxs aralarında yaranan mübahisə zamanı Səbail rayonu, B.Sərdarov küçəsində yerləşən “Merlin Monro” gözəllik salonunun mətbəxində onu təhqir etmiş, nalayiq ifadələr işlətmiş, habelə saçını yolmaq istəmiş, təpikləmiş, qolundan tutaraq sıxmış və xəsarət yetirmişdir. Məhkəmə proses iştirakçılarının izahatlarını dinləyərək və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsi tam sübuta yetirilir. Belə ki, iş materiallarında olan 08 iyul 2024-cü il tarixli, MN seriyalı, ******* saylı inzbati xəta haqqında protokoldan görünür ki, Şəxs xx.xx.2024-cü il tarixdə Səbail rayonu, B.Sərdarov küçəsində yerləşən “Merlin Monro” gözəllik salonunda tanışı X6 döyərək xəsarət yetirmişdir. 24 may 2024-cü il tarixli cinayət işinin başlanmasının rədd edilməsi barədə qərarla material üzrə cinayət işinini başlanılması rədd edilmiş, X4 gələcəkdə yeri müəyyən edildikdə Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xəta tədbirinin görülməsi məqsədilə qərarın surəti polis bölməsinin aidiyyəti əməkdaşına həvalə olunmuşdur. İş materiallarında olan Şəxs xx.xx.2024-cü il tarixli izahatından görünür ki, xx.xx.2024cü il tarixdə işlədiyi “Merlin Monro” gözəllik salonunda işçisi olan Zemfiranı müəyyən səbəblərə görə işdən ayrılmasını tələb etmişdir. O da bunu qəbul etməyib işdən çıxmayacağını bildirmiş, bəhanə gətirərək mübahisə başlatmışdır. Mətbəxdə mübahisə edən zaman o, əsəbi şəkildə əşyalarını yığmağa getmiş və salonda səs-küy salmağa başlamışdır. Saçını yolmamış, təpik atmamış, fiziki güc tətbiq etməmişdir. Azərbaycan Respublikasının İnzibati Xətalar Məcəlləsinin 157-ci maddəsinə görə döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Beləliklə, məhkəmə iclasında toplanmış və tədqiq edilmiş obyektiv sübutların məcmusu, protokol tərtib etmiş səlahiyyətli vəzifəli şəxsin və zərərçəkmiş şəxsin izahatları, inzibati xəta haqqında protokol və digər iş materialları ilə Şəxs zərərçəkmiş şəxs X6 döyərək qəsdən ona fiziki ağrı xəsarətlər yetirməsi sübuta yetirildi. Onun əməli məhkəmə tərəfindən Azərbaycan Respublikasının İnzibati Xətalar Məcəlləsinin 157-ci maddəsi ilə tövsif edilməli və həmin maddənin sanksiyası həddində onun barəsində inzibati tənbeh tədbiri tətbiq edilməlidir. Qeyd edilən əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Məhkəmə barəsində inzibati xəta haqqında iş üzrə icaat aparılan şəxsə inzibati tənbeh tətbiq edərkən Azərbaycan Respublikasının İnzibati Xətalar Məcəlləsinin aşağıdakı prinsip və müddəalarını rəhbər tutur. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9-cu maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Məhkəmə Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs əməli törədərkən hamilə olmasını və himayəsində azyaşlı uşağının olmasını məsuliyyətini yüngülləşdirən hallar kimi nəzərə alır. Həmin Məcəllənin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Qeyd olunanları nəzərə almaqla, məhkəmə barəsində inzibati xəta haqqında iş üzrə icraat aparılan şəxsə inzibati tənbeh tətbiq etmə məsələsini müzakirə edib, törədilmiş xətanın xarakterini və hallarını, inzibati xəta törədən şəxsin şəxsiyyətini xarakretizə edən halları, onun təqsirinin dərəcəsini və tətbiq olunacaq inzibati tənbehin şəxsin islah olunmasına təsirini nəzərə alaraq, belə nəticəyə gəlir ki, inzibati tənbehin məqsədi Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulmuş cərimə növündə inzibati tənbeh tədbiri tətbiq olunduğu təqdirdə təmin edilə bilər və ona cərimə növündə inzibati tənbeh tədbiri tətbiq edilməsi qanuni və ədalətli olmaqla yanaşı, həm də inzibati tənbehin məqsədinə uyğundur. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 21, 43, 114.1.1, 115.1, 128.2.1, 130.1 və 157-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 157-ci maddəsi ilə təqsirli bilinsin və ona 300 (üç yüz) manat məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Səbail Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Ülviyyə Şükürova