Bakı Şəhəri Səbail Rayon Məhkəməsi Qərar — İş №3(009)-159/2025

Azərbaycan Respublikası adından QƏRAR Bakı şəhəri İş № 3(009)-159/2025 31.01.2025 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Tağıyev Azər Ramiz oğlunun sədrliyi, Cəfərov Səbuhi Mahir oğlunun katibliyi, barəsində inzibati xəta haqqında iş üzrə icraat aparılan şəxs Şəxs iştirakı ilə, Azərbaycan Respublikası Daxili İşlər Nazirliyi Səbail Rayon Polis İdarəsindən daxil olmuş barəsində inzibati xəta haqqında protokol tərtib edilmiş şəxs Şəxs inzibati məsuliyyətə cəlb edilməsinə dair materiala məhkəmə iclasında baxaraq, məhkəmə M Ü Ə Y Y Ə N E T D İ : Azərbaycan Respublikası Daxili İşlər Nazirliyi Səbail Rayon Polis İdarəsi tərəfindən Azərbaycan Respublikası İnzibati Xətalar Məcəlləsinin 327.8-ci maddəsinə əsasən Şəxs barəsində tərtib olunmuş inzibati material, baxılması üçün Səbail Rayon Məhkəməsinə göndərilmişdir. İş materiallarında olan 28 noyabr 2024-cü il tarixdə tərtib edilmiş İXP seriyalı, ******* saylı inzibati xəta haqqında protokoldan görünür ki, xx.xx.2001-ci il tarixdə ünvan 1 ünvanında yaşayan Şəxs tərəfindən X5 Minik markalı, **-TH-*** dövlət qeydiyyat nişanlı avtomobillə törədilmiş yol nəqliyyat hadisəsi üzrə iş üzrə Şəxs əməlində Azərbaycan Respublikası İnzibati Xətalar Məcəlləsinin 327.8-ci maddəsinin tərkibi yaranmışdır. Qanunla müəyyən olunmuş qaydada və müddətdə məhkəmə bildirişi göndərilməsinə baxmayaraq məhkəmə iclasına gəlmədiyi və səbəbini bildirmədiyi üçün Azərbaycan Respublikası İnzibati Xətalar Məcəlləsinin 112.1.4-cü maddəsinə əsaslanaraq inzibati xəta protokol tərtib etmiş orqanın nümayəndəsinin və zərərçəkmiş şəxsin iştirakları olmadan işə baxılması mümkün hesab edilmişdir. Məhkəmə iclasında iştirak edən barəsində inzibati xəta haqqında protokol tərtib edilmiş şəxs Şəxs əməlindən səmimi peşman olduğunu bildirərək, barəsində yüngül inzibati tənbeh tətbiq olunmasını xahiş etdi. Məhkəmə barəsində inzibati xəta haqqında protokol tərtib edilmiş şəxsi dinləyib və iş materiallarını araşdıraraq belə qənaətə gəlir ki, Şəxs əməlində inzibati xətanın tərkibi var və onun barəsində inzibati tənbeh tətbiq edilməlidir. Belə ki, aparılmış araşdırma zamanı müəyyən olunmuşdur ki, sürücü Şəxs 1 il əvvəl aldığı və etibarnamə əsasında sürdüyü “Fiat-Doblo” markalı, **-TH-*** dövlət qeydiyyat nişanlı avtomobillə o, deməsinə görə 28 noyabr 2024-cü il tarixdə təxminən saat 17 radələrində Bakı şəhəri, Səbail rayonu, Neftçilər prospekti ilə üzü “Qız-Qalası” istiqamətində üç zolaqlı yolun birinci hərəkət zolağı ilə saatda təxminən 50/60 km sürətlə hərəkətdə olarkən, həmin vaxt hava şəraiti yağışlı olduğundan ani anda idarə etməni itirib qarşı yola çıxaraq qarşı tərəfdən hərəkətdə olan sonradan bildiyi “Toyota-Prius” markalı, **-DY-*** dövlət qeydiyyat nömrə nişanlı avtomaşını görüb hadisənin qarşısını almaq məqsədi ilə dərhal əyləci basmış, lakin buna baxmayaraq onun idarə etdiyi avtomaşın həmin avtomaşının ön hissəsinə dəyərək toqquşmuş və “Toyota-Prius” markalı avtomaşında olan sərnişinlər xəsarət almışlar. Məhkəmə tibbi ekspertizasının xx.xx.2024-cü il tarixli 117 saylı rəyindən görünür ki, “Toyota-Prius” markalı **-DY-*** dövlət qeydiyyat nömrə nişanlı avtomaşında sərnişin qismində olan X2 adma Sağlam Ailə MMC klinikasının tərtib etdiyi xx.xx.2024-cü il tarixli 2271/506 saylı arayışda qeyd olunanlardan görünür ki,o,xx.xx.2024-cü il tarixində həmin klinikaya müraciət etmiş,aparılmış müayinələrdən sonra ona «Sol orbitanın Supra-orbitalmargininin 2 hissədə konturların düzənliyi çatı» diaqnozu qoyularaq,müvafiq tibbi yardım göstrilmişdir.Qeyd olunan xəsarətlər bərk küt əşyanın (əşyaların) təsirindən törənmişlər, qərarın təsviri hissəsində göstərilən müddətdə və şəraitdə yəni xx.xx.2024-cü il tarixində baş vermiş yol-nəqliyyat hadisəsi nəticəsində əmələ gələ bilərdilər, dərəcəsinə görə sağlamlığın uzun müddətdə pozulmasına səbəb olan sağlamlığa Az-Ağır zərərvurmaya aiddirlər. Məhkəmə tibbi ekspertizasının xx.xx.2024-cü il tarixli 118 saylı rəyindən görünür ki, “Toyota-Prius” markalı **-DY-*** dövlət qeydiyyat nömrə nişanlı avtomaşında sərnişin qismində olan X1 adma Sağlam Ailə MMC klinikasının tərtib etdiyi xx.xx.2024-cü il tarixli 507 saylı arayışda qeyd olunanlardan görünür ki,o,xx.xx.2024- cü il tarixində həmin klinikaya müraciət etmiş,aparılmış müayinələrdən sonra ona “Sol baldır proksimal epifızinin natamam sınığı” iaqnozu qoyularaq,müvafiq tibbi yardım göstrilmişdir.Qeyd olunan xəsarətlər bərk küt əşyanın təsirindən törənmişdir, qərarın təsviri hissəsində göstərilən müddətdə və şəraitdə yəni xx.xx.2024-cü il tarixində baş vermiş yol- nəqliyyat hadisəsi nəticəsində əmələ gələ bilərdi, dərəcəsinə görə sağlamlığın uzun müddətdə pozulmasına səbəb olan sağlamlığa Az-Ağır zərərvurmaya aiddir. Məhkəmə tibbi ekspertizasının xx.xx.2024-cü il tarixli 119 saylı rəyindən görünür ki, “Toyota-Prius” markalı **-DY-*** dövlət qeydiyyat nömrə nişanlı avtomaşında sərnişin qismində olan Zərərçəkmiş şəxs adma KTM-nin tərtib etdiyi xx.xx.2024-cü il tarixli 18-1- 2/2-6073/2024 saylı məktubda qeyd olunanlardan görünür ki,o,xx.xx.2024-cü il tarixində həmin xəstəxanaya müraciət etmiş,aparılmış müayinələrdən sonra ona “Burun sümüyünün sınığı,qarın divarının əzilməsi,burunun açıq yarası,diz oynağının əzilməsi” diaqnozu qoyularaq,ambulator tibbi yardım göstrilmişdir.Qeyd olunan xəsarətlər bərk küt əşyanın (əyşyaların) təsirindən törənmişlər, qərarın təsviri hissəsində göstərilən müddətdə və şəraitdə yəni xx.xx.2024-cü il tarixində baş vermiş yol-nəqliyyat hadisəsi nəticəsində əmələ gələ bilərdilər, dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa Yüngül zərərvurmaya aiddirlər. Azərbaycan Respublikasının İnzibati Xətalar Məcəlləsinin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikasının İnzibati Xətalar Məcəlləsinin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasının İnzibati Xətalar Məcəlləsinin 327.8-ci maddəsinə əsasən, Bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə - üç yüz manat məbləğində cərimə edilir və ya nəqliyyat vasitəsini idarə etmək hüququ аltı аydаn bir ilədək müddətə məhdudlaşdırılır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İnzibati Xətalar Məcəlləsinin 32.1.1-ci maddəsinə uyğun olaraq Şəxs səmimi peşmançılığı onun məsuliyyətini yüngülləşdirən haldır. İş üzrə Şəxs məsuliyyətini ağırlaşdıran hallar müəyyən olunmamışdır. Göstərilənlərə əsasən məhkəmə hesab edir ki, Şəxs hərəkətlərində Azərbaycan Respublikası İnzibati Xətalar Məcəlləsinin 327.8-ci maddəsinin tərkibi var və 300 (üç yüz) manat məbləğində cərimə edilməlidir. Qeyd olunan əsasən və Azərbaycan Respublikası İnzibatı Xətalar Məcəlləsinin 40, 43, 48-51, 116, 117, 101-130-cu maddələrini rəhbər tutaraq, məhkəmə Q Ə R A R A A L D İ : Şəxs Azərbaycan Respublikası İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməkdə təqsirli bilinsin və 300 (üç yüz) manat məbləğində cərimə edilsin. Qərardan 10 (on) gün müddətində Səbail Rayon Məhkəməsi vasitəsi ilə Bakı Apellyasiya Məhkəməsinə şikayət və ya protest verilə bilər. HAKİM: AZƏR TAĞİYEV