Bakı Şəhəri Səbail Rayon Məhkəməsi Qərar — İş №3(009)-1663/2022

Azərbaycan Respublikası adından QƏRAR Bakı şəhəri İş № 3(009)-1663/2022 12.10.2022 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi Ağayeva Narqələm Bayram qızının katibliyi ilə xx.xx.1991-ci ildə Quba şəhərində anadan olmuş, Azərbaycan Respublikasının vətəndaşı, Bakı şəhəri, Yasamal rayonu, Mirəli Seyidov küçəsi, ev 33, mənzil 39-da qeydiyyatda olan Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xəta törətməsinə dair Səbail rayon Polis İdarəsindən daxil olmuş materiallara baxaraq... MÜƏYYƏN ETDİ: Səbail rayon Polis İdarəsinin 39-cu Polis Bölməsindən daxil olmuş MN № ******* nömrəli inzibati xəta haqqında protokola əsasən Şəxs xx.xx.2022-ci il tarixdə saat 01.00 radələrində “Mamajan” restoranın qarşısında PPXB-nin əməkdaşlarının qanuni tələblərinə tabe olmamış, polisin işinə müdaxilə etmiş, nalayiq ifadələr işlətdiyinə görə polis əməkdaşları tərəfindən saxlanılaraq bölməyə gətirilmiş, bölmədə və həkim müayinəsi zamanı həmin hərəkətləri davam etdirmişdir. Bununla da Şəxs AR İXM-nın 510 və 535.1-ci maddələrində nəzərdə tutulmuş inzibati xəta törətmişdir. Məhkəmə iclasında dindirilmiş inzibati xəta törətmiş şəxs Şəxs özünü inzibati xəta törətməkdə təqsirli bilməyərək göstərmişdir ki, o, polisin qanuni tələblərinə tabesizlik göstərməmiş, nalayiq ifadələr işlətməmişdir. Məhkəmə inzibati xəta törətmiş şəxsin izahatını və şahidin ifadəsini dinləyib, inzibati xəta haqqında toplanmış materialları araşdıraraq hesab edir ki, Şəxs əməlində AR İXMnın 510 və 535.1-ci maddələrinin tərkibi mövcuddur, onun özünün inzibati xəta törətməkdə təqsirli bilməməsi məsuliyyətdən yayınmaq və özünü müdafiə xarakteri daşıyır. Məhkəmə iclasında şahid qismində dindirilmiş Səbail rayon Polis İdarəsinin 39-cu Polis Bölməsinin sahə inspektoru X2 göstərmişdir ki, xx.xx.2022-ci il tarixdə saat 01:00 radələrində Səbail RPİ-nin PPXB-nin əməkdaşları tərəfindən bölməyə üç nəfər şəxs gətirilərkən, onlar bölmənin iş fəaliyyətini ciddi şəkildə pozmuş, polislərin qanuni tələblərinə tabe olmaqdan imtina etmiş, sərxoşluq dərəcəsinin müəyyən edilmə məqsədilə müayinəyə aparılarkən hər üç şəxs nalayiq ifadələr işlədərək təkrar polislərin qanuni tələblərinə riayət etməmiş, bu barədə müvafiq akt tərtib etmişlər. Şahid həmçinin göstərmişdir ki, məhz Şəxs digər iki şəxsə təsir göstərərək onları tabesizlik etməyə vadar etmişdir. Məhkəmə iclasında şahid qismində dindirilmiş Səbail rayon Polis İdarəsinin 39-cu Polis Bölməsinin əməliyyat müvəkkili X4 göstərmişdir ki, xx.xx.2022-ci il tarixdə saat 01:00 radələrində Səbail RPİ-nin PPXB-nin əməkdaşları tərəfindən bölməyə üç nəfər şəxs gətirilərkən, onlar bölmənin iş fəaliyyətini ciddi şəkildə pozmuş, polislərin qanuni tələblərinə tabe olmaqdan imtina etmiş, sərxoşluq dərəcəsinin müəyyən edilmə məqsədilə müayinəyə aparılarkən hər üç şəxs nalayiq ifadələr işlədərək təkrar polislərin qanuni tələblərinə riayət etməmiş, bu barədə müvafiq akt tərtib etmişlər. Məhkəmə iclasında şahid qismində dindirilmiş Səbail rayon Polis İdarəsinin 39-cu X6 RPİ-nin PPXB-nin polis nəfəri X1 göstərmişdir ki, xx.xx.2022-ci il tarixdə saat 01:00 radələrində Puşkin küçəsində yerləşən “Mamajan” restoranın qarşısında bir qrup şəxsin səs-küy salaraq nalayiq ifadə işlətmələrini görüb həmin əraziyə yaxınlaşmış, orada altı nəfər kişi və qadın olmaqla həmin şəxslərin bir-birinə qarşı nalayiq ifadələr işlətməsini görüb onları polis bölməsinə dəvət edərkən, həmin şəxslər onların qanuni tələblərinə tabe olmayaraq avtomaşına minməkdən imtina etmiş, digər patrul xidmətlərini köməyə çağırmışlar, 39-cu PB-yə gətirildikdən sonra həmin şəxslər bölmədə də, həmin hərəkətləri davam etdirmiş, nalayiq ifadələr işlətmişlər. Bu barədə müvafiq raport tərtib edərək imzalamışlar. Beləliklə tərtib edilmiş protokolla, raportla və şahid ifadəsi ilə Şəxs tərəfindən inzibati xətaları törətməsi faktı tam sübuta yetirilir. Şəxs barəsində tətbiq ediləcək inzibati tənbeh növünü müzakirə edərkən məhkəmə aşağıdakı qənaətə gəlir. AR İXM-nın 21-ci maddəsinə əsasən inzibati tənbeh məsuliyyət tətbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd edilən Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Beləliklə məhkəmə Şəxs əməlində AR İXM-nın 510 və 535.1-ci maddələrinin tərkibinin olmasını və inzibati xəta törədən şəxsin şəxsiyyətini nəzərə alaraq hesab edir ki, o, göstərilən inzibati xətaların törədilməsində təqsirli bilinməlidir. Lakin məhkəmə hesab edir ki, Şəxs eyni vaxtda törətdiyi xətalardan birinə görə inzibati məsuliyyətə cəlb edilməlidir. Belə ki, AR İXM-nın 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Məhkəmə qanunun bu tələblərini nəzərə alaraq qeyd edir ki, Şəxs eyni vaxtda iki inzibati xəta törətdiyinə görə onun barəsində törədilmiş daha ciddi inzibati xətaya görə tənbeh tətdiq edilməlidir. İnzibati Xətalar Məcəlləsinin 510-ci maddəsindən göründüyü kimi həmin maddənin saknsiyasında fiziki şəxslər əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. İnzibati Xətalar Məcəlləsinin 535.1-ci maddəsindən göründüyü kimi həmin maddənin saknsiyasında fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Beləliklə məhkəmə Şəxs əməlində AR İXM-nın 510 və 535.1-ci maddələrinin tərkibinin olmasını, yəni Şəxs polisin qanuni tələblərinə riayət etməyərək öz xidməti vəzifələrini yerinə yetirən polis əməkdaşının qanuni tələblərinə tabe olmamaqla, nalayiq ifadə işlədib xırda xuliqanlıq etməsini və inzibati xəta törədən şəxsin şəxsiyyətini nəzərə alaraq hesab edir ki, ona törətmiş olduğu inzibati xətaların daha ciddi olanı ilə, yəni AR İXM-nın 535.1-ci maddəsinin sanksiyası həddində inzibati həbs növündə tənbeh tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 31.4, 114-115-ci maddələrini rəhbər tutaraq məhkəmə… QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətaları törətməkdə təqsirli bilisin və AR İXM-nın 34.3-cü maddəsinə əsasən onun barəsində AR İXM-nın 535.1-ci maddəsində nəzərdə tutulmuş 8 (səkkiz) gün müddətində inzibati həbs növündə tənbeh tətbiq edilsin. Həbs etmənin əvvəli xx.xx.2022-ci il tarixdən saat 04:00-dan hesablansın. Qərardan 10 gün müddətində Bakı Apellyasiya Məhkəməsinə şikayət verilə bilər. Hakim: Şahin Abdullayev