Bakı Şəhəri Səbail Rayon Məhkəməsi Qərar — İş №3(009)-1900/2022

Azərbaycan Respublikası adından QƏRAR Bakı şəhəri İş № 3(009)-1900/2022 24.11.2022 BAKI ŞƏHƏRİ SƏBAİL RAYON MƏHKƏMƏSİ Hakimi Abdullayev Şahin Zülfüqar oğlunun sədrliyi Ağayeva Narqələm Bayram qızının katibliyi ilə xx.xx.1979-cu ildə Bakı şəhərində anadan olmuş, subay, işləməyən, Bakı şəhəri, Səbail rayonu, A.İsmayılov küçəsi, dalan 1, ev ö/t 22-də qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xəta törətməsinə dair Bakı şəhər Səbail rayon Polis İdarəsindən daxil olmuş materiallara baxaraq... MÜƏYYƏN ETDİ: Bakı şəhər Səbail rayon Polis İdarəsinin 8-ci Polis Bölməsi tərəfindən tərtib edilmiş xx.xx.2022ci il tarixli M№ ******* seriyalı inzibati xəta haqqında protokola əsasən Şəxs Səbail rayonu ərazisindən müxtəlif vətəndaşlara məxsus olan əmlaklarını və pullarını başqa-başqa vaxtlarda oğurlamışdır. Bununla da Şəxs AR İXM-nın 227-ci maddəsində nəzərdə tutulmuş inzibati xəta törətmişdir. Məhkəmə iclasında ifadəsi alınmış Şəxs özünü inzibati xəta törətməkdə təqsirli bilərək peşman olduğunu və bir daha belə hərəkətlərə yol verməyəcəyini göstərmişdir. Məhkəmə iclasında iş üzrə zərərçəkmiş şəxs X2 öz ifadəsində göstərmişdir ki, Şəxs ona məxsus bir ədəd akkumulyatoru oğurlanmış, 110 manat ziyan vurmuş və ziyanı ödəməmişdir. Məhkəmə iclasında iş üzrə zərərçəkmiş şəxs X3 öz ifadəsində göstərmişdir ki, ona məxsus “Toyota Prius” markalı avtomaşının salonunda olan 20 manat pulu Şəxs oğlurlamış və ziyanı ödəməmişdir. Məhkəmə inzibati xəta haqqında toplanmış materialları araşdıraraq hesab edir ki, X1 əməlində AR İXM-nın 227-ci maddəsində nəzərdə tutulmuş inzibati xətanın tərkibi mövcuddur və ona həmin maddənin sanksiyası həddində inzibati tənbeh tətbdiq edilməlidir. İş üzrə Səbail RPİ-nin 8-ci PB-nin baş təhqiqatçısı Y.Rüstəmov tərəfindən tərtib edilmiş xx.xx.2022-ci il tarixli cinayət işinin başlanımlasının rədd edilməsi haqqında qərara əsasən toplanmış material üzrə cinayət işinin başlanması rədd edilmiş və vətəndaş A.Məmmədova məxsus əmlakı oğurlamış gələcəkdə müəyyən edildikdə onun AR İXM-nın 227-ci maddəsi ilə inzibati məsuliyyətə cəlb olunması məqsədi üçün qəbul edilmiş qərar təhqiqat orqanına göndərilmişdir. İş üzrə Səbail RPİ-nin 8-ci PB-nin təhqiqatçısı R.Cəfərov tərəfindən tərtib edilmiş xx.xx.2022-ci il tarixli cinayət işinin başlanımlasının rədd edilməsi haqqında qərara əsasən vətəndaş F.Bağırovun şikayəti əsasında toplanmış material üzrə cinayət işinin başlanması rədd edilmiş və ona qarşı əməli törədərək ona maddi ziyan vurmuş şəxs barəsində AR İXM-nın 227-ci maddəsinə əsasən inzibati qaydada tədbir görülməsi üçün qəbul edilmiş qərar təhqiqat orqanına göndərilmişdir. AR İXM-nın 21-ci maddəsinə əsasən inzibati tənbeh məsuliyyət tətbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd edilən Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 33.1.2-ci maddəsinə əsasən inzibati xətaya görə inzibati tənbeh almış şəxsin eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsi məsuliyyəti ağırlaşdıran hallar hesab edilir. Qeyd edilən Məcəllənin 227-ci maddəsiən əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Beləliklə məhkəmə Şəxs Kazıxanoviçin əməlində AR İXM-nın 227-ci maddəsinin tərkibinin olmasını, işin hallarını, onun şəxsiyyətini, zərərçəkmiş şəxslərə vurulmuş ziyanın ödənilməməsini nəzərə alaraq hesab edir ki, ona AR İXM-nın 227-ci maddəsinin sanksiyası həddində inzibati həbs növündə tənbeh tətbiq edilməlidir. Məhkəmə həmçinin hesab edir ki, inzibati həbsin əvvəli X1 inzibati qaydada tutulduğu vaxtdan, yəni xx.xx.2022-ci il tarixdən saat 17:50-dən hesablanmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 31.3, 114-115ci maddələrini rəhbər tutaraq məhkəmə… QƏRARA ALDİ: Şəxs Kazıxanoviç Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xəta törətməkdə təqsirli bilinərək barəsində 1(bir) ay müddətində inzibati həbs növündə tənbeh tətbiq edilsin. Həbsetmənin əvvəli xx.xx.2022-ci il tarixdən saat 17:50-dən hesablansın. Qərardan 10 gün müddətində Bakı Apellyasiya Məhkəməsinə şikayət verilə bilər. Hakim: Şahin Abdullayev