Bakı Şəhəri Səbail Rayon Məhkəməsi Qərardad — İş №3(009)-1904/2024

Azərbaycan Respublikası adından QƏRARDAD Bakı şəhəri İş № 3(009)-1904/2024 21.08.2024 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Tağıyev Azər Ramiz oğlunun sədrliyi, Cəfərov Səbuhi Mahir oğlunun katibliyi ilə, Azərbaycan Respublikası Daxili İşlər Nazirliyi Bakı şəhər X4 İdarəsinin inzibati tənbeh vermə haqqında EQ3481112, EQ5814384 saylı və digər qərarlarından X1 şikayətinə məhkəmə binasında açıq məhkəmə iclasında baxaraq, məhkəmə, MÜƏYYƏN ETDİ: Azərbaycan Respublikası Daxili İşlər Nazirliyi Bakı şəhər X4 İdarəsinin inzibati tənbeh vermə haqqında EQ3481112, EQ5814384 saylı və digər qərarlarından X1 şikayəti məhkəməyə daxil olmuşdur. X1 şikayətində bir neçə qərarın ləğv olunması xahiş olunmuşdur. Məhkəmə hesab edir ki, Azərbaycan Respublikası Daxili İşlər Nazirliyi Bakı şəhər X4 İdarəsinin inzibati tənbeh vermə haqqında EQ3481112, EQ5814384 saylı və digər qərarlarından X1 şikayəti ona geri qaytarılmalıdır. Belə ki, Bakı şəhəri Səbail Rayon Məhkəməsinin 3 (009)-1853/2024 saylı, 14 avqust 2024-cü il tarixli qərardadı ilə hər bir qərardan şikayətə ayrıca baxılmalı olduğu göstərilməklə hazırki şikayət və ona əlavə olunmuş materialların ona geri qaytarılmasının göstərilmişşdir. Buna baxmayaraq X1 eyni məzmunlu şikayətində yenidən bir neçə qərarın ləğv olunması xahiş olunmuşdur. Azərbaycan Respublikası İnzibati Xətalar Məcəlləsinin 128.1-ci maddəsinə əsasən, barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Azərbaycan Respublikası İnzibati Xətalar Məcəlləsinin 130-cu maddəsinə əsasən, Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Buraxılmış müddətin bərpası qeyri-mümkün hesab edildikdə, bu halda vəsatəti rədd etmə haqqında qərardad qəbul edilir. Göstərilənləri nəzərə alaraq məhkəmə hesab edir ki, verilmiş şikayət və ona əlavə edilmiş materiallardan inzibati xəta haqqında qərarın mövcudluğu öz təsdiqini tapmadığından Baş Dövlət Yol Polis İdarəsinin inzibati tənbeh vermə haqqında qərarlarından verilmiş şikayət ərizəsi və ona əlavə edilmiş materiallar X2 geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 129.1.3-cü maddələrini rəhbər tutaraq, məhkəmə QƏRARA ALDİ: Azərbaycan Respublikası Daxili İşlər Nazirliyi Bakı şəhər X4 İdarəsinin inzibati tənbeh vermə haqqında EQ3481112, EQ5814384 saylı və digər qərarlarından X1 şikayəti ona geri qaytarılsın. HAKİM: AZƏR TAĞİYEV