Bakı Şəhəri Səbail Rayon Məhkəməsi Qərar — İş №3(009)-1922/2021

Azərbaycan Respublikası adından QƏRAR Bakı şəhəri İş № 3(009)-1922/2021 24.09.2021 BAKI ŞƏHƏRİ SƏBAİL RAYON MƏHKƏMƏSİ Hakim Bağırova Mədinə Ağacavad qızının sədrliyi, Əlizadə Hüseyn Oktay oğlunun katibliyi, Səbail RPİ-nin 39-cu PB-nin sahə inspektoru, polis baş leytenantı X1, barəsində inzibati xəta haqqında iş üzrə icraat aparılan şəxs Şəxs, barəsində inzibati xəta haqqında iş üzrə icraat aparılan şəxsin müdafiəçisi Vəkil Ziyad oğlunun iştirakları ilə, xx.xx.2003-cü ildə Bakı şəhərində anadan olan, subay, orta təhsilli, işsiz, ünvan 1 ünvanında qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddələri ilə nəzərdə tutulmuş inzibati xətanı törətməsinə dair Səbail RPİ-nin 39-cu PB-nin sahə inspektoru, polis baş leytenantı X3 tərəfindən tərtib edilmiş inzibati xəta haqqında protokol üzrə işə açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikası İXM-nin 535.1-ci maddəsi ilə nəzərdə tutulmuş inzibati xətanı törətməsinə dair Səbail RPİ-nin 39-cu PB-nin sahə inspektoru, polis baş leytenantı X3 tərəfindən tərtib edilmiş 23 sentyabr 2021-ci il tarixli MN seriyalı, ******* nömrəli inzibati xəta haqqında protokol və ona əlavə edilmiş sənədlər baxılması üçün aidiyyəti üzrə Səbail Rayon Məhkəməsinə göndərilmişdir. İnzibati xəta haqqında iş materiallarından görünür ki, Şəxs 23.09.2021-ci il tarixdə, saat 16:15 radələrində ünvan 2 ünvanında polisin qanuni tələblərinə riayət etməmişdir. Məhkəmə iclasında Səbail RPİ-nin 39-cu PB-nin sahə inspektoru, polis baş leytenantı X3 protokolu müdafiə edərək izahatında bildirdi ki, 23.09.2021-ci il tarixdə, saat 16:15 radələrində ünvan 2 ünvanında, polis əməkdaşları 20-yə yaxın nəfərin bir yerə toplaşdığını görmüş, karantin qaydalarına görə ərazini tərk etmələrini onlara bildirmişlər. Orada yığışmış şəxslərin əksər hissəsi getsə də, Şəxs həmin ərazini tərk etməyəcəklərini və qanunsuz bir iş görmədiklərini demişdir. Yenidən polis əməkdaşları ərazini tərk etmələrini bildirsələr də, barəsində inzibati xəta haqqında iş üzrə icraat aparılan şəxs mobil telefonu ilə 102 çağrı mərkəzinə zəng vuraraq şikayətini bildirmişdir. Şikayət etdikdən sonra polis əməkdaşları həmin şəxsə onlarla birlikdə polis bölməsinə getməyi dəvət etdikdə, həmin şəxs polis əməkdaşları ilə çox kobud danışaraq polisin qanuni tələblərinə qəsdən tabe olmamış, ona görə də, o, polis maşınına oturdularaq polis bölməsinə gətirilmiş və barəsində protokol tərtib edilmişdir. Göstərilənləri nəzərə alaraq Şəxs barəsində qanuni tədbirlər görülməsini məhkəmədən xahiş etmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında özümü təqsirli bilməyərək izahatında göstərmişdir ki, 23.09.2021-ci il tarixdə, saat 16:15 radələrində ünvan 2 ünvanında dostları ilə bir yerə toplaşmışlar. Polis əməkdaşları ərazini tərk etməklərini dedikdə o və dostu 100-200 metr uzaqlaşmış, digər dostları isə həmin ərazidən getmişlər. Polis əməkdaşları nalayiq sözlərlə yenidən getməklərini tələb etdikdə, o, 102 çağrı mərkəzinə zəng vuraraq şikayətini bildimişdir. Bundan sonra polis əməkdaşları ona zor tətbiq etməklə polis maşınına oturdub polis bölməsinə aparmış və barəsində protokol tərtib olunmuşdur. Əməlində inzibati xəta olmadığı üçün icraata xitam verilməsini xahiş etdi. Barəsində inzibati xəta haqqında iş üzrə icraat aparılan şəxs Şəxs müdafiəçisi Vəkil müdafiə etiyi şəxsin əməlində inzibati xəta olmadığı üçün icraata xitam verilməsini xahiş etdi. Məhkəmə iclasında şahid qismində iştirak edən X4 izahat verərək bildirdi ki, o, 23.09.2021-ci il tarixdə, saat 16:15 radələrində ünvan 2 ünvanında xidmət aparakən 20-yə yaxın şəxsin bir yerə toplaşdığını görmüşlər və həmin şəxslərə yaxınlaşaraq ərazini tərk etməklərini tələb etmişlər. Həmin şəxslərdən çoxu tələbə riayət etsə də, Şəxs tələblərinə riayət etməmiş və ərazini tərk etməyəciyini bildirmişdir. Yenidən həmin şəxsə müraciət olunsa da, vətəndaş mobil telefonu ilə 102-yə zəng edərək yalandan onlar haqqında məlumat vermişdir. Bundan sonra həmin şəxsə izahat yazması üçün onlarla birlikdə polis bölməsinə getməyi dəvətə etsələr də, həmin vətəndaş onlarla getməkdən və polis maşınına oturmaqdan təkidlə boyun qaçırmışdır. Ona görə də, tərəflərindən həmin şəxsə zor tətbiq olunaraq polis maşınına otuzdurulmuş və polis bölməsinə gətirilmiş, orada həmin şəxsin barəsində protokol tərtib olunmuşdur. Məhkəmə iclasında şahid qismində iştirak edən X2 Salmanovun verdiyi izahatı təsdiqlədi. Məhkəmə proses iştirakçılarının izahatlarını dinləyərək və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İXM-nin 535.1-ci maddəsində nəzərdə tutulmuş inzibati xətanı törətməsi tam sübuta yetirilir. Belə ki, iş materiallarında olan 23 sentyabr 2021-ci il tarixli MN seriyalı, ******* nömrəli inzibati xəta haqqında protokoldan görünür ki, Şəxs 23.09.2021-ci il tarixdə, saat 16:15 radələrində ünvan 2 ünvanında polisin qanuni tələblərinə qəsdən tabe olmamış, bununla da, Azərbaycan Respublikasının İXM-nin 535.1-ci maddəsində nəzərdə tutulmuş inzibati xətanı törətmişdir. İş materiallarında olan 23 sentyabr 2021-ci il tarixli inzibati qaydada tutma haqqında protokoldan görünür ki, Şəxs 23 sentyabr 2021-ci il tarixdə, saat 19:30-da inzibati qaydada tutulmuşdur. Beləliklə, Şəxs törətdiyi inzibati xəta əməli, məhkəmə iclasında toplanmış və tədqiq edilmiş obyektiv sübutların məcmusu ilə onun polis işçisi ictimai qaydanın mühafizə vəzifələrini icra edərkən, onun qanuni tələblərinə qəsdən tabe olmaması və bununla da, Azərbaycan Respublikasının İXM-nin 535.1-ci maddəsində nəzərdə tutulmuş inzibati xətanı törətməsi tamamilə sübuta yetirildi. Onun əməli məhkəmə tərəfindən Azərbaycan Respublikasının İXMnin 535.1-ci maddələri ilə tövsif edilməlidir. Qeyd edilən əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Məhkəmə barəsində inzibati xəta haqqında iş üzrə icaat aparılan şəxsə inzibati tənbeh tətbiq edərkən Azərbaycan Respublikasının İXM-nin aşağıdakı prinsip və müddəalarını rəhbər tutur. Azərbaycan Respublikasının İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd olunanları nəzərə almaqla məhkəmə, barəsində inzibati xəta haqqında iş üzrə icraat aparılan şəxsə inzibati tənbeh tətbiq etmə məsələsini müzakirə edib, törədilmiş xətanın xarakterini və hallarını, təqsirinin dərəcəsini və tətbiq olunacaq inzibati tənbehin şəxsin islah olunmasına təsirini nəzərə alaraq, belə nəticəyə gəlir ki, Şəxs barəsində cərimə növündə inzibati tənbeh tədbiri tətbiq edilməlidir. Məhkəmə hesab edir ki, inzibati tənbehin məqsədi Şəxs barəsində cərimə növündə inzibati tənbeh tədbiri tətbiq olunduğu təqdirdə təmin edilə bilər və ona cərimə növündə inzibati tənbeh tədbiri tətbiq edilməsi qanuni və ədalətli olmaqla yanaşı, həm də inzibati tənbehin məqsədinə uyğundur. İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Məhkəmə Şəxs 23 sentyabr 2021-ci il tarixdən 24 sentyabr 2021-ci il tarixədək inzibati qaydada tutulmasını nəzərə alaraq hesab edir ki, Şəxs təyin olunacaq inzibati cərimənin məbləğindən 1/4 hissəsi çıxılmalı və o, cərimənin 1/4 hissəsindən azad edilməlidir. Beləliklə, məhkəmə hesab edir ki, Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində 200 (iki yüz) manat məbləğində inzibati cərimə tətbiq edilməli, Şəxs inzibati qaydada tutulmasını nəzərə alaraq barəsində tətbiq edilmiş 200 (iki yüz) manat inzibati cərimənin 50 (əlli) manatından azad edilməli və üzərində 150 (yüz əlli) manat məbləğində inzibati cərimə saxlanılmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 21, 31, 43, 88, 114, 115, 128.2.1, 130.1, 211 və 535-ci maddələrini rəhbər tutaraq, QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək 200 (iki yüz) manat məbləğində cərimə edilsin. Şəxs 01 (bir) gün – 23 sentyabr 2021-ci il tarixdən 24 sentyabr 2021-ci il tarixədək inzibati qaydada tutulmasını nəzərə alınaraq barəsində tətbiq edilmiş 200 (iki yüz) manat inzibati cərimənin 50 (əlli) manatından azad edilsin və üzərində 150 (yüz əlli) manat məbləğində inzibati cərimə saxlanılsın. Şəxs məhkəmə iclas zalından dərhal azad edilsin. Qərardan, surəti təqdim edildiyi və ya alındığı gündən 10 (on) gün müddətində Səbail Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim Mədinə Bağırova