Bakı Şəhəri Səbail Rayon Məhkəməsi Qərar — İş №3(009)-2009/2022

Azərbaycan Respublikası adından QƏRAR Bakı şəhəri İş № 3(009)-2009/2022 26.12.2022 BAKI ŞƏHƏRİ SƏBAİL RAYON MƏHKƏMƏSİ Hakim Şükürova Ülviyyə Sahib qızının sədrliyi, Qəribli Günel Adil qızının katibliyi, Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməsinə dair işə açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməsinə dair 07 dekabr 2022-ci il tarixli, İXP ******* saylı inzibati xəta haqqında protokol və ona əlavə edilmiş sənədlər məhkəməyə daxil olmuşdur. Məhkəmə iclasının vaxtı və yeri barədə inzibati xəta haqqında protokol tərtib etmiş Səbail RPİ-nin DYPŞ-nə və barəsində inzinbati xəta haqqında iş üzrə icraat aparılan Şəxs qanunla nəzərdə tutulmuş qaydada poçt vasitəsi ilə bildiriş göndərilmişdir. Lakin inzibati xəta haqqında protokol tərtib etmiş orqanın nümayəndəsi və barəsində inzinbati xəta haqqında iş üzrə icraat aparılan şəxs məhkəmə iclasına gəlməmiş, gəlməmələrinin üzrlü səbəbləri barədə məhkəməyə məlumat verməmiş, eləcə də, onlardan işə baxılmasının təxirə salınması barədə vəsatət daxil olmamışdır. Məhkəmə işə inzibati xəta haqqında protokol tərtib etmiş orqanın nümayəndəsinin və barəsində inzinbati xəta haqqında iş üzrə icraat aparılan şəxsin iştirakları olmadan baxılmasını mümkün hesab edir. Məhkəmə inzibati xəta haqqında protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikasının İXM-nin 327.8-ci maddəsində nəzərdə tutulan əməli törətməsi tam sübuta yetirilir. Belə ki, iş materiallarında olan cinayət işinin başlanmasının rədd edilməsi haqqında xx.xx.2022-ci il tarixli qərardan görünür ki, sürücü Şəxs xx.xx.2022-ci il tarixdə saat 04:50 radələrində etibarnamə əsasında idarə etdiyi özünə məxsus “Hyundai Sonata minik” markalı **- EL-*** dövlət qeydiyyat nişanlı avtomobillə Bakı şəhəri, Səbail rayonu, Bülbül prospekti ilə üzü Neftçilər prospekti istiqamətində həəkətdə olan zaman Z.Əliyeva keçəsi ilə Bülbül prospektinin kəsişməsində işıqforun qadağan edici qırmızı işığında keçərkən sol tərəfdən Z.Əliyeva küçəsi ilə Azneft dairəsi istiqamətində hərəkətdə olan X3 idarə etdiyi “Hyundai Accent markalı” minik **-VB-*** dövlət qeydiyyat nişanlı avtomobilin onun idarə etdiyi avtomobilin qarşısına çıxdığını görmüş, məsafə az olduğundan gəldiyi sürətlə də idarə etdiyi avtomobilin ön hissəsi ilə həmin avtomobilin sağ qabaq və təkər hissəsindan dəyib toqquşmuş və zərbədən idarə etməni itirərək avtomobilin yolun sağ kənarına cıxıb, yol nişanına dəyib əzmiş və dayanmışdır. Həmin hadisə zamanı “Hyundai Sonata minik” markalı **-EL-*** dövlət qeydiyyat nişanlı avtomobilin sürücüsü Şəxs, “Hyundai Accent markalı” minik **-VB-*** dövlət qeydiyyat nişanlı avtomobilin sürücüsü X5, ikincinin avtomobildə müştəri qismində olan X7 və X2 xəsarət almaları ilə nəticələnən yol nəqliyyat hadisəsi baş vermişdir. Həmin vaxt sürücü Şəxs bədəni üzərində heç bir xəsarət aşkar edilməmişdir. X1 almış olduğu xəsarətlər sağlamlığın qısa müddətə pozulmasına səbəb olan sağlamlığa YÜHGÜL zərərvurmaya aiddir, sərnişinlər X7 və X2 aldığı xəsarətlər sağlamlığa zərər vurmayan xəsarətlər olduqları üçün dərəcələri təyin edilmir. Şəxs əməlində Azərbaycan Respublikası CM-nin 263.1-ci maddəsində nəzərdə tutulan cinayət tərkibi olmadığından cinayət işi başlanması rədd edilmiş və Şəxs Azərbaycan Respublikası İXM-nin 327.8-ci maddəsi ilə inzibati məsuliyyətə cəlb olunması məqsədi ilə toplanmış material Səbail RPİ-nin DYPŞ-nə göndərilmişdir. Bundan əlavə həmin qərarla müəyyən edilmişdir ki, sərxoşluq vəziyyətinin tibbi müayinəsinə dair akta əsasən Şəxs alkoqol sərxoşluq vəziyyəti ayıqdır. Məhkəmə-tibb ekspertizanın xx.xx.2022-ci il tarixli 737 saylı rəyindən görünür ki, X6 bədəni üzərində müəyyən edilmiş xəsarətlər-sol diz oynağı nahiyəsinin yumşaq toxumalarının şişkinliyi və qançırı , eləcə də ,sağ diz oynağı nahİyəsinin ön səthinin sıyrığı bərk küt əşyanın (əşyaların) təsirindən törənmişlər, qərarın təsviri hissəsində göstərilən müddətdə və şəraitdə, yəni xx.xx.2022-ci il tarixdə, yol-nəqliyyat hadisəsi, o cümlədən hərəkətdə olan avtomaşınların toqquşması nəticəsində sərnişin qismində əmələ gələ bilərdilər, sağlamlığa zərərvurmayan xəsarətlər olduqlarİ üçün dərəcələri təyin edilmir. Məhkəmə-tibb ekspertizanın xx.xx.2022-ci il tarixli 736 saylı rəyindən görünür ki, digər sərnişin X2 bədəni üzərində müəyyən edilmiş xəsarətlər- sağ bazunun yuxarı 1/3-nin bayır səthinin qançırı bərk küt əşyanın (əşyaların) təsirindən törənmişlər, qərarın təsviri hissəsində göstərilən müddətdə və şəraitdə,yəni xx.xx.2022-ci il tarixdə, yol-nəqliyyat hadisəsi nəticəsində əmələ gələ bilərdilər,o cümlədən hərəkətdə olan avtomaşınların toqquşması nəticəsində sərnişin qismində əmələ gələ bilərdi, sağlamlığa zərərvurmayan xəsarətlər olduqlari üçün dərəcələri təyin edilmir. Məhkəmə-tibb ekspertizanın xx.xx.2022-ci il tarixli 733 saylı rəyindən görünür ki, sürücü Şəxs bədəni üzərində hər hansı bir xəsarət aşkar edilmədi. Məhkəmə-tibb ekspertizanın xx.xx.2022-ci il tarixli 739 saylı rəyindən görünür ki, X3 bədəni üzərində müəyyən edilmiş xəsarətlər-sol diz oynağında ağrı və hərəkət məhdudluğu ilə müşayiət olunan sol diz oynağı nahiyəsinin yumşaq toxumalarının şişkinliyi və hemotoması , eləcə də, sağ saidin ön səthinin sıyrıqları bərk küt əşyanın (əşyaların) təsirindən törənmişlər, qərarın təsviri hissəsində göstərilən müddətdə və şəraitdə, yəni xx.xx.2022-ci il tarixdə, yolnəqliyyat hadisəsi, o cümlədən hərəkətdə olan avtomaşınların toqquşması nəticəsində sürücü qismində əmələ gələ bilərdi, dərəcəsinə görə ümumilikdə sağlamlığın qısa müddətdə pozulmasına səbəb olan sağlamlığa YÜNGÜL zərərvurmaya aiddir. Beləliklə, müəyyən edilmişdir ki, sürücü Şəxs xx.xx.2022-ci il tarixdə saat 04:50 radələrində etibarnamə əsasında idarə etdiyi özünə məxsus “Hyundai Sonata minik” markalı **- EL-*** dövlət qeydiyyat nişanlı avtomobillə Bakı şəhəri, Səbail rayonu Bülbül prospekti ilə üzü Neftçilər prospekti istiqamətində həəkətdə olan zaman Z.Əliyeva keçəsi ilə Bülbül prospektinin kəsişməsində işıqforun qadağan edici qırmızı işığında keçərkən sol tərəfdən Z.Əliyeva küçəsi ilə Azneft dairəsi istiqamətində hərəkətdə olan X3 idarə etdiyi “Hyundai Accent markalı” minik **-VB-*** dövlət qeydiyyat nişanlı avtomobilin onun idarə etdiyi avtomobilin qarşısına çıxdığını görmüş, məsafə az olduğundan gəldiyi sürətlədə idarə etdiyi avtomobilin ön hissəsi ilə həmin avtomobilin sağ qabaq və təkər hissəsindan dəyib toqquşmuş və zərbədən idarə etməni itirərək avtomobilin yolun sağ kənarına cıxıb,uol nişanına dəyibəzmiş və dayanmışdır.Həmin hadisə zamanı “Hyundai Sonata minik” markalı **-EL-*** dövlət qeydiyyat nişanlı avtomobilin sürücüsü Şəxs, “Hyundai Accent markalı” minik **-VB-*** dövlət qeydiyyat nişanlı avtomobilin sürücüsü X5, ikincinin avtomobilində müştəri qismində olan X7 və X2 xəsarət almaları ilə nəticələnən yol nəqliyyat hadisəsi baş vermişdir. «Yol hərəkəti haqqında» Azərbaycan Respublikası Qanununun 60.1-ci maddəsinin (Svetoforun və nizamlayıcının siqnallarının yerinə yetirilməsi, yol iştirakçıları üçün məcburi olduğu halda o, buna əməl etməmişdir.) tələblərini pozmuşdur. Bununla da, Şəxs Azərbaycan Respublikasının İXM-nin 327.8-ci maddəsi ilə nəzərdə tutulmuş inzibati xətanı törətmişdir. Azərbaycan Respublikasının İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 327.8-ci maddəsinə əsasən bu Məcəllənin 327.1 - 327.6, 328 və 330cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə - iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Məhkəmə Azərbaycan Respublikasının İXM-nin 32-ci maddəsinə əsasən Şəxs məsuliyyətini yüngülləşdirən hallar müəyyən edilməmişdir. Azərbaycan Respublikasının İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Məhkəmə, Şəxs şəxsiyyətini xarakretizə edən halları, törətdiyi inzibati xətanın xarakterini, təqsirinin dərəcəsini, məsuliyyətini yüngülləşdirən və ağırlaşdıran halları nəzərə alaraq hesab edir ki, onun barəsində Azərbaycan Respublikasının İXM-nin 327.8-ci maddəsinin sanksiyasında nəzərdə tutulmuş cərimə növündə inzibati tənbeh tədbirinin tətbiq edilməsi məqsədəmüvafiqdir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 25, 40, 43, 114-115, 128-130 və 327.8-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinərək barəsində 200 (iki yüz) manat məbləğində inzibati cərimə tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində qərarı qəbul etmiş Səbail Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti verilə bilər. Hakim Ülviyyə Şükürova