Bakı Şəhəri Səbail Rayon Məhkəməsi Qərardad — İş №3(009)-2032/2025

Azərbaycan Respublikası adından QƏRARDAD Bakı şəhəri İş № 3(009)-2032/2025 08.08.2025 BAKI ŞƏHƏRİ SƏBAİL RAYON MƏHKƏMƏSİ Səbail Rayon Məhkəməsinin hakimi Şükürova Ülviyyə Sahib qızı, X1 Bakı Nəqliyyat Agentliyi tərəfindən tərtib edilmiş inzibati tənbehvermə haqqında qərarlarının ləğv edilməsinə dair verdiyi şikayətə işin baxılmağa hazırlanması zamanı baxaraq, MÜƏYYƏNETDİ: X2 barəsində tərtib edilmiş 2019-2022-ci illər ərzində Bakı Nəqliyyat Agentliyi tərəfindən tərtib edilmiş inzibati tənbehvermə haqqında qərarlarının ləğv edilməsini xahiş etmişdir. Şikayəti və ona əlavə olunmuş materialları nəzərdən keçirib, hesab edirəm ki, şikayət geri qaytarılmalıdır. Azərbaycan Respublikasının İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Belə ki, Azərbaycan Respublikasının İnzibati Xətalar Məcəlləsinin 106.0.4-cü maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən işin icraatını rədd edən halların mövcud olub-olmaması məsələsini, 106.0.5-ci maddəsinə əsasən isə işə mahiyyəti üzrə baxılması üçün işdə kifayət qədər sübutlar toplanıb-toplanmaması məsələlərini həll edir. Qeyd olunduğu kimi Azərbaycan Respublikası İnzibati Xətalar Məcəlləsinə əsasən barəsində qərar və ya qərarlar tərtib edilmiş şəxs hər bir qərar üçün ayrıca şikayət verməlidir. Göründüyü kimi X2 29 inzibati tənbehvermə haqqında qərar üçün bir şikayət vermişdir və bu məhkəmə icraatını rədd edən hal kimi qiymətləndirilməlidir. Əlavə olaraq məhkəməyə daxil olmuş şikayət ərizəsində şikayətçi 2019-2022-ci illər ərzində barəsində tərtib edilmiş qərarların ləğv edilməsini xahiş etsə də, həmin qərarların surətini iş materiallarına əlavə etməmişdir. Göstərilən hal isə, yəni şikayət verilmiş qərarın surətinin iş materiallarına əlavə edilməməsi hazırda işin məhkəmə icraatını rədd edən hal kimi qiymətləndirilməlidir. Göstərilənlərə əsasən hesab edirəm ki, hazırki iş üzrə məhkəməyə təqdim edilmiş sənədlərə əsasən inzibati xəta haqqında işin baxılmağa hazırlanması mümkün deyil, ona görə də, X1 Bakı Nəqliyyat Agentliyi tərəfindən tərtib edilmiş inzibati tənbehvermə haqqında qərarlarının ləğv edilməsinə dair şikayəti geri qaytarılmalıdır. Göstərilənlərə əsasən və Azərbaycan Respublikasının İnzibati Xətalar Məcəlləsinin 106, 128-129 və 132-ci maddələrini rəhbər tutaraq, QƏRARAALDİ: X1 Bakı Nəqliyyat Agentliyinin inzibati tənbehvermə qərarlarından verdiyi şikayət geri qaytarılsın. Qərardaddan şikayət verilə bilməz. Hakim Ülviyyə Şükürova