Bakı Şəhəri Səbail Rayon Məhkəməsi Qərardad — İş №3(009)-2072/2020

Azərbaycan Respublikası adından QƏRARDAD Bakı şəhəri İş № 3(009)-2072/2020 01.10.2020 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Tağıyev Azər Ramiz oğlunun sədrliyi, X1 qızının katibliyi ilə, Yasamal rayon DYPİ-nin tərtib etdiyi xx.xx.2020-ci il tarixli inzibati tənbeh vermə haqqında qərarından Hüseynov Böyükağa Sabir oğlunun şikayətinə məhkəmə binasında açıq məhkəmə iclasında baxaraq, məhkəmə, MÜƏYYƏN ETDİ: Yasamal rayon DYPİ-nin tərtib etdiyi xx.xx.2020-ci il tarixli inzibati tənbeh vermə haqqında qərarından Hüseynov Böyükağa Sabir oğlunun şikayəti məhkəməyə daxil olmuşdur. Məhkəmə hesab edir ki, verilmiş şikayət və ona əlavə edilmiş materiallardan inzibati xəta haqqında qərarın mövcudluğu öz təsdiqini tapmadığından Hüseynov Böyükağa Sabir oğlu tərəfindən verilmiş şikayət və ona əlavə edilmiş materiallar geri qaytarılmalıdır. Belə ki, məhkəməyə təqdim olunmuş şikayət və ona əlavə edilmiş materiallardan inzibati xəta haqqında qərarın mövcudluğu öz təsdiqini tapmır. Azərbaycan Respublikası İnzibati Xətalar Məcəlləsində inzibati xəta haqqında protokoldan şikayət verilməsi nəzərdə tutulmamışdır. Azərbaycan Respublikası İnzibati Xətalar Məcəlləsinin 128.1-ci maddəsinə əsasən, barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 129.1.3-cü maddələrini rəhbər tutaraq, məhkəmə QƏRARA ALDİ: Yasamal rayon DYPİ-nin tərtib etdiyi xx.xx.2020-ci il tarixli inzibati tənbeh vermə haqqında qərarından Hüseynov Böyükağa Sabir oğlunun şikayəti və ona əlavə edilmiş materiallar geri qaytarılsın. HAKİM: AZƏR TAĞİYEV