Bakı Şəhəri Səbail Rayon Məhkəməsi Qərardad — İş №3(009)-2205/2020

Azərbaycan Respublikası adından QƏRARDAD Bakı şəhəri İş № 3(009)-2205/2020 08.10.2020 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Tağıyev Azər Ramiz oğlunun sədrliyi, X1 qızının katibliyi ilə, Bakı şəhər BPİ DYPİ-nin tərtib etdiyi TP ******* saylı inzibati tənbeh vermə haqqında qərarından Dövlətov Teymur Heybət oğlunun şikayətinə məhkəmə binasında açıq məhkəmə iclasında baxaraq, məhkəmə, MÜƏYYƏN ETDİ: Bakı şəhər BPİ DYPİ-nin tərtib etdiyi TP ******* saylı inzibati tənbeh vermə haqqında qərarından Dövlətov Teymur Heybət oğlunun şikayəti məhkəməyə daxil olmuşdur. Məhkəmə hesab edir ki, Dövlətov Teymur Heybət oğlu tərəfindən verilmiş şikayət ona geri qaytarılmalıdır. Dövlətov Teymur Heybət oğlu şikayət ərizəsində yaşayış yerinin ünvan 1i ünvanı olduğunu qeyd etmişdir. “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 3-cü maddəsinin 1-ci bəndinə əsasən Azərbaycan Respublikası vətəndaşının yaşayış yeri yalnız Azərbaycan Respublikası vətəndaşının şəxsiyyət vəsiqəsi ilə müəyyən edilir. Azərbaycan Respublikası İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Azərbaycan Respublikası Konstitusiyasının 62-ci maddəsinə əsasən hər kəsin onun işinə qanunla müəyyən edilmiş məhkəmədə baxılması hüququ vardır. Şəxsin razılığı olmadan onun işinə başqa məhkəmədə baxılmasına yol verilmir. Məhkəmə hesab edir ki, verilmiş şikayətə Səbail Rayon Məhkəməsində baxılmalı olmadığından şikayət və ona əlavə edilmiş materiallar geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 129.1.3-cü maddələrini rəhbər tutaraq, məhkəmə QƏRARA ALDİ: Bakı şəhər BPİ DYPİ-nin tərtib etdiyi TP ******* saylı inzibati tənbeh vermə haqqında qərarından Dövlətov Teymur Heybət oğlunun şikayəti ona geri qaytarılsın. HAKİM: AZƏR TAĞİYEV