Bakı Şəhəri Səbail Rayon Məhkəməsi Qərar — İş №3(009)-2379/2023

Azərbaycan Respublikası adından QƏRAR Bakı şəhəri İş № 3(009)-2379/2023 15.12.2023 BAKI ŞƏHƏRİ SƏBAİL RAYON MƏHKƏMƏSİ Hakim Səmədova Günel Kamil qızının sədrliyi, Nəsibov Pərviz Novruz oğlunun katibliyi, İnzibati xəta haqqında protokol tərtib etmiş Azərbaycan Respublikasının Maliyyə Nazirliyinin Uçot Siyasəti şöbəsinin baş məsləhətçisi Nümayəndə3, Barəsində inzibati xəta haqqında iş üzrə icraata aparılan "AZ-EVRO TEL” MMC-nin nümayəndəsi Nümayəndə2 iştirakı ilə, Şəxs MMC barəsində Azərbaycan Respublikasının İnzibati Xətalar Məcəlləsinin 464cü maddəsi ilə nəzərdə tutulmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Şəxs MMC-nin Azərbaycan Respublikasının İnzibati Xətalar Məcəlləsinin 464-cü maddəsi ilə nəzərdə tutulmuş inzibati xətanı törətməsinə dair Azərbaycan Respublikasının Maliyyə Nazirliyinin Uçot Siyasəti şöbəsi tərəfindən tərtib edilmiş 02 noyabr 2023-cü il tarixli MN ******* nömrəli inzibati xəta haqqında protokol və ona əlavə edilmiş sənədlər Səbail Rayon Məhkəməsinə daxil olmuşdur. İnzibati xəta haqqında protokoldan görünür ki, hüquqi şəxs Şəxs MMC tərəfindən 2021-ci il üzrə maliyyə hesabatlarının 2022-ci ildə auditinin aparılmamasına görə Azərbaycan Respublikasının İnzibati Xətalar Məcəlləsinin 464-cü maddəsində nəzərdə tutulan inzibati xətanı törətmişdir. Məhkəmə iclasında iştirak etmiş inzibati xəta haqqında protokol tərtib etmiş Azərbaycan Respublikasının Maliyyə Nazirliyinin Uçot Siyasəti şöbəsinin baş məsləhətçisi Nümayəndə3 inzibati xəta haqqında protokolu müdafiə edərək, Şəxs MMC-nin barəsində qanuni tədbir görülməsini xahiş etmişdir. Məhkəmə iclasında iştirak etmiş barəsində inzibati xəta haqqında iş üzrə icraata aparılan Şəxs MMC-nin nümayəndəsi Nümayəndə2, protokola etiraz edərək bildirdi ki, Şəxs MMC-nin illik hesabatlarının auditi "xxxx" MMC-nin tərkibində keçirildiyindən, bu səbəbdən inzibati xəta hadisəsi olmadığı üçün inzibati xəta haqqında iş üzrə icraata xitam verilməlidir. Məhkəmə, inzibati xəta haqqında protokolu və digər iş materiallarını nəzərdən keçirərək hesab edir ki, hüquqi şəxs Şəxs MMC barəsində Azərbaycan Respublikasının İnzibati Xətalar Məcəlləsinin 464-cü maddəsi ilə başlanmış inzibati xəta haqqında iş üzrə icraata xitam verilməlidir. Belə ki, iş materiallarında olan Azərbaycan Respublikasının Maliyyə Nazirliyinin 20 oktyabr 2023-cü il tarixli 3-23/2-5927/2023 saylı bildirişindən görünür ki, Şəxs MMC 2021ci il üzrə maliyyə hesabatlarının 2021-ci ildə auditinin qanunla nəzərdə tutulmuş hallarda həyata keçirilməməsi ilə əlaqədar məcburi auditdən yayınmağa görə inzibati xəta haqqında iş üzrə icraatın iştirakçısı qismində 2 noyabr 2023-cü il tarixdə, saat 10-00 da Maliyyə Nazirliyinin Uçot Siyasəti şöbəsinə çağırılmış, 2021-ci il üzrə illik maliyyə hesabatlarının auditinin keçirilməsi ilə əlaqədar auditor rəyi mövcud olduğu təqdirdə həmin rəyin qeyd olunan tarixədək göstərilən emailə göndərilməsi, xahiş edilmiş, lakin inzibati xəta haqqında protokoldan görünür ki, protokol tərtib edilərkən Şəxs MMC-nin nümayəndəsi iştirak etməmişdir. İş materiallarında olan etirazdan görünür ki, Şəxs nizamnaməsinin 1.1-ci bəndinə görə "xxxx" MMC-nin (köhnə adı ilə “Bakı Telefon Rabitəsi" İstehsalat Birliyi) tabeliyində fəaliyyət göstərən hüquqi şəxsdir. Həmin Nizamnamənin 4.1.4-cü yarımbəndində isə "xxxx" MMC-nin Şəxs MMC-nin idarəçiliyində hansı məsələləri həll etməsi konkretləşdirilmişdir. Belə ki, qeyd olunan yarımbəndin 2-ci punktuna əsasən Şəxs MMCdə illik hesabatların, mənfəətin (zərərin) bölgüsü "xxxx" MMC-nin tərkibində həyata keçirilir. Lakin Maliyyə Nazirliyi tərəfindən Şəxs MMC barəsində verilmiş İnzibati xəta haqqında Protokolda Şəxs MMC-nin 2021-ci il üzrə maliyyə hesabatlarının məcburi auditinin 2022-ci ildə keçirilməməsi və nəticədə İnzibati Xətalar Məcəlləsinin (bundan sonra Məcəllə) 464-cü maddəsinin pozulması halı qeyd olunmuşdur. Qeyd olunan tarixlərlə əlaqəli maliyyə hesabatlarının 2022-ci il tarixində "xxxx" MMC, “Azərrabitəlayihə” Layihə-Axtarış Kontoru və Şəxs MMC üçün konsolidə edilmiş maliyyə hesabatı şəklində hazırlanmış müvafiq audit rəyi və hesabatı "xxxx" MMC tərəfindən Maliyyə Nazirliyinə təqdim olunmuşdur. Azərbaycan Respublikası Nazirlər Kabinetinin 292 nömrəli xx.xx.2018-ci il tarixli “Azərbaycan Respublikası Rəqəmsal İnkişaf və Nəqliyyat Nazirliyinin strukturuna daxil olmayan tabeliyindəki qurumların Siyahısı”nın təsdiq edilməsi haqqında qərarın 23.1-ci bəndinə əsasən Şəxs MMC "xxxx" MMC-nin tabeliyində fəaliyyət göstərir. Göstərilənləri nəzərə alaraq inzibati xəta haqqında iş üzrə icraata xitam verilməsi xahiş edilmişdir. İş materiallarında olan "xxxx" MMC-nin konsolidə edilmiş maliyyə hesabatlarından və müstəqil auditor rəyindən görünür ki, Şəxs MMC-nin 2021-ci il üzrə təsərrüfat fəaliyyətinin auditi aparılmışdır. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Azərbaycan Respublikasının İnzibati Xətalar Məcəlləsinin 53.1.1-ci maddəsinə əsasən, inzibati xəta hadisəsi olmadıqda - inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 12.2.1-ci maddəsinə əsasən, bu Məcəllənin 53-cü maddəsində nəzərdə tutulmuş hallar olduqda inzibati xəta haqqında iş üzrə icraata xitam barədə qərar qəbul edilir. Beləliklə məhkəmə hesab edir ki, inzibati xəta hadisəsi olmadığından Şəxs MMC-nin barəsində başlanılmış inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 53, 115,117, 128-130 və 464-ci maddələrini rəhbər tutaraq, məhkəmə QƏRARA ALDİ: Şəxs MMC Azərbaycan Respublikasının İnzibati Xətalar Məcəlləsinin 464-cü maddəsi ilə başlanılmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində qərarı qəbul etmiş Səbail Rayon Məhkəməsi vasitəsilə və ya birbaşa Bakı Apelyasiya Məhkəməsinə apelyasiya şikayəti verilə bilər. Hakim Günel Səmədova