Bakı Şəhəri Səbail Rayon Məhkəməsi Qərardad — İş №3(009)-2720/2024

Azərbaycan Respublikası adından QƏRARDAD Bakı şəhəri İş № 3(009)-2720/2024 10.12.2024 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Süleymanova Şəhla Ənvər qızı Şəxs Azərbaycan Respublikası İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətanı törətməsinə dair Səbail Rayon Polis İdarəsinin 39-cu Polis Bölməsi tərəfindən tərtib edilmiş protokola və ona əlavə edilmiş materiala baxaraq, M Ü Ə Y Y Ə N E T D İ : Şəxs tərəfindən Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanın törədilməsi barədə Bakı şəhər Səbail Rayon Polis İdarəsinin 39-cu Polis Bölməsindən daxil olmuş 10 dekabr 2024-cü il tarixli, MN seriyalı ******* saylı, 10 dekabr 2024-cü il tarixli, MN seriyalı ******* saylı inzibati xəta haqqında protokollar və materiallar araşdırılarkən müəyyən edildi ki, məhkəməyə daxil olmuş işlər üzrə şəxs barəsində eyni vaxtda protokollar tərtib edilmişdir. Ona görə məhkəmə hesab edir ki, həmin inzibati xətalara dair işlər 3(009)–2719/2024 nömrə altında bir icraatda birləşdirilməli və həmin nömrə altında baxılmalıdır. 3(009)–2720/2024 saylı inzibati xəta haqqında işin materialları başqa işlə birləşdiyindən həmin iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Azərbaycan Respublikası İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Azərbaycan Respublikası İnzibati Xətalar Məcəlləsinin 111.3-cü maddəsinə görə inzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokola daxil olduğu gün baxılır. Şərh olunanlara əsasən və Azərbaycan Respublikasının İnzibati Xətalar Məcəlləsinin 34-cü maddəsinə əsasən, Q Ə R A R A A L D İ : 3(009)–2719/2024 və 3(009)–2720/2024 saylı inzibati xətalara dair işlər bir icraatda birləşdirilsin. Həmin işlərə 3(009)–2719/2024 saylı inzibati xəta haqqında iş üzrə icraatda baxılsın və 3(009)–2720/2024 saylı inzibati xəta haqqında iş icraata xitam verilsin. Hakim Şəhla Süleymanova