Bakı Şəhəri Səbail Rayon Məhkəməsi Qərar — İş №3(009)-2947/2025

Azərbaycan Respublikası adından QƏRAR Bakı şəhəri İş № 3(009)-2947/2025 26.11.2025 BAKI ŞƏHƏRİ SƏBAİL RAYON MƏHKƏMƏSİ Hakim Şükürova Ülviyyə Sahib qızının sədrliyi, Mehdiyev Fərid Bəxtiyar oğlunun katibliyi ilə, Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməsinə dair işə açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanı törətməsinə dair 25 oktyabr 2025-ci il tarixli, İXP ******* saylı inzibati xəta haqqında protokol və ona əlavə edilmiş sənədlər məhkəməyə daxil olmuşdur. Məhkəmə iclasının vaxtı və yeri barədə inzibati xəta haqqında protokol tərtib etmiş Səbail Rayon Polis İdarəsinin DYPŞ-nə və barəsində inzibati xəta haqqında iş üzrə icraat aparılan Şəxs qanunla nəzərdə tutulmuş qaydada poçt vasitəsi ilə bildiriş göndərilmişdir. Lakin inzibati xəta haqqında protokol tərtib etmiş orqanın nümayəndəsi və barəsində inzibati xəta haqqında iş üzrə icraat aparılan şəxs məhkəmə iclasına gəlməmiş, gəlməmələrinin üzrlü səbəbləri barədə məhkəməyə məlumat verməmiş, eləcə də, onlardan işə baxılmasının təxirə salınması barədə vəsatət daxil olmamışdır. Məhkəmə işə inzibati xəta haqqında protokol tərtib etmiş orqanın nümayəndəsinin və barəsində inzibati xəta haqqında iş üzrə icraat aparılan şəxsin iştirakları olmadan baxılmasını mümkün hesab edir. Məhkəmə inzibati xəta haqqında protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulan əməli törətməsi tam sübuta yetirilir. Belə ki, iş materiallarında olan 25 oktyabr 2025-ci il tarixli, İXP ******* saylı inzibati xəta haqqında protokoldan görünür ki, Şəxs xx.xx.2025-ci il tarixdə saat 09:30-da idarə etdiyi “Mercedes Benz S500 Amg minik” markalı, **-UV-*** dövlət qeydiyyat nişanlı avtomobilini idarə edərkən Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətmişdir. İş materiallarında olan cinayət işinin başlanmasının rədd edilməsi haqqında xx.xx.2025-ci il tarixli qərardan görünür ki, Şəxs izahatında bildirmişdir ki, o BC kateqoriyalı sürücülük hüququna malikdir. xx.xx.2025-ci il tarixdə "xxxx" MMC-yə məxsus, icarəyə götürdüyü yol vərəqəsi əsasında idarə etdiyi Mercedes Benz markalı ** UV *** dövlət qeydiyyat nişanlı avtomobil ilə Səbail rayonu Zərifə Əliyeva küçəsi ilə 4-cü zolaqla 20-30 km/saat sürəti ilə hərəkətdə olan zaman həmin küçənin Bülbül prospekti ilə kəsişməsini keçdikdən sonra Z.Əliyeva küçəsində zolağı yavaş-yavaş sola doğru dəyişməyə başlamışdır ki, qarşıda sol tərəfdə yerləşən geyim mağazasının qarşısında saxlamışdır.Bu zaman dönmə işığını yandırıb zolağını dəyişmək üçün manver edərkən onunla eyni istiqamətdə sol tərəfi ilə hərəkət edən Volksfagen Passat markalı ** LP *** dövlət qeydiyyat nişanlı avtomobilin hərəkət zolağına doğru manver etmişdir. Bu zaman onun avtomobilinin ön sol tərəfi həmin avtomobilin sağ ön qapısına dəymişdir. Dərhal o avtomobili saxlamışdır. Digər avtomobil qarşıda dayanmış yük avtomobilinə dəyib istiqamətini dəyişib yolun sağ tərəfində dayanmışdır. O dərhal düşüb digər sürücünün səhhəti ilə maraqlanmışdır. Ciddi bir xəsarətinin olmadığını bildirmişdir. Qərarın təsviri hissəsində göstərilənlərə əsasən toplanmış materiallar üzrə cinayət tərkibi olmadığından cinayət işinin başlanması rədd edilmişdir. “Məhkəmə Tibbi Ekspertiza və Pataloji Anatomiya Birliyi”-nin xx.xx.2025-ci il tarixli, 424 №-li ekspert rəyindən görünür ki, Vət.M.V.Sadıqovun almış olduğu xəsarətlər – alın nahiyəsinin sol yarısının, sol qulaq seyvanının sırğalığının ön səthinin sıyrıqları, sol qulaq seyvanı sırğalığının arxa səthinin aşağı yarısının qançırı, burun sümüyünün qapalı yerdəyişməyən sınığı, burunun sol yan çəpərinin və sol yanaq-burun büküşü proyeksiyasının sıyrıqları bərk küt əşyanın (əşyaların) təsirindən törənmişdir, qərarın təsviri hissəsində göstərilən müddətdə və müayinə olunanın göstərdiyi şəraitdə, yəni xx.xx.2025-ci il tarixli avtomobil travması, o cümlədən hərəkətdə olan avtomaşınların toqquşması nəticəsində sürücü qismində əmələ gələ bilərdi və ümumilikdə sağlamlığın qısa müddətə pozulmasına səbəb olan sağlamlığa YÜNGÜL zərərvurmaya aiddirlər. Beləliklə, müəyyən edilmişdir ki, sürücü Şəxs "BC" dərəcəli sürücülük vəsiqəsi ilə idarə etdiyi "xxxx" MMC-yə məxsus Mercedes Benz markalı ** UV *** dövlət qeydiyyat nişanlı avtomobillə xx.xx.2025-ci il tarixdə saat 09:30 radələrində Bakı şəhəri, Səbail rayonu Zərifə Əliyeva küçəsi ərazisində 4-cü zolaqla 20-30 km/saat sürəti ilə hərəkətdə olan zaman həmin küçənin Bülbül prospekti ilə kəsişməsini keçdikdən sonra Z.Əliyeva küçəsində zolağı yavaş-yavaş sola doğru dəyişməyə başlamışdır ki, qarşıda sol tərəfdə yerləşən geyim mağazasının qarşısında saxlamışdır.Bu zaman dönmə işığını yandırıb zolağını dəyişmək üçün manver edərkən onunla eyni istiqamətdə sol tərəfi ilə hərəkət edən Volksfagen Passat markalı ** LP *** dövlət qeydiyyat nişanlı avtomobilin hərəkət zolağına doğru manver etmişdir. Bu zaman onun avtomobilinin ön sol tərəfi həmin avtomobilin sağ ön qapısına dəymişdir. Nəticədə digər sürücü M.V.Sadıqovun sağlamlığa YÜNGÜL zərərvurmaya aid bədən xəsarəti yetirməsi ilə nəticələnən yol nəqliyyat hadisəsi törətmişdir. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 327.8-ci maddəsinə əsasən bu Məcəllənin 327.1 - 327.6, 328 və 330cu maddələrində nəzərdə tutulmuş xətalar nəticəsində zərərçəkmiş şəxsin sağlamlığına yüngül bədən xəsarətinin yetirilməsinə görə - üç yüz manat məbləğində cərimə edilir və ya nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs məsuliyyətini yüngülləşdirən hallar müəyyən edilməmişdir. Azərbaycan Respublikasının İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Məhkəmə, Şəxs şəxsiyyətini xarakterizə edən halları, törətdiyi inzibati xətanın xarakterini, təqsirinin dərəcəsini, məsuliyyətini yüngülləşdirən və ağırlaşdıran halları nəzərə alaraq hesab edir ki, onun barəsində Azərbaycan Respublikasının İnzibati Xətalar Məcəlləsinin 327.8-ci maddəsinin sanksiyasında nəzərdə tutulmuş cərimə növündə inzibati tənbeh tədbirinin tətbiq edilməsi məqsədəmüvafiqdir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 25, 40, 43, 114-115, 128-130 və 327.8-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinərək barəsində 300 (üç yüz) manat məbləğində inzibati cərimə tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində qərarı qəbul etmiş Səbail Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti verilə bilər. Hakim Ülviyyə Şükürova