Bakı Şəhəri Səbail Rayon Məhkəməsi Qərar — İş №3(009)-37/2021

Azərbaycan Respublikası adından QƏRAR Bakı şəhəri İş № 3(009)-37/2021 13.01.2021 BAKI ŞƏHƏRİ SƏBAİL RAYON MƏHKƏMƏSİ Hakim Şükürova Ülviyyə Sahib qızının sədrliyi, Məmmədov Azər Rasim oğlunun katibliyi ilə, Şəxs MMC-nin Azərbaycan Respublikası İnzibati Xətalar Məcəlləsinin 347-ci maddəsi ilə təqsirləndirilməsinə dair inzibati xəta haqqında işə açıq məhkəmə iclasında baxaraq, məhkəmə MÜƏYYƏN ETDİ: Şəxs MMC-nin Azərbaycan Respublikası İXM-nin 347-ci maddəsi ilə nəzərdə tutulmuş inzibati xətanı törətməsinə dair xx xxxxxx 2020-ci il tarixli İXP seriyalı ******* nömrəli inzibati xəta haqqında protokol və ona əlavə edilmiş sənədlər Səbail Rayon Məhkəməsinə daxil olmuşdur. Səbail RPİ-nin DYPŞ-si tərəfindən tərtib edilmiş xx xxxxxx 2020-ci il tarixli İXP seriyalı ******* nömrəli inzibati xəta haqqında protokoldan görünür ki, Şəxs MMC onun mülkiyyətində (istifadəsində) olan “Lexus LX 570 minik” markalı, **-AV-*** dövlət qeydiyyat nişanlı nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatları səlahiyyətli orqanın bu barədə sorğusu daxil olduğu vaxtdan 5 gün müddətində verməmişdir. Bununla da X2 barəsində Azərbaycan Respublikası İXM-nin 347-ci maddəsi ilə nəzərdə tutulmuş inzibati xətanı törətməsinə dair protokol tərtib edilmişdir. İnzibati xəta haqqında protokolu tərtib etmiş Bakı şəhəri Səbail Rayon Polis İdarəsinin Dövlət Yol Polisi Şöbəsinə və Şəxs MMC-nə məhkəmə iclasının vaxtı və yeri barədə qanunla nəzərdə tutulmuş qaydada poçt vasitəsi ilə bildiriş göndərilmişdir. Lakin Bakı şəhəri Səbail Rayon Polis İdarəsinin Dövlət Yol Polisi Şöbəsinin və Şəxs MMC-nin nümayəndələri məhkəmə iclasına gəlməmiş və onlardan işə baxılmasının təxirə salınması barədə vəsatət daxil olmamışdır. Məhkəmə işə tərəflrin iştirakı olmadan baxılmasını mümkün hesab edir. Barəsində inzibati xəta haqqında protokol tərtib edilmiş Şəxs MMC-nin qanuni təmsiliçisi X1 məhkəməyə ərizə göndərərək göstərmişdir ki, Bakı şəhəri Səbail RPİ DYPŞ-nin "X4" MMCyə tərtib etdiyi inzibati xətaya dair protokol əsasında Bakı şəhəri Səbail Rayon Məhkəməsinin icraatında inzibati xəta haqqında işvardır. Qeyd edilən inzibati iş üzrə Bakı şəhəri Səbail RPİ DYPŞ "X4" MMC-nin Azərbaycan Respublikasının İXM-nin 347-ci maddəsinin tələblərini pozaraq inzibati orqan tərəfindən Cəmiyyətə ünvanlanan aidiyyəti sorğunun 5 gün ərzində cavablandırılmadığı iddia etməkdədir. Bildirmək istəyirik ki, Bakı şəhəri Səbail RPİ DYPŞ-nin iş üzrə iddiası tamamən əsassızdır, yəni "X4" MMC-yə Bakı şəhəri Səbail RPİ DYPŞ tərəfindən hər hansı bildiriş və ya sorğu daxil olmamışdır. Belə ki, "X4" MMC, AZ 1095 Bakı şəhəri, Səbail rayonu, Neftçilər prospekti 69 ünvanda fəaliyyət göstərməkdədir və cəmiyyətin həm hüquqi, hə də faktiki ünvanı qeyd edilən ünvandır. "X4" MMC-nin qeyd edilən ünvanına isə Bakı şəhəri Səbail RPİ DYPŞ tərəfindən heç bir sorğu, bildiriş daxil olmamışdır. Səbail RPİ DYPŞ aidiyyəti sorğusunu "X4" MMC-yə göndəriləsi faktı kimi əsaslandırdığı, iş materiallarında olan göndəriş qəbzi isə natamam qəbz olmaqla, göndərildiyi iddia edilən sorğunun hansı ünvana göndərildiyi, sorğunun kim tərəfindən qəbul edilməsi məlum deyildir. Yəni Səbail RPİ DYPŞ hər hansı naməlum bir ünvana hər hansı bir sorğu göndərmiş olsa belə həmin sorğunun Cəmiyyətin adından harada və kim tərəfindən qəbul edildiyi bizə məlum deyildir. Səbail RPİ DYPŞ-dən "X4" MMC-yə hər hansı sorğu ünvanlanması, ünvanlanış həmin sorğunu kimliyi bizə məlum olmayan mücərrəd bir şəxs tərəfindən guya ki "X4" MMC adından qəbul etməsinə dair, inzibati protokolu tərtib etmiş inzibati orqanın iddiası özündə əsaslı şübhə doğurmaqla yanaşı heç bir mötəbər əsasla da sübuta yetirilməmişdir. Belə ki, indiki halda məlum olan odur ki, Səbail RPİ DYPŞ "X4" MMC-yə guya ki, ünvanladığı məktubu hər hansı naməlum bir şəxsə təqdim etməklə həmin sorğunu aidiyyəti üzrə göndərilmiş və tərəfimizdən qəbul edilmiş hesab edərək, iddiası üzrə elə bu halı da əsaslandıraraq qanunsuz və əsassız protokol tərtib etmişdir. Bir daha qeyd edir ki, həqiqətən də Səbail RPİ DYPŞ-dən "X4" MMC-yə hər hansı sorğu ünvanlanmış olsa idi həmin sorğu tərəfimizdən dərhal cavablandırılardı. Səbail RPİ DYPŞ tərəfindən tərtib olunan, baxılması və inzibati cərimə tətbiq edilməsi üçün məhkəməyə göndərilmiş inzibati xəta haqqında protokolun qanuniliyini istinad etdikləri hal, yəni "inzibati orqanın daxil olmuş müvafiq sorğusuna 5 gün ərzində cavab verilməməsi" halını əsaslandırdıqları həmin sorğu qanunvericilikdə nəzərdə tutulmuş qaydada, ümumiyyətlə "X4" MMC-yə təqdim edilməmişdir. Göstərdiklərini nəzərə alaraq Bakı şəhəri Səbail Rayon Məhkəməsinin icraatında olan 3(009)- 3589/2020 saylı inzibati iş üzrə icraata xitam verilməsi barədə qərar qəbul edilməsi xahiş edilmişdir. Məhkəmə inzibati xəta haqqında protokolu, iş materiallarını və ona əlavə edilmiş sənədləri araşdırıb, toplanmış sübutlara məcmu halda hüquqi qiymət verərək hesab edir ki, Şəxs MMC-nin Azərbaycan Respublikasının İnzibati Xətalar Məcəlləsinin 347-ci maddəsində nəzərdə tutulan əməli törətməsi sübuta yetirilmir. Belə ki, iş materiallarında olan Səbail RPİ-nin Şəxs MMC-yə ünvanladığı sorğunun DİNnin DYPİ-nin portalının çıxarışından görünür ki, cəmiyyətə onun mülkiyyətində (istifadəsində) olan “Lexus LX 570 minik” markalı, **-AV-*** dövlət qeydiyyat nişanlı nəqliyyat vasitəsinin sürücüsü tərəfindən xx.xx.2020-ci il tarixdə saat 18:24-də Bakı-Mərdəkan-Bilgəh yolunda yolda müəyyən edilmiş hərəkət surətini 24 km/saat həddində aşdığından Azərbaycan Respublikası İXM-nin 328.2-ci maddəsilə nəzərdə tutulmuş inzibati xətanın törədilməsi barədə məlumat verilməklə, qeyd edilən inzibati xətanı törətmiş sürücü barəsində qanunvericiliklə nəzərdə tutulmuş tədbir görülməsi məqsədilə 5 gün müddətində Səbail RPİ-yə məlumat verilməsi ondan tələb edilmiş və göstərilən müddət ərzində məlumat verilmədiyi təqdirdə qanunvericiliklə nəzərdə tutulmuş inzibati məsuliyyət barədə xəbərdarlıq edilmişdir. İş materiallarında olan poçt göndərişinin verilməsi haqqında xəbərnamədən görünür ki, üzərində yalnız Şəxs MMC və Əfəndiyev imza vardır. Xəbərnamədə imza çəkmiş şəxsin kimliyi, Şəxs MMC-yə münasibəti və vəzifəsi qeyd edilməmişdir. Mövcud ziddiyyətlər qeyd olunan sorğunun cəmiyyətə həqiqətən çatdırılmasına şübhə doğurur. Belə ki, Azərbaycan Respublikası İXM-nin 57.3-cü maddəsinə əsasən sənədi çatdırmalı olan şəxs ünvan sahibini onun yaşadığı, yaxud işlədiyi yer üzrə tapmadıqda, həmin sənəd ünvan sahibi ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda ünvan sahibinin yaşayış yeri üzrə yerli özünüidarə orqanına, müvafiq icra hakimiyyəti orqanına, yaxud onun iş yerinin müdiriyyətinə verilir. Ünvan sahibinin əvəzinə sənədi qəbul etmiş şəxs qəbzdə və ya sənədin kötüyündə öz soyadını, adını, atasının adını, ünvan sahibinə münasibətini və ya tutduğu vəzifəni göstərməli və imkan olan kimi sənədi ünvan sahibinə verməlidir. Məhkəmə qeyd edir ki, hüquqi şəxsin mülkiyyətində və ya istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsi Azərbaycan Respublikası İXM-nin 347-ci maddəsinin tərkibini yaradır. Lakin Şəxs MMC-nin mülkiyyətində (istifadəsində) olan avtomobili idarə etmiş fiziki şəxs haqqında məlumat əldə olunması üçün müvafiq sorğunun şirkətə təqdim edilməsini (çatdırılmasını) təsdiq edən sübutlar biri-biri ilə ziddiyət təşkil etməklə natamamdır. Beləliklə də, Azərbaycan Respublikası İXM-nin 347-ci maddəsi ilə nəzərdə tutulmuş inzibati xətanın törədilməsi sübut edilməmişdir. Azərbaycan Respublikasının İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8.1-ci maddəsinəəsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 53.0.1-ci maddəsinə əsasən inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.2.1-ci maddəsinə əsasən həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə məhkəmə hesab edir ki, hazırkı iş üzrə barəsində protokol tərtib edilmiş hüquqi şəxsə münasibətdə təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) mövcud deyildir, onun əməlində inzibati məsuliyyətə səbəb ola biləcək inzibati xəta tərkibinin bütün əlamətləri mövcud deyildir. Ona görə də, Şəxs MMC barəsində Azərbaycan Respublikası İXM-nin 347-ci maddəsi ilə başlanılmış inzibati iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 40, 43, 114-115, 128-130 və 347-ci maddələrini rəhbər tutaraq, məhkəmə QƏRARA ALDİ: Şəxs MMC barəsində Azərbaycan Respublikasının İXM-nin 347-ci maddəsi ilə başlanılmış inzibati iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində qərarı qəbul etmiş Səbail Rayon Məhkəməsi vasitəsilə və ya birbaşa Bakı Apelyasiya Məhkəməsinə apelyasiya şikayəti verilə bilər. Hakim Ülviyyə Şükürova