Bakı Şəhəri Səbail Rayon Məhkəməsi Qərardad — İş №3(009)-590/2022

Azərbaycan Respublikası adından QƏRARDAD Bakı şəhəri İş № 3(009)-590/2022 18.03.2022 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Şükürova Ülviyyə Sahib qızı, “LM X1 ve İhracat Ticaret Limited” şirkətinin Azərbaycan Respublikasındaki Filialı barəsində Azərbaycan Respublikasının İnzibati Xətalar Məcəlləsinin 499.1.1-ci maddəsi ilə nəzərdə tutulmuş inzibati xətanı törətməsinə dair Dövlət Gömrük Komitəsi Bakı Baş Gömrük İdarəsi tərəfindən tərtib edilmiş inzibati xəta haqqında protokola baxaraq, MÜƏYYƏN ETDİ: “LM X1 ve İhracat Ticaret Limited” şirkətinin Azərbaycan Respublikasındaki Filialının Azərbaycan Respublikasının İXM-nin 499.1.1-ci maddəsi ilə nəzərdə tutulmuş inzibati xətanı törətməsinə dair 15 mart 2022-ci il tarixli, 00100-0515/22 nömrəli inzibati xəta haqqında protokol və ona əlavə edilmiş sənədlər məhkəməyə daxil olmuşdur. İnzibati xəta haqqında protokolu və digər materialları araşdıraraq hesab edirəm ki, iş baxılması üçün aidiyyəti üzrə Bakış şəhəri Yasamal Rayon Məhkəməsinə göndərilməlidir. Belə ki, Azərbaycan Respublikası Konstitusiya Məhkəməsinin Plenumunun “Azərbaycan Respublikası İnzibati Xətalar Məcəlləsinin 110.1-ci maddəsinin şərh edilməsinə dair” 17.03.2021-ci il tarixli Qərarının 2-ci bəndinə əsasən Azərbaycan Respublikası İnzibati Xətalar Məcəlləsinin 110.1-ci maddəsinin tələblərinə müvafiq olaraq gömrük qaydaları əleyhinə olan inzibati xəta hərəkətsizlik formasında törədildiyi halda, işə qanunvericiliklə hüquqi şəxsin üzərinə düşən öhdəliyi icra etməli olduğu yer üzrə baxılmalıdır. İnzibati xəta haqqında protokolda qeyd olunmuşdur ki, “LM X1 ve İhracat Ticaret Limited” şirkətinin Azərbaycan Respublikasındaki Filialının tərəfindən 1 ədəd hesablayıcı maşınına və ya şəbəkəyə qoşulma imkanı olan “Heidelberg” markalı ofset çap maşınını və 1 ədəd tikişsiz bərkitmə maşınları yüklərini Bakı şəhər Bş Gömrük İdarəsində 22.02.2021-ci il tarixdə **********2659 və **********2661 sorğu nömrəli gömrük bəyənnaməlləri ilə müvəqqəti idxal xüsusi gömrük proseduru altında bəyan edərək, 22.02.2022-ci il tarixədək 1 il müddətinə Böyük Britaniyadan Azərbaycan Respublikasına müvəqqəti olaraq gətirilmiş, lakin malın ölkə ərazisindən aparılmamüddəti 22.02.2022-ci il tarix müəyyən edilsə də, qeyd edilən mallar Azərbaycan Respublikasının gömrük ərazisindən aparılmamış, malların öhdəlik müddəti bitdikdən 10 gün sonra 04.03.2022-ci il tarixdə **********5462 və **********5464 sorğu nömrəli gömrük bəyənnamələri ilə bəyan edilərək Sərbəst dövriyyə üçün buraxılış gömrük proseduru altında yerləşdirilmişdir. Buna görə də inzibati xəta haqqında protokolu tərtib etmiş orqan hesab etmişdir ki, bununla LM X1 ve İhracat Ticaret Limited” şirkətinin Azərbaycan Respublikasındaki Filialı üzərinə düşən öhdəliyi icra etməyərək hərəkətsizliklə Azərbaycan Respublikası İXM-nin 499.1.1-ci maddəsi ilə nəzərdə tutulmuş inzibati xətanı törətmişdir. Nəzərə alsaq ki, LM X1 ve İhracat Ticaret Limited” şirkətinin Azərbaycan Respublikasındaki Filialı qeyd olunan inzibati xətanı üzərinə düşən öhdəliyi hüquqi ünvanında müvafiq tədbir görməməklə (burada, müvafiq gömrük bəyannaməsini səlahiyyətli gömrük orqanına təqdim etməməklə, başqa halda müddətin uzadılmasına dair səlahiyyətli gömrük orqanına müraciəti təqdim etmədikdə) hərəkətsizliyə yol vermişdir, belə olan halda, inzibati xəta hadisəsi hüquqi şəxsin ünvanında baş vermişdir. İş materiallarında olan vergi ödəyiçilərinin məlumatları haqqında çıxarışdan görünür ki, LM X1 ve İhracat Ticaret Limited” şirkətinin Azərbaycan Respublikasındaki Filialının hüquqi ünvanı ünvan 1 aidiyyəti üzrə Yasamal Rayon Məhkəməsində baxılmalıdır. Azərbaycan Respublikasının İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Azərbaycan Respublikasının İXM-nin 109.1.7-ci maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, inzibati xəta haqqında protokolun aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarılır. Qeyd olunanlara əsasən hesab edirəm ki, inzibati xəta haqqında protokola Səbail rayon Məhkəməsində baxılması üçün hüquqi əsaslar olmadığından inzibati xəta haqqında iş aidiyyəti üzrə baxılması üçün Bakı şəhəri Yasamal Rayon Məhkəməsinə göndərilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 109.1.7, 110 və 118-ci maddələrini rəhbər tutaraq, QƏRARA ALDİ: “LM X1 ve İhracat Ticaret Limited” şirkətinin Azərbaycan Respublikasındaki Filialı tərəfindən Azərbaycan Respublikasının İnzibati Xətalar Məcəlləsinin 499.1.1-ci maddəsi ilə nəzərdə tutulmuş inzibati xətanının törədilməsinə dair Dövlət Gömrük Komitəsi Bakı Baş Gömrük İdarəsi tərəfindən tərtib edilmiş 15 mart 2022-ci il tarixli, 00100-0515/22 nömrəli inzibati xəta haqqında protokol və ona əlavə edilmiş sənədlər baxılması üçün aidiyyəti üzrə Bakı şəhəri Yasamal Rayon Məhkəməsinə göndərilsin. Hakim Ülviyyə Şükürova