Bakı Şəhəri Səbail Rayon Məhkəməsi Qərardad — İş №3(009)-601/2022

Azərbaycan Respublikası adından QƏRARDAD Bakı şəhəri İş № 3(009)-601/2022 17.03.2022 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Tağıyev Azər Ramiz oğlunun sədrliyi, X3 qızının katibliyi ilə, Azərbaycan Respublikası Daxili İşlər Nazirliyinin Baş X5 İdarəsinin EQ ******* saylı, 06 iyun 2019-cu il tarixli inzibati tənbeh vermə haqqında qərarından X4 oğlunun şikayətinə məhkəmə binasında açıq məhkəmə iclasında baxaraq, məhkəmə, MÜƏYYƏN ETDİ: Azərbaycan Respublikası Daxili İşlər Nazirliyinin Baş X5 EQ ******* saylı, 06 iyun 2019-cu il tarixli inzibati tənbeh vermə haqqında qərarından X4 oğlunun şikayəti məhkəməyə daxil olmuşdur. Belə ki, Azərbaycan Respublikası Daxili İşlər Nazirliyinin Baş X5 İdarəsinin EQ ******* saylı, 06 iyun 2019-cu il tarixli inzibati tənbeh vermə haqqında qərarından X4 oğlunun verdiyi şikayəti 17 mart 2022-ci il tarixdə məhkəməyə daxil olmuşdur və bununla da qanunvericilikdə nəzərdə tutulmuş müddət ötürmüşdür. Eyni zamanda qeyd olunan qərar iş materiallarına əlavə olunmamışdır. Azərbaycan Respublikası İnzibati Xətalar Məcəlləsinin 128.1-ci maddəsinə əsasən, barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Azərbaycan Respublikası İnzibati Xətalar Məcəlləsinin 130-cu maddəsinə əsasən, Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Buraxılmış müddətin bərpası qeyri-mümkün hesab edildikdə, bu halda vəsatəti rədd etmə haqqında qərardad qəbul edilir. Göstərilənləri nəzərə alaraq məhkəmə hesab edir ki, X4 oğlunun Baş X5 İdarəsinin EQ ******* saylı inzibati tənbeh vermə haqqında qərarından verdiyi şikayət ərizəsi, şikayət verilmə müddəti ötürülməklə verildiyindən, ona əlavə edilmiş materiallar geri qaytarılmalı, X4 oğluna ötürülmüş müddətin bərpası ilə bağlı ərizə ilə məhkəməyə müraciət etmək hüququnun olması izah olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 129.1.3-cü maddələrini rəhbər tutaraq, məhkəmə QƏRARA ALDİ: X4 oğlunun Azərbaycan Respublikası Daxili İşlər Nazirliyinin Baş X5 İdarəsinin EQ ******* saylı, 06 iyun 2019-cu il tarixli inzibati tənbeh vermə haqqında qərarından şikayəti ona geri qaytarılsın. X2 ötürülmüş müddətin bərpası ilə bağlı ərizə ilə məhkəməyə müraciət etmək hüququnun olması izah olunsun. HAKİM: AZƏR TAĞİYEV