Bakı Şəhəri Səbail Rayon Məhkəməsi Qərar — İş №3(009)-703/2022

Azərbaycan Respublikası adından QƏRAR Bakı şəhəri İş № 3(009)-703/2022 06.04.2022 BAKI ŞƏHƏRİ SƏBAİL RAYON MƏHKƏMƏSİ Hakim Bağırova Mədinə Ağacavad qızının sədrliyi, Əlizadə Hüseyn Oktay oğlunun katibliyi, Səbail RPİ-nin 41-ci PB-nin sahə inspektoru, polis kapitanı Ruslan Şərifovun, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1997-ci ildə Ağsu rayonunda anadan olmuş, Ağsu rayonu, Mustafalı kəndində qeydiyyatda olan, Xudur qəsəbəsi, nömrəsi evdə kirayə qalan, orta təhsilli, subay, əvvəllər məhkumluğu olmayan Şəxs barəsində Bakı şəhər Səbail RPİ-nin 41-ci Polis Bölməsindən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyi Bakı şəhəri Səbail Rayon Polis İdarəsinin 41-ci X3 Rayon Məhkəməsinə Şəxs Azərbaycan Respublikası İnzibati Xətalar Məcəlləsinin 227-ci maddəsi ilə inzibati məsuliyyətə cəlb edilməsinə dair material daxil olmuşdur. İş materiallarında olan 06 aprel 2022-ci il tarixdə tərtib edilmiş MN seriyalı, ******* saylı inzibati xəta haqqında protokoldan görünür ki, Şəxs 03.04.2022-ci il tarixdə Badamdar qəsəbəsində yerləşən “Tava” adlanan restorandan “Redmi Note 9” markalı mobil telefonu oğurlamışdır. Məhkəmə iclasında iştirak edən inzibati xəta haqqında protokol tərtib etmiş şəxs Ruslan Şərifov inzibati xəta haqqında protokolda göstərilənləri təsdiqləyərək bildirmişdir ki, Şəxs, 03.04.2022-ci il tarixdə, Badamdar qəsəbəsində yerləşən “Tava” adlanan restoranın mətbəxindən X2 məxsus “Redmi Note 9” markalı mobil telefonu oğurlamışdır. Ona görə də, Şəxs Azərbaycan Respublikası İnzibati Xətalar Məcəlləsinin 227-ci maddəsinə uyğun olaraq inzibati məsuliyyətə cəlb edilməsini məhkəmədən xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirdi ki, o, azyaşlı qızı və anası ilə birlikdə Ağsu rayonu, Mustafalı kəndində yaşayır. O, iş axtarmaq üçün Bakı şəhərinə gəlmiş, 03.04.2022-ci il tarixdə, Badamdar qəsəbəsinə gəlib, iş tapmaq üçün orada yerləşən bir neçə kafeyə yaxınlaşmış, kafelərdən biri onu 1 günlük xadiməçi kimi işə götürmüşdür. Həmin kafedə o, 4-5 saat işlədikdən sonra kafenin mətbəxinə girmiş, orada işləyən qadının telefonunu götürüb, kafedən çıxıb getmiş, həmin telefonu 20 Yanvarda tanımadığı şəxsə 120 manata satmışdır. O, uşağı xəstə olduğuna görə bu əməli etməyə məcbur qalmış, pulu da orada olan sürücülərdən biri ilə kəndə yollamışdır. O, ertəsi günü bu vəziyyəti telefonunu götürdüyü qadına başa salmaq və ondan üzr istəmək üçün həmin kafeyə gedərkən polis tərəfindən saxlanılmışdır. O, törətdiyi əmələ görə özünü təqsirli bilir, əməlindən səmimi peşmandır. Ona görə də bunun nəzərə alınmasını və ona yüngül cəza verilməsini məhkəmədən xahiş etmişdir. İş materiallarında olan Səbail RPİ-nin 41-ci PB-nin tədqiqatçısı, polis leytenantı Ənvər Məlikovun cinayət işinin başlanılmasının rədd edilməsi və şəxsin inzibati məsuliyyətə cəlb edilməsi barədə 05.04.2022-ci il tarixli qərarından görünür ki, X1 şikayət ərizəsi əsasında toplanmış material üzrə cinayət işinin başlanmasının rədd edilməsi, qərarın təsvir hissəsində göstərilənlərə əsasən vətəndaş X2 məxsus olan “Redmi Note 9” markalı telefonu oğurlayan vətəndaş Şəxs barəsində Azərbaycan Respublikası İXM-nin 227-ci maddəsi ilə inzibati tənbeh tədbirləri görülməsi məqsədi ilə qərarın müvafiq əməkdaşa həvalə edilməsi üçün təhqiqat orqanının rəhbərinə təqdim edilməsi qərara alınmışdır. İş materiallarında olan inzibati qaydada tutma haqqında protokoldan görünür ki, Şəxs 05 aprel 2022-ci il tarixdə, saat 11:05 radələrində inzibati qaydada tutulmuşdur. İnzibati xəta haqqında işin materiallarını tədqiq edərək, barəsində inzibati xəta haqqında icraat aparılan şəxsi dinləyərək məhkəmə hesab edir ki, Şəxsnun təqsiri sübuta yetir və onun törətdiyi əməl Azərbaycan Respublikası İnzibati Xətalar Məcəlləsinin 227-ci maddəsi ilə düzgün tövsif olunmaqla o, həmin maddənin sanksiyası həddində cəzalandırılmalıdır. Azərbaycan Respublikasının İnzibati Xətalar Məcəlləsinin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikasının İnzibati Xətalar Məcəlləsinin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati Xətalar Məcəlləsinin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Göstərilənlərə əsasən məhkəmə hesab edir ki, Şəxsnun əməlində Azərbaycan Respublikası İnzibati Xətalar Məcəlləsinin 227-ci maddəsinin tərkibi var, qeyd olunan maddənin tələbini, inzibati işin hallarını, inzibati xətanın xarakterini nəzərə alaraq Şəxs barəsində Azərbaycan Respublikası İnzibati Xətalar Məcəlləsinin 227-ci maddəsinin sanksiyası çərçivəsində 170 (yüz yetmiş) saat ictimai işlər növündə inzibati tənbeh tətbiq edilməlidir. Azərbaycan Respublikasının İnzibati Xətalar Məcəlləsinin 40, 43, 48-51, 115, 128-130-cu maddələrini rəhbər tutaraq məhkəmə QƏRARA ALDİ: Şəxs hərəkətlərində İnzibati Xətalar Məcəlləsinin 227-ci maddəsinin tərkibi var və onun barəsində 170 (yüz yetmiş) saat ictimai işlər növündə inzibati tənbeh tətbiq edilsin. Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın surəti rəsmi qaydada verildiyi gündən 10 gün müddətində Bakı Apellyasiya Məhkəməsinə şikayət verilə bilər Hakim Mədinə Bağırova