Bakı Şəhəri Səbail Rayon Məhkəməsi Qərar — İş №3(009)-706/2021

Azərbaycan Respublikası adından QƏRAR Bakı şəhəri İş № 3(009)-706/2021 07.04.2021 BAKI ŞƏHƏRİ SƏBAİL RAYON MƏHKƏMƏSİ Hakim Səmədova Günel Kamil qızının sədrliyi, Nəsibov Pərviz Novruz oğlunun katibliyi ilə, Barəsində inzibati xəta haqqında protokol tərtib edilmiş Şəxs BM-in vəkili X1 iştirakları ilə, Şəxs BM-in Azərbaycan Respublikası İnzibati Xətalar Məcəlləsinin 499.1.1-ci maddəsi ilə nəzərdə tutulmuş inzibati xətanı törətməsinə dair Azərbaycan Respublikası Dövlət Gömrük Komitəsi Bakı Baş Gömrük İdarəsinin Əməliyyat və Təhqiqat İdarəsinin Təhqiqat Şöbəsi tərəfindən tərtib edilmiş protokola və ona əlavə edilmiş materiala açıq məhkəmə iclasında baxaraq, məhkəmə MÜƏYYƏN ETDİ: Şəxs BM-in Azərbaycan Respublikası İXM-nin 499.1.1-ci maddəsi ilə nəzərdə tutulmuş inzibati xətanı törətməsinə dair Azərbaycan Respublikası Dövlət Gömrük Komitəsi Bakı Baş Gömrük İdarəsinin Əməliyyat və Təhqiqat İdarəsinin Təhqiqat Şöbəsi tərəfindən tərtib edilmiş xx xxxx 2021-ci il tarixli 00100-0463/21 nömrəli inzibati xəta haqqında protokol və ona əlavə edilmiş materiallar aidiyyəti üzrə baxılması üçün məhkəməyə göndərilmişdir. İnzibati xəta haqqında protokoldan görünür ki, hüquqi şəxs Şəxs (VÖEN **********) xx xxxxxx 2020-ci il tarixdə Bakı Baş Gömrük İdarəsində **********5269, **********5205, **********5176, **********5252, **********5224, **********5287, **********5433 sorğu nömrəli xx.xx.2020-ci il tarixli Gömrük bəyannamələri ilə “müvəqqəti idxal” xüsusi görmük prosedurunda yerləşdirməklə Azərbaycan Respublikasından müvəqqəti gətirilmiş, gömrük ərazisindən çıxarılmalı olan malları öhdəliyin son tarixi - xx xxxxxx 2021-ci il tarixədək geri qaytarmalı, başqa gömrük prosedurunda yerləşdirməli və ya müvəqqəti idxal müddətini uzatmalı olduğu halda, bu müddəti 12 gün, yəni on beş gün müddətədək gecikdirməklə xx xxxx 2021-ci il tarixdə “müvəqqəti idxal müddətinin 1 il müddətinə uzadılmasına dair” Bakı Baş Gömrük İdarəsinə xx/xx/006928 nömrə ilə qeydə alınmış AF-100-L-1720 nömrəli xx xxxx 2021-ci il tarixli müraciət ünvanlayaraq müvəqqəti idxal qaydalarını pozmuşdur. Nəticədə hüquqi şəxs Şəxs BM tərəfindən Azərbaycan Respublikasının İnzibati Xətalar Məcəlləsinin 499.1.1-ci maddəsində nəzərdə tutulmuş inzibati xəta törədilmişdir. Məhkəmə iclasında iştirak edən barəsində inzibati xəta haqqında protokol tərtib edilmiş Şəxs BM-nin nümayəndəsi və vəkili X3 inzibati xəta haqqında protokola etiraz etməyərək göstərmişdir ki, “BP” şirkətindən müvafiq məktub alıb DGK-dan azadolma sertifikatı almaq istəmişlər, lakin həmin məktub pandemiyaya görə vaxtında onlara verilməmişdir. Ona görə də müddətə riayət edib rəsmiləşdirməni davam etdirməmişlər. Protokol tərtib etmiş Azərbaycan Respublikası Dövlət Gömrük Komitəsi Bakı Baş Gömrük İdarəsinə məhkəmə iclasının vaxtı və yeri barədə qanunla nəzərdə tutulmuş qaydada poçt vasitəsi ilə bildiriş göndərilmişdir. Lakin protokol tərtib etmiş orqanın nümayəndəsi məhkəmə iclasına gəlməmiş və onlar tərəfindən işə baxılmasının təxirə salınması barədə vəsatət daxil olmamışdır. Məhkəmə inzibati xəta haqqında protokol tərtib etmiş orqanın nümayəndəsinin iştirakı olmadan işə baxılmasını mümkün hesab etmişdir. Məhkəmə, iş materiallarını araşdırıb, toplanmış sübutlara məcmu halda hüquqi qiymət verərək hesab edir ki Şəxs BM -nin Azərbaycan Respublikasının İXM-nin 499.1.1-ci maddəsində nəzərdə tutulan əməli törətməsi tam sübuta yetirilir. Belə ki, iş materiallarına əlavə edilmiş Bakı Baş Gömrük İdarəsinin Əməliyyat və Təhqiqat İdarəsinin rəisi tərəfindən tərtib edilmiş raportdan görünür ki, Şəxs (VÖEN **********) xx xxxxxx 2020-ci il tarixdə Bakı Baş Gömrük İdarəsində **********5269, **********5205, **********5176, **********5252, **********5224, **********5287, **********5433 sorğu nömrəli xx.xx.2020-ci il tarixli Gömrük bəyannamələri ilə “müvəqqəti idxal” xüsusi görmük prosedurunda yerləşdirməklə Azərbaycan Respublikasından müvəqqəti gətirilmiş, gömrük ərazisindən çıxarılmalı olan malları öhdəliyin son tarixi - xx xxxxxx 2021-ci il tarixədək geri qaytarmalı, başqa gömrük prosedurunda yerləşdirməli və ya müvəqqəti idxal müddətini uzatmalı olduğu halda, bu müddəti 12 gün gecikdirməklə, yəni on beş müddətədək gecikdirməklə xx xxxx 2021-ci il tarixdə “müvəqqəti idxal müddətinin 1 il müddətinə uzadılmasına dair” Bakı Baş Gömrük İdarəsinə xx/xx/006928 nömrə ilə qeydə alınmış AF-100-L-1720 nömrəli xx xxxx 2021-ci il tarixli müraciət ünvanlayaraq müvəqqəti idxal qaydalarını pozmuşdur. (bununla əlaqədar məsələnin araşdırılması üçün müvafiq şöbəyə göstəriş verilməsi xahiş olunmuşdur). İş materiallarında olan Şəxs BM-nin AZF-100-L1720 nömrəli xx.xx.2021-ci il tarixli ərizəsindən görünür ki, Şəxs BM-nin adına **********5433, **********5287, **********5269, **********5252, **********5224, **********5205, **********5176 saylı GB-lərinə uyğun olaraq “müvəqqəti idxal” xüsusi gömrük prosedurunda rəsmiləşdirilmiş yüklərin müddətinin 1 (bir) il uzadılmasına icazə verilməsi məqsədi ilə Bakı Baş Gömrük İdarəsinə müraciət edilmişdir. İş materiallarında olan Şəxs BM-ninnümayəndəsi X2 izahatından görünür ki, Şəxs BM tərəfindən Bakı Baş Gömrük İdarəsinə təqdim edilən **********5269, **********5205, **********5176, **********5252, **********5224, **********5287, **********5433 sorğu nömrəli xx.xx.2020-ci il tarixli Gömrük bəyannamələrinə əsasən “müvəqqəti idxal” xüsusi gömrük prosedurunda yerləşdirilmiş malların müvəqqəti idxal müddətinin son tarixi xx xxxxxx 2021-ci il müəyyən edilmişdir. Bu müddət onlar tərəfindən pozulmuşdur. Həmin müddət keçdikdən sonra bu gün müddəti uzatmaqla bağlı Bakı Baş Gömrük İdarəsinə müraciət edilmişdir. “BP” şirkətindən müvafiq məktub alıb DGK-dan azadolma sertifikatı almaq istəmişlər, lakin həmin məktub pandemiyaya görə vaxtında onlara verilməmişdir. Ona görə də müddətə riayət edib rəsmiləşdirməni davam etdirməmişlər, buna görə də müddətin uzadılmasına zərurət yaranmışdır. Bununla belə müddət uzadılmasına dair müraciəti müddət ötdükdən sonra təqdim etmişlər. Gömrük qaydalarının pozulduğunu başa düşürlər. Cəriməni ödəməyə hazır olduqlarını bildirmişdir. Beləliklə, məhkəmə iş üzrə sübutlara məcmu halında qiymət verərək hesab edir ki, barəsində inzibati xəta haqqında iş üzrə icraat aparılan hüquqi şəxs Şəxs BM Azərbaycan Respublikasının İXM-nin 499.1.1-ci maddəsində nəzərdə tutulmuş inzibati xətanı törətməkdə təqsirli bilinib, barəsində inzibati tənbeh tədbiri tətbiq edilməlidir. Belə ki, Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 18.1-ci maddəsinə görə hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. Həmin Məcəllənin 18.5-ci maddəsinə görə hüquqi şəxs barəsində inzibati tənbeh yalnız hakim tərəfindən tətbiq edilir. Azərbaycan Respublikasının İnzibati Xətalar Məcəlləsinin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.5-ci maddəsinə əsasən inzibati tənbehin tətbiq edilməsi həmin inzibati tənbehə səbəb olmuş öhdəliklərin yerinə yetirilməsindən şəxsi azad etmir. Azərbaycan Respublikası İnzibati Xətalar Məcəlləsinin 499.1.1-ci maddəsinə əsasən Azərbaycan Respublikasının gömrük ərazisindən kənara aparılması və ya bu əraziyə qaytarılması məcburi olan, əvvəllər müvəqqəti gətirilmiş və ya aparılmış mallar və ya nəqliyyat vasitələrinin müəyyən olunmuş müddətlər pozulmaqla Azərbaycan Respublikasının gömrük ərazisindən kənara aparılmasına və ya bu əraziyə qaytarılmasına görə, yəni: on beş günədək müddətə gecikdirilməklə Azərbaycan Respublikasının gömrük ərazisindən kənara aparılmasına və ya qaytarılmasına görə fiziki şəxslər yüz əlli manat məbləğində, vəzifəli şəxslər üç yüz manat məbləğində, hüquqi şəxslər altı yüz manat məbləğində cərimə edilir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən İnzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Eyni zamanda Azərbaycan Respublikası İnzibati Xətalar Məcəlləsinin 84.1-ci maddəsinə əsasən İnzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə törədilmiş inzibati xətanın hallarını nəzərə alaraq hesab edir ki, Şəxs BM Azərbaycan Respublikasının İXM-nin 499.1.1-ci maddəsi ilə təqsirli bilinərək onun barəsində həmin maddənin sanksiyasında nəzərdə tutulmuş cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikasının İXM-nin 40, 43,114-117 və 499.1.1-ci maddələrini rəhbər tutaraq, məhkəmə QƏRARA ALDİ: Şəxs BM Azərbaycan Respublikası İnzibati Xətalar Məcəlləsinin 499.1.1-ci maddəsi ilə təqsirli bilinsin və 600 (altı yüz) manat məbləğində inzibati cərimə edilsin. Qərardan, surəti təqdim edildiyi və ya alındığı gündən 10 (on) gün müddətində Səbail Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim Günel Səmədova