Bakı Şəhəri Səbail Rayon Məhkəməsi Qərar — İş №3(009)-895/2021

Azərbaycan Respublikası adından QƏRAR Bakı şəhəri İş № 3(009)-895/2021 19.04.2021 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Qafarova Rəna Nazim qızının sədirliyi, Paşazadə Pərvin Kamandar oğlunun katibliyi, Bakı şəhəri Səbail RPİ-nin 41-ci polis bölməsinin sahə inspektoru, polis mayoru X2, Zərərçəkmiş şəxs X1, Barəsində inzibati xəta haqqında icraat aparılan şəxs Şəxs oğlunun iştirakları ilə, xx.xx.1970-ci il tarixdə Bakı şəhərində anadan olmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulmuş inzibati xəta haqqında materiala baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyi Səbail Rayon Polis İdarəsi 41-ci PBdən Azərbaycan Respublikası İnzibati Xətalar Məcəlləsinin 227-ci maddəsinə əsasən Şəxs barəsində tərtib olunmuş inzibati material, baxılması üçün Bakı şəhəri Səbail Rayon Məhkəməsinə göndərilmişdir. İş materiallarında olan xx xxxxx 2021-ci il tarixdə tərtib edilmiş MN seriyalı, ******* saylı inzibati xəta haqqında protokoldan görünür ki, Şəxs xx.xx.2021-ci il tarixdə ünvan 2 ünvanında yerləşən “Araz” marketdən “Anchor” kərə yağı oğurlamışdır. İş materiallarında olan Səbail RPİ-nin 41-ci PB-nin baş təhqiqatçısı, polis mayoru Fərrux Tarverdiyev tərəfindən qəbul edilmiş xx xxxxx 2021-ci il tarixli qərarla fakt üzrə cinayət işi başlanması rədd edilmişdir. Həmin qərarın təsviri hissəsindən görünür ki, Şəxs xx.xx.2021-ci il tarixdə saat 10.20 radələrində “Araz” marketdən 2 ədəd 500 qramlıq “Anchor” kərə yağı oğurlayıb çıxarkən marketin işçiləri tərəfindən saxlanılaraq yağ əlindən alınmışdır. Bundan sonra “Araz” marketin kameralarının yaddaşına baxan zaman müəyyən edilmişdir ki, Şəxs xx.xx.2021-ci il tarixdən indiyə kimi hissə-hissə olmaqla marketdən 10 ədəd 500 qramlıq “Anchor” kərə yağı oğurlamış və onlara ümumilikdə 79 manat maddi ziyan vurmuşdur. İş materiallarında olan inzibati qaydada tutma haqqında protokoldan görünür ki, Şəxs xx xxxxx 2021-ci il tarixdə, saat 10:50 radələrində inzibati qaydada tutulmuşdur. Məhkəmə iclasında iştirak edən inzibati xəta haqqında protokol tərtib etmiş şəxs Bakı şəhəri Səbail RPİ-nin 41-ci polis bölməsinin sahə inspektoru, polis mayoru X4 inzibati xəta haqqında protokolda göstərilənləri təsdiqləyərək, Şəxs Azərbaycan Respublikası İnzibati Xətalar Məcəlləsinin 227-ci maddəsinə uyğun olaraq inzibati məsuliyyətə cəlb edilməsini məhkəmədən xahiş etmişdir. Məhkəmə iclasında iştirak edən zərərçəkmiş şəxs X3 izahatında bildirmişdir ki, o, xx.xx.2019-cu il tarixdən ünvan 3 ünvanında yerləşən “Araz” marketin müdiri vəzifəsində işləyir. O, xx.xx.2021-ci il tarixdə saat 10.30 radələrində yaşadığı evdə olan zaman mağazada mühafizəçi işləyən Nizami İbrahimov ona zəng edərək bir nəfər şəxsin 2 ədəd 500 qramlıq “Anchor” kərə yağı oğurlayıb marketdən çıxmaq istədikdə saxladığını bildirmişdir. O, bu barədə polisə məlumat vermiş və polis əməkdaşları həmin şəxsi polis bölməsinə gətirmişlər. Sonra isə özü bu barədə ərizə yazmaq qərarına gəlmişdir. O, marketdə olan yağların azaldığından şübhələnərək marketin video müşahidə kamerasının yaddaşına baxan zaman həmin şəxsin yəni Şəxs tərəfindən bir neçə dəfə yəni xx.xx.2021ci il tarixdə 2 ədəd, xx.xx.2021-ci il tarixdə 2 ədəd, xx.xx.2021-ci il tarixdə 2 ədəd, xx.xx.2021-ci il tarixdə 2 ədəd və xx.xx.2021-ci il tarixdə isə 2 ədəd 500 qramlıq “Anchor” kərə yağını oğurladığını aşkar etmişdir. Həmin şəxs onların bildiyinə görə bu vaxt ərzində 10 ədəd 500 qramlıq “Anchor” kərə yağı oğurlamış, hər bir 500 qramlıq “Anchor” kərə yağının qiyməti isə 7.90 manat olmaqla ümumilikdə 79 manat dəyərində yağ oğurlamışdır. Şəxs vurduğu maddi ziyanı ödəməmişdir. Göstərilənləri nəzərə alaraq Şəxs barəsində qanuni tədbir görülməsini xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs törətdiyi inzibati xətanı etiraf edərək, izahatında bildirmişdir ki, o, xx.xx.2021-ci il tarixdə saat 10.20 radələrində ünvan 3 ünvanında yerləşən “Araz” marketə getmiş, onun pulu olmadığı üçün yağ olan rəfə yaxınlaşaraq 2 ədəd 500 qramlıq “Anchor” kərə yağını rəfdən görürərək şalvarının ön tərəfinə kəmərinin altına keçirərək üzərini köynəyi ilə örtüb marketdən çıxmaq istədikdə mühafizəçi ona yaxınlaşaraq onu otağa dəvət etmiş, otaqda ona nə götürdüyünü soruşduqda o, oğurladığı 2 ədəd “Anchor” yağını çıxarıb onlara vermişdir. Sonra polis əməkdaşları gələrək onu 41-ci PB-nə gətirmişlər. Onun həmin yağları götürməkdə məqsədi yağları oğurlayıb evə aparmaq olmuşdur. Hazırda əməlindən səmimi peşman olduğunu, eləcə də dəymiş ziyanı ödəyəcəyini nəzərə alaraq, ona yüngül inzibati tənbeh verilməsini xahiş etmişdir. Məhkəmə proses iştirakçılarının izahatlarını dinləyib və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməsi tam sübuta yetirilir. Azərbaycan Respublikasının İnzibati Xətalar Məcəlləsinin 227-ci maddəsinə əsasən, Xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən Bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Həmin Məcəllənin 32.1.1-ci maddəsinə əsasən, inzibati xəta törətmiş şəxsin səmimi peşmançılığı inzibati tənbeh tətbiq edilərkən məsuliyyəti yüngülləşdirən hal hesab edilir. Məhkəmə, Şəxs əməlindən peşman olmasını məsuliyyəti yüngülləşdirən hal kimi nəzərə alır. Məhkəmə, Şəxs barəsində inzibati tənbeh tətbiq edərkən işin hallarını, törətdiyi inzibati xətanın xarakterini, təqsirinin dərəcəsini, o cümlədən məsuliyyəti yüngülləşdirən halı nəzərə alaraq, Şəxs cəmiyyətdən təcrid edilmədən islah edilməsini mümkün hesab etmir və onun barəsində Azərbaycan Respublikasının İXM-nin 227-ci maddəsinin sanksiyasında nəzərdə tutulmuş 25 (iyirmi beş) gün müddətinə inzibati həbs tənbeh tədbirinin tətbiq edilməsinin qanuni və əsaslı olması ilə yanaşı, həm də inzibati tənbehin məqsədinə uyğun olması nəticəsinə gəlir. Qeyd edilənləri nəzərə alaraq məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətanı törətməkdə təqsirli bilinməli və barəsində 25 (iyirmi beş) gün müddətinə inzibati həbs tətbiq edilməli və inzibati həbs müddətinin əvvəli xx xxxxx 2021-ci il tarixdən, saat 10:50-dən hesablanmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə təqsirli bilinsin və barəsində 25 (iyirmi beş) gün müddətə inzibati həbs tətbiq edilsin. İnzibati həbs müddətinin əvvəli xx xxxxx 2021-ci il tarixdən, saat 10:50-dən hesablansın. Şəxs oğlu Azərbaycan Respublikası Daxili İşlər Nazirliyinin inzibati həbs olunanların saxlanılma məntəqəsində saxlanılsın. Qərarın surəti rəsmi qaydada verildiyi vaxtdan 10 (on) gün müddətində Bakı şəhəri Səbail Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Sədrlik edən: Rəna Qafarova