Bakı Şəhəri Səbail Rayon Məhkəməsi Qərar — İş №3(009)-989/2022

Azərbaycan Respublikası adından QƏRAR Bakı şəhəri İş № 3(009)-989/2022 13.06.2022 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Qafarova Rəna Nazim qızının sədirliyi, Paşazadə Pərvin Kamandar oğlunun katibliyi, Bakı şəhəri Səbail RPİ-nin 39-cu polis bölməsinin sahə inspektoru X1, barəsində inzibati xəta haqqında icraat aparılan şəxs Şəxs, tərcüməçi Əlirza Azəroğlunun iştirakları ilə, xx.xx.1994-cü il tarixdə Mingəçevir şəhərində anadan olmuş, Rusiya Federasiyasının vətəndaşı, subay, ünvan 1 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 206-cı maddəsi ilə nəzərdə tutulmuş inzibati xəta haqqında materiala baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyi Səbail Rayon Polis İdarəsi tərəfindən Azərbaycan Respublikası İnzibati Xətalar Məcəlləsinin 206-cı maddəsinə əsasən Şəxs barəsində tərtib olunmuş inzibati material, baxılması üçün Bakı şəhəri Səbail Rayon Məhkəməsinə göndərilmişdir. İş materiallarında olan 13 iyun 2022-ci il tarixdə tərtib edilmiş MN seriyalı, ******* nömrəli inzibati xəta haqqında protokoldan görünür ki, Rusiya Federasiyasının vətəndaşı Şəxs xx.xx.2022-ci il tarixdə, saat 14:00 radələrində Bakı şəhəri, Səbail rayonu, “Dənizkənarı” Milli parkda “F1” yarışması ilə əlaqədar qurulmuş keçid məntəqəsində üzərində şəxsi istehlak miqdarında narkotik vasitə gəzdirdiyinə görə saxlanılmışdır. İş materiallarında olan Bakı şəhəri Səbail RPİ-nin 39-cu PB-nin təhqiqatçısı, polis leytenantı X4 cinayət işinin başlanılmasının rədd edilməsi haqqında xx.xx.2022-ci il tarixli qərarından görünür ki, xx.xx.2022-ci il tarixində Dənizkənarı Milli Park ərazisində yerləşən 4-cü buraxılış postunda xidmət aparan ƏÇPA-nın 1-ci patrul bölüyünün polis nəfəri, polis serjantı X2 raport ilə müraciət edərək qeyd edilən tarixdə saat 14:40 radələrində xidməti postda olan zaman Şəxs üzərinə baxış keçirən zaman üzərindən narkotik vasitəyə bənzər kütlə ilə doldurulmuş kağız büküm aşkar etməsini və həmin şəxs barəsində qanuni tədbir görülməsini xahiş etmişdir. Faktla bağlı Səbail RPİ-nin 39-cu Polis Bölməsinə gətirilmiş vətəndaş Şəxs üzərinə polis əməkdaşlarının iştirakı ilə videoçəkiliş vasitəsi ilə şəxsi axtarış aparılmış, axtarış zamanı Şəxs üzərində qanunla dövriyyəsi qadağan olunmuş əşya və predmet olmadığını bildirərək xx.xx.2022-ci il tarixində Dənizkənarı Milli Park ərazisində yerləşən postdan keçən zaman üzərində olan siqaret qutusunun içərisinə yerləşdirdiyi narkotik vasitə olan marixuana ilə bükülmüş vəziyyətdə olan 01 ədəd kağız bükümün polis əməkdaşları tərəfindən aşkar edilməsini bildirmişdir. Baxış zamanı Şəxs aid bükümlər təqdim edilən zaman o, həmin narkotik vasitə olan marixuananı əldə etmək üçün “darknet” adlı internet səhifəsindən tanımadığı şəxsə bitcoin vasitəsilə 20 manat pul məbləği köçürməsini və sonradan həmin şəxsin narkotik vasitəni Nərimanov rayonu ərazisində yerləşən parkın içərisində ağacın altında qoymasını və həmin şəkili telegram vasitəsilə ona göndərməsindən sonra həmin narkotik vasitəni əldə etməsini bildirmişdir. Şəxs aşkar olunmuş bükümlər qablaşdırılıb barəsində müvafiq rəy verilməsi üçün Azərbaycan Respublikası Ədliyyə Nazirliyinin Ekspertiza Mərkəzinə göndərilmiş, Məhkəmə Ekspertiza Mərkəzinin 13 iyun 2022-ci il tarixli, 7/621 saylı rəyindən görünür ki, vətəndaş Şəxs götürülmüş bir ədəd “Winston” markalı siqaret qutusunda bir ədəd uc hissəsi yanmış papiros formasında düzəldilmiş kağız borucuqda ümumi çəkisi 0,260 qram tütünün içərisində cüzi miqadarda narkotik vasitə olan marixuana hissəcikləri vardır. Marixuana hissəcikləri cüzi miqadarda olduğundan onun üçün çəkisini müəyyən etmək mümkün deyildir. Həmin qərarla, göstərilənlərə əsasən Şəxs əməllərində cinayət tərkibi olmadığından barəsində cinayət işinin başlanmasının rədd edilməsi, Şəxs barəsində inzibati tənbeh tədbirlərinin görülməsi məqsədilə aidiyyəti əməkdaşa həvalə edilməsi üçün qəbul edilmiş qərarın surətinin 39-cu PB-nin rəhbərliyinə təqdim edilməsi barədə qərar qəbul edilmişdir. Məhkəmə iclasında iştirak edən inzibati xəta haqqında protokol tərtib etmiş şəxs Bakı şəhəri Səbail RPİ-nin 39-cu polis bölməsinin sahə inspektoru X3 inzibati xəta haqqında protokolda göstərilənləri təsdiqləyərək, Şəxs Azərbaycan Respublikası İnzibati Xətalar Məcəlləsinin 206-cı maddəsi ilə təqsirli bilinərək müvafiq inzibati məsuliyyətə cəlb edilməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs törətdiyi inzibati xətanı etiraf edərək əməlindən səmimi peşman olduğunu və bir daha belə hallara yol verməyəcəyini bildirərək ona yüngül inzibati tənbeh verilməsini xahiş etmişdir. Məhkəmə proses iştirakçılarının izahatlarını dinləyib və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 206-cı maddəsində nəzərdə tutulmuş inzibati xətanı – qanunsuz olaraq narkotik vasitənin əldə edilməsi, saxlanması və daşınması - törətməsi tam sübuta yetirilir. Azərbaycan Respublikasının İnzibati Xətalar Məcəlləsinin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə - üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Belə ki, Şəxs qanunsuz olaraq narkotik vasitəni (marixuana) əldə etməsi, saxlaması və daşıması digər sübutlarla yanaşı Şəxs məhkəmə iclasında verdiyi izahatı ilə də öz təsdiqini tapmışdır. Məhkəmə qeyd edir ki, Azərbaycan Respublikasının İnzibati Xətalar Məcəlləsinin 206cı maddəsinə əsasən, qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə - üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin üçdə birindən az ola bilməz. İnzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. (31.4-1) Həmin Məcəllənin 32.1.1-ci maddəsinə əsasən, inzibati xəta törətmiş şəxsin səmimi peşmançılığı inzibati tənbeh tətbiq edilərkən məsuliyyəti yüngülləşdirən hal hesab edilir. İnzibati tənbeh tətbiq edilərkən bu Məcəllənin 32.1.1-32.1.7-ci maddələrində göstərilməmiş başqa hallar da hakim tərəfindən məsuliyyəti yüngülləşdirən hal qismində nəzərə alına bilər. (32.2.) Məhkəmə iclasında Şəxs əməlindən peşman olmasını məsuliyyəti yüngülləşdirən hal kimi qəbul edir, məsuliyyəti ağırlaşdıran hallar müəyyən edilməmişdir. Məhkəmə, Şəxs barəsində inzibati tənbeh tətbiq edərkən işin hallarını, törətdiyi inzibati xətanın xarakterini, ictimai təhlükəlilik dərəcəsini, o cümlədən məsuliyyəti yüngülləşdirən halları və ağırlaşdıran halların olmamasını nəzərə alaraq, Şəxs cəmiyyətdən təcrid edilmədən islah edilməsini mümkün hesab edir və Azərbaycan Respublikasının İXMnin 206-cı maddəsinin sanksiyasında nəzərdə tutulmuş inzibati cərimə tənbeh tədbirinin tətbiq edilməsinin qanuni və əsaslı olması ilə yanaşı, həm də inzibati tənbehin məqsədinə uyğun olması nəticəsinə gəlir. Qeyd edilənləri nəzərə alaraq məhkəmə hesab edir ki, Şəxs Azərbaycan Respublikasının İnzibati Xətalar Məcəlləsinin 206-cı maddəsi ilə təqsirli bilinməli və barəsində 300 (üç yüz) manat məbləğində cərimə növündə inzibati tənbeh tətbiq edilməlidir. Bundan başqa iş materiallarında olan Məhkəmə Ekspertiza Mərkəzinin 13 iyun 2022ci il tarixli, 7/621 saylı rəyindən görünür ki, tədqiqata təqdim edilmiş üzərində “şübhəli şəxs Şəxs .....” yazı və imzalar olan zərfdə bir ədəd “Winston” markalı siqaret qutusunda bir ədəd uc hissəsi yanmış papiros formasında düzəldilmiş, kağız borucuqda ümumi çəkisi 0,260 qram tütünün içərisində cüzi miqadarda narkotik vasitə olan marixuana hissəcikləri vardır. Marixuana hissəcikləri cüzi miqadarda olduğundan onun çəkisini müəyyən etmək mümkün deyildir. Azərbaycan Respublikasının İnzibati Xətalar Məcəlləsinin 77.3, 94.12-ci maddələrinə əsasən, icraatında inzibati xəta haqqında iş olan hakim, səlahiyyətli orqan (vəzifəli şəxs) iş üzrə icraat başa çatanadək maddi sübutların qorunub saxlanılmasının təmin edilməsi üçün tədbirlər görməli, inzibati xəta haqqında iş üzrə icraat başa çatdıqdan sonra maddi sübutlar haqqında qərar qəbul etməlidir. Məhv edilməli olan narkotik vasitələrin və psixotrop maddələrin, etil spirtinin, alkoqollu və tərkibində spirt olan məhsulların nümunələri inzibati xəta haqqında iş üzrə qəbul edilmiş qərar qanuni qüvvəyə mindiyi günədək saxlanılır. Məhkəmə maddi sübut məsələni müzakirə edərək, qanunvericiliyin normalarına istinad edərək hesab edir ki, barəsində inzibati xəta haqqında icraat aparılan şəxs Şəxs aşkar edilərək götürülmüş üzərində “şübhəli şəxs Şəxs .....” yazı və imzalar olan zərfdə bir ədəd “Winston” markalı siqaret qutusunda bir ədəd uc hissəsi yanmış papiros formasında düzəldilmiş, kağız borucuqda ümumi çəkisi 0,260 qram olan, tədqiqatdan sonra qalıq qalan 0,210 qram tütünün içərisində cüzi miqadarda narkotik vasitə olan marixuana hissəcikləri qərar qanuni qüvvəyə mindikdən sonra məhv edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 206-cı maddəsi ilə təqsirli bilinsin və barəsində 300 (üç yüz) manat məbləğində cərimə növündə inzibati tənbeh tətbiq edilsin. İş üzrə maddi sübut (Bakı şəhəri Səbail RPİ-də saxlanılan) - Şəxs aşkar edilərək götürülmüş üzərində “şübhəli şəxs Şəxs .....” yazı və imzalar olan zərfdə bir ədəd “Winston” markalı siqaret qutusunda bir ədəd uc hissəsi yanmış papiros formasında düzəldilmiş, kağız borucuqda ümumi çəkisi 0,260 qram olan, tədqiqatdan sonra qalıq qalan 0,210 qram tütünün içərisində cüzi miqadarda narkotik vasitə olan marixuana hissəcikləri qərar qanuni qüvvəyə mindikdən sonra məhv edilsin. Qərarın surəti rəsmi qaydada verildiyi vaxtdan 10 (on) gün müddətində Bakı şəhəri Səbail Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Sədrlik edən: Rəna Qafarova