Bakı Şəhəri Suraxanı Rayon Məhkəməsi Qərar — İş №3(010)-1031/2021

Azərbaycan Respublikası adından QƏRAR Bakı şəhəri İş № 3(010)-1031/2021 10.08.2021 BAKI ŞƏHƏRİ SURAXANI RAYON MƏHKƏMƏSİ Hakim Miriyeva Səlimə Miri qızının sədrliyi, X5 iclas katibliyi, Bakı şəhəri Suraxanı rayon prokurorunun köməkçisi X6, Barəsində inzibati xəta haqqında protokol tərtib edilmiş şəxs Şəxs, qanuni nümayəndəsi X8 və müdafiəçisi Vəkil oğlu, Zərərçəkmiş şəxs X2 iştirаkları ilə, xx.xx.2003-cü il tarixdə, Bakı şəhərində doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 1 ünvanında qeydiyyatda olmaqla ünvan 2rəsiz evdə yaşayan Şəxs Azərbaycan Respublikası İnzibati Xətalar Məcəlləsinin 327.1, 332.1, 332.2 və 332.4cü maddələrində müəyyən edilmiş inzibati xətaları törətməsinə dair daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikası İnzibati Xətalar Məcəlləsinin (bundan sonra İXM) 327.1, 332.1, 332.2 və 332.4-cü maddələri ilə nəzərdə tutulmuş inzibаti xətаnı törətməkdə təqsirli bilinərək, barəsində Bakı şəhəri Suraxanı Rayon DYPŞ YNH inspektoru, polis kapitanı X9 tərəfindən 13 iyul 2021-ci il tarixdə inzibati xəta haqqında prоtоkоl tərtib оlunаrаq baxılması üçün Bakı şəhəri Suraxanı Rayon Məhkəməsinə göndərilmişdir. İnzibati xətа hаqqındа prоtоkоl ona görə tərtib olunmuşdur ki, Şəxs idarə etdiyi “Mercedes Benz E300 minik” markalı, ** NP *** dövlət qeydiyyat nişanlı nəqliyyat vasitəsi ilə İXM-in 327.1, 332.1, 332.2 və 332.4-cü maddələrində nəzərdə tutulan inzibati xətaları törətmişdir. Məhkəmə iclasında barəsində inzibati xəta haqqında protokol tərtib edilmiş şəxs Şəxs özünü təqsirli bilərək izahatında qeyd etdi ki, 07.07.2021-ci il tarixində, axşam saatlarında əmisinin məlumatı olmadan ona məxsus avtomobilin sükanı arxasına əyləşmiş, avtomobili bir müddət idarə etdikdən sonra idarəetməni itirərək yol kənarında duran avtomobillərə vurmuşdur. Əməlindən peşmandır. Odur ki, məhkəmədən əməlindən peşman olmasını nəzərə alaraq, barəsində ədalətli qərar qəbul edilməsini xahiş etdi. Məhkəmə iclasında barəsində inzibati xəta haqqında protokol tərtib edilmiş şəxs Şəxs müdafiəçisi Vəkil bildirdi ki, hüquqlarını müdafiə etdiyi Şəxs yetkinlik yaşına çatmayan şəxsdir. O, törətdiyi əməldən səmimi peşmandır. Odur ki, məhkəmədən bu halları nəzərə alaraq, onun barəsində ən yüngül tənbeh tədbirinin tətbiq edilməsini xahiş etdi. (İnzibati qaydada tutulan yetkinlik yaşına çatmayanların, lal, kar, kor, fiziki və ya psixi qüsurlarına görə özlərinin müdafiə hüququnu həyata keçirə bilməyən digər şəxslərin işlərində vəkilin iştirakı məcburidir. Göstərilən hallarda barəsində inzibati xəta haqqında iş üzrə icraat aparılan şəxsin müdafiəçidən imtinası qəbul olunmur. İXM, md. 66.1.) Məhkəmə iclasında barəsində inzibati xəta haqqında protokol tərtib edilmiş şəxs Şəxs qanuni nümayəndəsi X8 izahat verərək bildirdi ki, 07.07.2021-ci il tarixdə axşam saatlarında oğlu Şəxs evdə olmadığını, evdən xəbərsiz çıxdığını bilmiş, elə həmin vaxt onun əmisinin maşınını götürüb evdən çıxdığını və qəza törətdiyini eşitmişdir. O, dərhal hadisə yerinə getmiş, oğlunun və zərərçəkmiş avtomobillərin sahiblərinin hadisə yerində olduğunu görmüşdür. Onlar hadisə yerinə polisi gəlməsini gözləmiş, sonra birlikdə izahat vermək üçün Polis Bölməsinə getmişlər. Oğlunun yetkinlik yaşına çatmadığını və əməlindən peşman olmasının nəzərə alınmasını məhkəmədən xahiş etdi. (Barəsində inzibati xəta haqqında iş üzrə icraat aparılan fiziki şəxs və ya zərər çəkmiş şəxs yetkinlik yaşına çatmadıqda, yaxud fəaliyyət qabiliyyəti olmadıqda və ya məhdud fəaliyyət qabiliyyətli olduqda, həmin şəxslərin mənafeyini onların qanuni nümayəndələri təmsil edir. İXM, md.63.1) Məhkəmə iclasında zərərçəkmiş şəxs X3 izahatında bildirdi ki, 07.07.2021-ci il tarixdə yaşadığı Bakı şəhəri, Yeni Günəşli qəsəbəsi, V yaşayış sahəsi, 13 saylı binanın qarşısında dayanmış vəziyyətdə olan özünə və yoldaşına məxsus iki avtomobil Şəxs idarə etdiyi avtomobil tərəfindən vurulmuş, hər iki avtomobilə də külli miqdarda ziyan dəymiş, avtomobillər demək olar ki, yararsız vəziyyətə düşmüşdür. O, bu ziyanın qarşılanmasını istəyir. Barəsində inzibati xəta haqqında protokol tərtib edilmiş şəxs Şəxs baş vermiş yol nəqliyyat hadisəsinə görə tam təqsirlidir. Odur ki, məhkəmədən onun barəsində inzibati tənbeh tədbiri tətbiq edilməsini xahiş etdi. Məhkəmə iclasında Bakı şəhəri Suraxanı rayon prokurorunun köməkçisi X1 Fərman Fuad oğlunun 327.1, 332.1, 332.2 və 332.4-cü maddələrində nəzərdə tutulan inzibati xətaları törətməkdə təqsirli olduğunu bildirib məhkəmədən barəsində inzibati tənbeh tədbiri tətbiq edilməsini xahiş etdi. (Yetkinlik yaşına çatmayanlar barəsində inzibati xətalar haqqında, habelə öz təşəbbüsü ilə başlanmış inzibati xətalar haqqında işlərin baxılmasının yeri və vaxtı prokurora bildirilir. Həmin işə prokurorun iştirakı olmadan yalnız o hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın. İXM, md. 54.6) Məhkəmə tərəfləri dinləyib, iş materiallarını araşdırıb hesаb edir ki, Şəxs İXM-in 327.1, 332.1, 332.2 və 332.4-cü maddələrində nəzərdə tutulan inzibati xətanı törətmişdir və o, inzibаti qаydаdа məsuliyyətə cəlb edilməlidir. Belə ki, inzibаti işin mаteriаllarına əlаvə edilmiş və məhkəmə iclasında tədqiq edilmiş: Bakı şəhəri Suraxanı Rayon DYPŞ YNH inspektoru, polis kapitanı X9 tərəfindən 13.07.2021-ci il tarixdə tərtib edilmiş İXP ******* nömrəli inzibat xəta haqqında protokoldan görünür ki, Şəxs idarə etdiyi “Mercedes Benz E300 minik” markalı, ** NP *** dövlət qeydiyyat nişanlı nəqliyyat vasitəsi ilə İXM-in 327.1, 332.1, 332.2 və 332.4-cü maddələrində nəzərdə tutulan inzibati xətaları törətmişdir. Məhkəmə tərəfindən müəyyən edilmişdir ki, 07.07.2021-ci il tarixdə yetkinlik yaşına çatmamış və sürücülük hüququ olmayan Şəxs qohumuna məxsus “Mercedes Benz E300 minik” markalı, ** NP *** dövlət qeydiyyat nişanlı avtomobili idarə etmiş, avtomobili sürərkən “Yol hərəkəti haqqında” Azərbaycan Respublikası Qanunu ilə müəyyən edilmiş yaşayış zonasında hərəkət etmə qaydalarını pozmuş, yoldan çıxaraq yol kənarında dayanmış “Opel Astra” markalı, ** VA *** dövlət qeydiyyat nişanlı, “Ford Fusion” markalı, ** NY *** dövlət qeydiyyat nişanlı, “Mercedes Benz C180 minik” markalı, ** UO *** dövlət qeydiyyat nişanlı, “Hyundai Sonata” markalı, JJ 109 UU dövlət (Gürcüstan) qeydiyyat nişanlı avtomobillərə maddi ziyan vurmuşdur. O, bununla İnzibati Xətalar Məcəlləsinin 327.1, 332.1, 332.2 və 332.4-cü maddələrində nəzərdə tutulan inzibati xətaları törətmişdir. “Yol hərəkəti haqqında” Azərbaycan Respublikasının Qanununun 45-ci maddəsinin: İ. Yaşayış zonası olan ərazidə piyadaların hərəkətinə həm səkilərdə, həm də yolun hərəkət hissəsində icazə verilir. Yaşayış zonasında piyadalara üstünlük verilir, lakin onlar nəqliyyat vasitələrinin hərəkəti üçün əsassız maneə yaratmamalıdırlar. İİ. Yaşayış zonasında xüsusi olaraq ayrılmış, işarələrlə göstərilmiş, nişanlanmış yerlərdən kənarda saatda 20 kilometrdən artıq sürətlə hərəkət etmək, sürmə təlimi keçmək, mühərriki söndürmədən durmaq, habelə icazə verilən maksimum kütləsi 3,5 tondan çox olan yük avtomobillərinin durması qadağandır. İİİ. Sürücülər yaşayış zonasından çıxarkən, hərəkətin digər iştirakçılarına yol verməlidirlər. İV. Bu maddənin tələbləri həyət ərazilərinə də şamil edilir. Azərbaycan Respublikasının İnzibati Xətalar Məcəlləsinin: 327.1. Yol nişanlarının və ya yolların hərəkət hissəsinin işarələrinin tələblərinə riayət edilməməsinə, yaxud nəqliyyat vasitəsinin yolların hərəkət hissələrində yerləşdirilməsi, yaxud araməsafəsi, yedəyə alma, yük daşıma, sürmə təlimi keçmə, yaşayış zonasında hərəkət etmə, əks istiqamətli hərəkət zolağına çıxmadan ötmə və ya manevr etmə qaydalarının pozulmasına, səkilərlə və “Yol hərəkəti haqqında” Azərbaycan Respublikasının Qanunu ilə nəzərdə tutulmamış hallarda yolun çiyni ilə hərəkət edilməsinə, nəqliyyat vasitələrindən bayıra hər hansı əşyanın atılmasına görə qırx manat məbləğində cərimə edilir. 332.1. Nəqliyyat vasitəsinə sahiblik hüququ olan şəxsin nəqliyyat vasitəsində olması halları istisna olmaqla, nəqliyyat vasitəsinin etibarnamə olmadan idarə edilməsinə görə qırx manat məbləğində cərimə edilir. 332.2. Nəqliyyat vasitəsini idarə etmək hüququ olmadan nəqliyyat vasitəsinin idarə edilməsinə görə yüz manat məbləğində cərimə edilir. 332.4. Bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə dörd yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Beləliklə, məhkəmə iş üzrə barəsində inzibati icraat aparılan şəxsin, onun qanuni nümayəndəsinin, zərərçəkmiş şəxsin izahatına və tədqiq edilmiş sübutlara qiymət verərək hesab edir ki, Şəxs İXM-in 327.1, 332.1, 332.2 və 332.4-cü maddələri ilə nəzərdə tutulmuş inzibati xətaları törətməsi iş üzrə tоplаnmış materiallarla tam sübuta yetir. Onun inzibati məsuliyyətdən azad edilməsi və iş üzrə icraata xitam verilməsi üçün heç bir əsas yoxdur və Şəxs törətdiyi inzibati xətaya görə tənbeh edilməlidir. İXM-in 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən, heç bir sübutun qabaqcadan müəyyən edilmiş qüvvəsi yoxdur. Eyni zamanda, nəzərə alınmalıdır ki, İXM-in 34.3-cü maddəsinə əsasən, şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Həmin Məcəllənin 327.1-ci mаddəsinin sаnksiyаsındа 40 manat, 332.1-ci maddəsində 40 manat, 332.2-ci maddəsində 100 manat, 332.4-cü maddəsinin sanksiyasında isə 400 manat məbləğində cərimə, yaxud işin hallarından asılı olaraq bir ayadək müddətə inzibati həbs tənbehi nəzərdə tutulduğundan 332.4-cü maddədə nəzərdə tutulmuş xəta daha ciddi xəta hesab edilir və tətbiq ediləcək tənbeh tədbiri də həmin xətaya görə seçilməlidir. İXM-in 31.2-ci maddəsində göstərilmişdir ki, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İXM-in 32.1.2-ci maddəsinə əsasən inzibati xətanın yetkinlik yaşına çatmayanlar tərəfindən törədilməsi inzibati tənbeh tətbiq edilərkən, məsuliyyəti yüngülləşdirən hal hesab edilir. Belə olan halda, məhkəmə inzibati xəta törətmiş şəxsin yetkinlik yaşına çatmamasını yüngülləşdirici hal kimi nəzərə alaraq və İXM-in 332.4-cü maddəsinin sanksiyasında 400 manat məbləğində cərimə tənbehinin nəzərdə tutulmasına əsaslanaraq, belə qənaətə gəlir ki, Şəxs İXM-in 327.1, 332.1, 332.2 və 332.4-cü maddələri ilə təqsirli bilinib, bаrəsində 400 manat məbləğində inzibati cərimə tənbehi tətbiq edilməsi оnu qаnunlаrа əməl edilməsi ruhundа tərbiyələndirmək, hаbelə gələcəkdə yeni inzibаti xətа törətməsinin qаrşısını аlmаq kimi inzibаti tənbehin məqsədlərinə nаil оlmаq mümkündür. Göstərilənlərə əsаsən və İXM-in 43, 112, 114, 115, 117, 128-130-cu mаddələrini rəhbər tutаrаq, məhkəmə QƏRARA A L D İ: Şəxs Azərbaycan Respublikasının İnzibati Xətalar Məcəlləsinin 327.1, 332.1, 332.2 və 332.4-cü maddələri ilə təqsirli bilinib, bаrəsində 400 (dörd yüz) manat məbləğində inzibаti cərimə tənbehi tətbiq edilsin. Qərаrın surəti təqdim edildiyi və yа аlındığı gündən 10 (оn) gün müddətində Bakı şəhəri Suraxanı Rаyоn Məhkəməsi vаsitəsi ilə Bakı Аpellyаsiyа Məhkəməsinə аpellyаsiyа şikаyəti və yа prоtesti verilə bilər. Sədrlik edən Səlimə Miriyeva