Bakı Şəhəri Suraxanı Rayon Məhkəməsi Qərardad — İş №3(010)-1079/2021

Azərbaycan Respublikası adından QƏRARDAD Bakı şəhəri İş № 3(010)-1079/2021 24.08.2021 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu EXP seriyalı ******* nömrəli inzibati xəta haqqında protokolla bağlı X1 şikayətinə (ərizəsinə) baxaraq, MÜƏYYƏN ETDİM: X2 barəsində Azərbaycan Respublikası İXM-nin 211.2-ci maddəsi ilə 08 may 2021ci ildə tərtib edilmiş EXP seriyalı ******* nömrəli inzibati xəta haqqında protokolla bağlı 20 avqust 2021-ci ildə şikayətlə (ərizə ilə) məhkəməyə müraciət etmişdir. Şikayəti (ərizəni) nəzərdən keçirərək hesab edirəm ki, o, aşağıda göstərilənlərə əsasən geri qaytarılmalıdır. Azərbaycan Respublikası İXM-nin 128.1-ci maddəsinə əsasən «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Həmin Məcəllənin 130.1-ci maddəsinə əsasən «Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər». X1 şikayətinin (ərizəsinin) və Suraxanı Rayon Polis İdarəsinin 33-cü polis bölməsi tərəfindən ona 13 may 2021-ci ildə ünvanlanmış məktubun məzmunlarından görünür ki, o, inzibati tənbeh vermə haqqında qərar barədə vaxtlı-vaxtında məlumatlandırılıb. Beləliklə, təqdim olunmuş sənədlərlə müəyyən olunur ki, şikayət qanunvericiliyin yuxarıda qeyd olunan müddəalarında nəzərdə tutulan 10 günlük prosessual müddət buraxıldıqdan sonra verilib. Göstərilənlərlə yanaşı qeyd olunur ki, şikayətçi məhkəməyə istər inzibati xəta haqqında protokolu, istərsə də müvafiq qərarı təqdim etməyib. Azərbaycan Respublikası İXM-nin 132.1.2-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub-olmadığını yoxlamalıdır. Həmin məsləyə baxaraq belə qənaətə gəlirəm ki, inzibati xəta haqqında qərardan şikayət verilməsi müddətinin buraxılması icraatı rədd edən hal kimi qiymətləndirilməlidir. Yuxarıda göstərilənlərə əsasən, QƏRARA ALDİM: X1 EXP seriyalı ******* nömrəli protokolla bağlı şikayəti geri qaytarılsın. Hakim Ceyhun Qədimov