Bakı Şəhəri Suraxanı Rayon Məhkəməsi Qərar — İş №3(010)-1165/2021

Azərbaycan Respublikası adından QƏRAR Bakı şəhəri İş № 3(010)-1165/2021 17.09.2021 BAKI ŞƏHƏRİ SURAXANI RAYON MƏHKƏMƏSİ Suraxanı Rayon Məhkəməsinin hakimi İbrahimov Anar Firdovsi oğlunun sədrliyi, Heydərova Nilufər Ruhulla qızının katibliyi, barəsində inzibati xəta haqqında protokol tərtib olunmuş Şəxs, zərərçəkmiş şəxs X1 iştirakı ilə xx.xx.1967-ci ildə Gürcüstan Respublikasının Dmanisi rayonunda doğulmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan və həmin ünvanda yaşayan Şəxs Azərbaycan Respublikası İXM-nin 157-ci maddəsi ilə təqsirləndirilməsinə dair inzibati xəta haqqında işə baxaraq, məhkəmə M Ü Ə Y Y Ə N E T D İ : Şəxs 25 avqust 2021-ci il tarixdə bacısı X2 aralarında yaranmış mübahisə zəminində döyərək, sonuncuya dərəcəsi təyin edilməyən xəsarətlər yetirmişdir. Məhkəmə iclasında Şəxs yuxarıda təsvir olunmuş inzibati xətanı törətməkdə özünü təqsirli bilməyərək qeyd etmişdir ki, X3 onun böyük bacısıdır. 25.08.2021-ci il tarixdə saat 19:00 radələrində İsminaz onun yaşadığı evin qarşısında mübahisə edərək əxlaqsız ifadələrlə onu təhqir etmiş, əlləri ilə onu döyərək, saçından tutaraq yerə yıxmışdır. Münaqişə zamanı o, X2 döyməmişdir, əksinə olaraq, sonuncu onu döyərək, saçını yolaraq xəsarətlər yetirmişdir. O, X3 ilə barışmaq niyyətində deyildir. İşin məhkəmə baxışı zamanı zərərçəkmiş şəxs qismində dindirilmiş X3 bildirmişdir ki, Şəxs onun kiçik bacıdır. 25.08.2021-ci il tarixdə saat 19:00 radələrində Əskinaz onunla yaşadığı evin qarşısında mübahisə edərək əxlaqsız ifadələrlə onu təhqir etmiş, əlləri ilə onu döymüş, buna javab olaraq o, sonunjunu itələmiş, ola bilər ki bu hərəkətləri ilə o, da sonunjuya xəsarət yetirmişdir. Şəxs qanunla nəzərdə tutulan tənbeh tətbiq olunmasını məhkəmədən xahiş edir. Barəsində inzibati xəta haqqında iş üzrə icraat aparılan şəxsin müvafiq inzibati xətanı törətməsi faktı iş üzrə zərərçəkmiş şəxsin ifadəsi ilə yanaşı, iş üzrə toplanmış digər sübutlarla da təsdiq olunur. İş materiallarına əlavə edilmiş 26.08.2021-ci il tarixli 919 nömrəli ekspert rəyinin nəticəvi hissəsində qeyd olunur ki, İ.G.Bəkirovanın müayinəsi zamanı bədəni üzərində aşkar olunmuş xəsarətlər - sağ dirsək oynağının sıyrığı və sağ budun qançırları küt əşyanın (əşyaların) təsirindən törənmişlər, qərarda göstərilən müddətə və şəraitə yəni, 25.08.2021-ci ıl tarixdə əmələ gələ bilər və sağlamlığa zərərvurmayan xəsarətlərə aid olduqları üçün dərəcələri təyin edilmir. Beləliklə, iş üzrə toplanmış sübutların cəminə hüquqi qiymət verərək, məhkəmə hesab edir ki, Şəxs Azərbaycan Respublikası İXM-nin 157-ci maddəsində nəzərdə tutulmuş inzibati xətanı törətmişdir. Ona görə də barəsində inzibati xəta haqqında iş üzrə icraat aparılan şəxs həmin maddə ilə təqsirli bilinərək məsuliyyətə cəlb olunmalıdır. Azərbaycan Respublikası İXM-nin 31.2-ci maddəsinə əsasən «Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». Məhkəmə hesab edir ki, münaqişənin ailə-məişət mübahisəsi zəminində baş verməsi, inzibati xətanı törətmiş şəxsin qadın olması iş üzrə məsuliyyətini yüngülləşdirən hal kimi nəzərə alınmalıdır. İş üzrə məsuliyyəti ağırlaşdıran hal müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, Q Ə R A R A A L D İ M: Şəxs Azərbaycan Respublikası İXM-nin 157-ci maddəsi ilə təqsirli bilinərək 300 (üç yüz) manat miqdarında cərimə edilsin. Qərarın surəti təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsi ilə Bakı Apelyasiya Məhkəməsinə şikayət və ya protest verilə bilər. Sədrlik edən Anar İbrahimov